1 SAMUEL 15:13 - Cho Bible Common Language 2016

¹³ Samuela cu Saul ah gawk khäta, Saul naw, yavaih na neta, “Bawipa naw hriham ning pe sä, Samuela! Kei naw Bawipa ah thumkhän cu ka läk ci nei” cik ci.

1 SAMUEL 15:13 Referans Kwoze

RUT 3:10

Ani naw, “Bawipa naw hriham ning pe sä, nang naw tuhbäi ung bä ciah kyong khui mah nak cu, na cei ah nu ah khan ah na bi ah ta, bä pi khai ah na m’dang ci nei. Nang naw ak pyam amg mang hmaw chang akda om sei phi, a u kä na cei nak ci.

SUKI GUI 17:2

Ani naw anu am,” Na ngui pit phia gha kei ät ami m’guk sang ung, nang naw m’guk ei cu na plah tam ci. Cun ah na bi cu kei naw ka ng’yak ci. Teng ä, cun ah ngui kei ung om ci nei, cun ah ngui lak cicu kei nei” cik ci. Anu naw, “Bawipa naw hriham ning pe sä, ka hta aw!” cik ci.

LUKA 18:11

Pharisee cu amät bäng ng’düi hnga netah, “Aw, Khanpughi aw, chang gui cu, a i baw ng’ya hlük tat ci ni, kä düng ci ni, chang ah hta kat püi ci ni ah kyak ci gui. Kei cu cun ah chang gui ah mäih ah kä ka kyak ci. Shin ah akhawnlook ciah chang ah mäih ah phi kä ka kya tuk ci, cun ah kyasei Khanpughi ka ning m’hlüngtai ci.

LUKA 17:10

A cun ah mäih ah nangmi cun phi; ami ning bi sak gui avan nami bi yawp ung, “Keimi cu changshäm düt ah kami kyak ci, kami bi vai ah kyak ci cu, kami bi ah kyak ci nei, nami ci vai” ci ne m’cäi gui ci.

NG'THU K'THUUK~ 31:31

Cun ah hnumi am a bi avan ah phäh ah ang lawn ah pek vai. Ani cu chang päng naw ak chang m’sui vai ah khin kha ci nei.

NG'THU K'THUUK~ 30:13

Mi mät naw ami mät ni aih ciah ngai ciah chang gui om ci — a i hlawk ah kami nik ci ang? cine ami mät naw ngai ci gui.

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

1 SAMUEL 15:11

“Saul ghangpughang ah kam hmoh ah phäh ah kei ka thüi ci nei; ani cu kei ung ka ng’hlat ne, ka thumkhän phi kä läk ci” cik ci. Samuela cu m’lung shei ci, amü pum Bawipa ah ng’coi ng’pa ci.

1 SAMUEL 15:9

Cun ung phi Saul la akchang gui naw Agag cu kä ngawn ci gui, htome la seipat aknipi, sei hta la htome hta aknipi, aknipi phung cu kä ngawn ci gui; a i ah kä mawng phyak ci la kholä khai phung m’di yawp ci gui.

ATÜNNAK 14:19

Ani naw Abram cu hriham pe neta, “Khankho la khomdek tüi pyang ciah A hlüngtai Pikbäih Khanpughi naw, Abram cu hriham pe sä!

ATÜNNAK 3:12

Chang naw, “Nang naw na law püi ah hnumi naw sing theih cu na pe sei ka ei ci nei” pyen ci.

NG'THU K'THUUK~ 27:2

Chang hei gui naw ning m’taam u sä — chang khuihei gui naw phi ning m’taam u sä, na mät naw na mät kä na m’taam vai.

1 SAMUEL 13:10

acun a pyi hta ng’lung vai am, Samuel cu gawk lawk ci. Saul naw hteit ne va hmu ne ana dou ci.

1 SAMUEL 15:20

Saul naw, “Bawipa ka läk ci nei” cik ci. “Ana m’cäi ah mäih ah kei ka hteit ci, Ghangpughang Agag ka law püi ci, Amalek chang gui avan ka ngawn gui ci.

1 SAMUEL 25:14

Nabala ah changshäm tumat naw Nabala ah chu Abigail am, “Nang na ng’yak ci ang? David naw bungpuk ah ka naw chang tüi law ne mi bawi cu yavaih law nak ci, cun ung phi ani naw k’she na gui ci.

2 SAMUEL 2:5

Chang gui cu m’cäi ne tüi gui ci: “Nami bekhüt nak m’dang ne, nami ghangpughang nami htüm cu, Bawipa naw hriham ning pe gui sä.

1 SAMUEL 23:21

Saul naw, “Kei nami na m’hni aih ah phäh ah Bawipa naw hriham ning pe gui sä!