1 SAMUEL 15:11 - Cho Bible Common Language 2016

¹¹ “Saul ghangpughang ah kam hmoh ah phäh ah kei ka thüi ci nei; ani cu kei ung ka ng’hlat ne, ka thumkhän phi kä läk ci” cik ci. Samuela cu m’lung shei ci, amü pum Bawipa ah ng’coi ng’pa ci.

1 SAMUEL 15:11 Referans Kwoze

1 SAMUEL 13:13

Samuel naw, “Cun cu ak ang ah ngaih-tüh ne bi ah kyak ci,” cik ci. Bawipa nami Khanpughi ah ning pek ah thumkhän cu kä na läk ci. Na läk vai sü ung, nang la na hta ng’shon gui cu ngawi yä Israel nami uk khai ah ning chuiso gui khai sü te.

ATÜNNAK 6:6

Khomdek khan ung chang tüisho ne a tha ah phäh ah a yä ba ci.

SAM 119:136

Chang gui naw na thukhän kä ami läk ah hmawk ah tuinu ah mäih ah ka ng’phli li ci nei.

2 SAMUEL 24:16

Bawipa ah khanchang naw Jerusalem m’di khai ah pawng khäta, chang gui m’di nak vai ah mawng ung Bawipa naw am lung m’thawng neta, chang gui ngawn ciah khanchang am, “Ng’düm ä! Bä khai nei!” cik ci. Cun yah ung khanchang cu Jebusit chang Araunah htang khlang ung om ci.

JEREMIAH 9:18

Chang gui naw pyen ci gui, kami mik ng’phli tui awn be ne, Kami mik vun kyah ah ng’phli tui awn ang shüih güt ang ghit ah gook kyah ng’äi vai ah m’thein gui vä.”

SAM 36:3

Ani ah ang thu cu ng’thu she ah kya ne, hleei nak awn be ci; Ani naw cüivai nak la nikiom nak cu kä bi ba ci.

1 SAMUEL 15:35

Samuela naw a ghin ah chuih ghangpughang cu kä hmu ba ci; cun ung phi ani ah khan ah ng’ä ai ci. Saul cu Israel ghangpughang ah kyak khai ah a bi ah phäh ah Bawipa cu a yä ci.

1 SAMUEL 15:9

Cun ung phi Saul la akchang gui naw Agag cu kä ngawn ci gui, htome la seipat aknipi, sei hta la htome hta aknipi, aknipi phung cu kä ngawn ci gui; a i ah kä mawng phyak ci la kholä khai phung m’di yawp ci gui.

1 SAMUEL 15:3

Amalek chang gui cu hteit ne tu gui vä, ngami ung om ci phung m’di yawp vä. A i phi kä nami k’pawih nak vai; chang avan pami, hnumi, akhmaw, nau sen; htome, kala uk la ng’sela avan nami ngawn vai.”

HEBRU 10:38

Ng’düng ciah kakchang gui cu yum ne ghing khai gui nei; Cung ung phi ng’hlat ba ciah chang läi cu, kei naw kä ka yei nak khai nei,” ciah om ci.

MATTHE 5:44

Cun ung phi nami gaa nami m’hni vai, ning shedam nah gui ci nami taigü peit vai, ciah kei naw ka pyein ci.

JEREMIAH 13:17

Nangmi naw kä nami ngaih ah a kyak ung nangmi chang ah nami ng’shei ah phäh ah adüm ah ka kyap khai; Kei cu ak tung ah ka kyap khai, ka ng’phlitui cu long khai, a i ah kyasei ci ung Bawipa ah chang gui pha ne ami hteh püi gui ah phäh ah kyak ci.

JEREMIAH 9:1

Kalu cu tui shawk tui ah mäih, kamik gui cu tui hta lawng ah mäih ah a kyak vai ka ng’ya hlük ci, Cun ung kei cu ami ngawn gui ah ka chang gui ah phäh ah amü a hnüüp ka kyap hning khai nei.

SAM 125:5

Cun ung phi changshe gui na m’kyuk gui yah ung, na lam ng’pleng tak ci gui cu, yuk m’kyuk gui ä. Israel gui ah khan ah dimdeeih nak om sä!

SAM 110:4

Bawipa naw ang müi ah shai tak ci, cun cu kä m’hnawn ba khai: “Nang cu Melchizedek ah taigü ng’län ung angtäi sei taigü ah na kyak khai.”

SAM 109:4

Kei naw m’hni gui ngä sei phi, na ng’tuk püi ci gui, cun ung phi kei naw ka taigü pe gui ci.

SAM 78:57

ami pupa gui ah mäih ah ng’lih ng’lak u ne, kä bekhüt ci gui, Ng’hleek ne zong ciah m’la ah mäih ah ngaih u vai kä kyak ci.

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.

JOSHUA 22:16

Bawipa ah chang bum avan ah phäh ah ng’thu pyen ci gui. Ngami naw ami pyen nak gui cu, “A i ah kyasei nangmi naw Israel Khanpughi hnungtuk püi ne, akshe nami bi ang? Nangmi naw nami mät ah hmawk ah shin ah sonkiang nami cawh nak awn Bawipa cu nami hnungtuk püi ci nei! Nangmi naw ani cu kä nami läk law ba ci nei!

LUKA 6:12

Cun kawn ah Bawipa Jesuh cu m’htung ah kai ne, Khanpughi ah mü lüng ne k’taigü ci.

