1 SAMUEL 14:36 - Cho Bible Common Language 2016

³⁶ Saul naw ak chang gui am, “Mü ung mi hteit ne Philistin gui cu mi tu gui khai nei, khaw kä a thaih pha a chuih mi tu gui u ne, mi ngawn gui yawp khai nei. Ngami naw, “Nipi khai na ngaih phung cu na bi vai nei” cik ci gui. Cun ung phi taigüpa naw, “Khanpughi mi shi thäh cang khai nei” cik ci.

1 SAMUEL 14:36 Referans Kwoze

JAMES 4:8

Khanpughi ah pei ah nami law vai, cun ung nangmi ah pei ah Khanpughi lawk khai. Cheishoh ciah chang gui! Nami kut m’si vä. Thuvi ciah chang gui nami m’lung theing sak vä!

MALAKHI 2:7

Khanpughi ah akcang ah hmuhmat nak m’thei vai cu taigü gui ah bi vai ah kyak ci. Kei ah ng’yak hlü ng’thei tuk khai gui