MATTHE 24:13

Cun ung phi ak hnu ah khüt sei düng ciah chang cu hunphiawn nak gah khai nei.

SAM 78:41

Ngami naw leng ba ba ne Khanpughi cu m’nüm u ne, Israel ah Paciim Khanpughi cu nat sak ci gui.

ZEPHANIAH 1:6

Kei ungka ng’hlat ne kä na läk ba ci gui la kä law ba ne, kä na ng’yoi thäh law ba ci gui phi, ka m’di gui khai.”

JONAH 4:2

Cun ah kei sei a taigü cu, “Bawipa, shin ah mawng cu im kä ka hteh taak pha ung ka pyen ciah kä kya ne ang? Shin cu nang ah bi vai ah kyak ci nei! Cun ah kyasei kei naw akni pi bi ne, Spain khaw ah ka dawng ci nei. Nang cu m’hni ci la m’gein ciah Khanpughi ah na kyak cu ka hmat ci. Ang täi sei m’lung gei ne, chimgein ne, angtäi sei na m’lung m’thawng ge ne, a u kä na m’kyuk ci nei.

JONAH 3:10

Cun ah ami bi cu Khanpughi naw hmu gui ci, ami katnak ami ng’hlah taak phi hmu gui ci. Cun ah kyasei ani naw am lung m’thawng ne, a pyen te ah mäih ah kä m’di gui hnga ci.

AMOS 7:3

Bawipa naw am lung m’thawng neta, “Na hmuh ah mäih ah kä kia hnga khai nei” cik ci.

ATÜNNAK 6:7

Khanpughi cu amlung thüi sei a yä neta, “Ka tüisho ah chang, phyu kha akghing avan cu ka ciin sak yawp khai, shin gui ka tüisho ah phäh ah ka ng’yuu ba ci nei” cik ci.

PHYAWN NAK 32:11

Moses naw Bawipa Khanpughi ah ng’coipa neta, “A i ah kyasei na chang gui ah khan ah na m’lungshe aih ang? Ngami cu dämduh ciah na m’gäi nak la na huham awn na gun gui ah kyak ci nei.

PHYAWN NAK 32:14

Cun ah kyasei Bawipa naw am lung cu m’thawng ba ne, a chang gui khan ah a law püi vai ang ngaih ah kyih vai ah leigai cu kä law püi ci.

1 SAMUEL 8:6

Ghangpughang vai ami m’thäh ah phäh ah Samuel cu kä yei ci; cun ah kyasei ani cu Bawipa ah

1 SAMUEL 15:10

Bawipa naw Samuela am

1 SHONTÄP NAK 21:15

Cun kawn ah ani naw Jerusalem m’di khai ah khanchang tumat tüi lawk ci, cun ung phi ani naw amlung m’thawng neta, khanchang a pyen nak cu, “Ng’düm ä! Acän bäng ah nei!” Khanchang cu Jebusit chang Araunah ah htang-hlang ung ng’düi ci.

JOB 34:27

A i ah kyasei ci ung ngami naw ani ami läl nak cu m’düm ci gui, Ani ah thumkhän gui cu a i ah kä sui ci gui.

JEREMIAH 11:10

Ngami cu kei naw ka pyen maa nak ciah ami pupa gui ah katnak ung hteit ba ci gui; ngami naw ahei khanpughi gui cu khawihnah ci gui. Israel la Judah ami van naw ami pupa gui am kei naw ka peit ah thukhän cu m’shet ci gui nei.

JEREMIAH 34:16

Cun kawn ah nangmi naw nami m’lung thawng ba sak mä u ne kä nami na m’tamkhah ci nangmi nami van naw ami m’hniah um khai gui ah nami phiam pyi gui ah khlei htein gui cu k’ceet gui ne Khlei htein ah nami kyak ba sak gui ci.

EZEKIEL 18:24

“Cun ung phi düng ciah chang naw akni abi nawng ne, Chang she gui ah bi ah akshe gui la shemshai ci gui cu abi ah a kyak ung ani cu ghing lä khai ang? Ka nei, ani akni abi phung kä shüm pet vai nei. Kä abekhüt nak la akat nak ah phäh ah ani cu sik khai nei.

1 SAMUEL 16:1

Bawipa naw Samuel am, “Saul ah phäh ah a i güt na cäi ng’ä khai ang? Israel ghangpughang ung ka, kei naw ka hnu na pyi ci nei. Cun ung phi tuhbäi oliv-situi la ne Bethlehem ah hteit ä, Jesse ming nak ciah hteit ä, a i ah kyasei ci ung, ani ah hta gui ung ka tumat cu ghangpughang vai ah kei naw ka ghü ci nei” cik ci.

1 GHANGPUGHANG GUI 11:9

Cun ung phi Bawipa, Israel Khanpughi cu Solomon ah ma ah hnih vei ng’dang neta a khaw hei khanpughi gui kä ami khawihnah vai ah thumkhän ci, Solomon naw Bawipa cu kä ngai ci, ani ungka naw a hei ah ng’hlat ci. Cun ah kyasei Bawipa naw Solomon ah khan ah m’lungshe neta

1 SHONTÄP NAK 10:13

Saul cu a i ah kyasei a sih ci ung Bawipa ung kä a bekhüt ah phäh ah kyak ci. Ani naw Bawipa ah thumkhän cu kä ngai ci: ani naw aksi gui ah mümcha gui cu ng’shi thäh gui ne lamshüm nak cu shui ci.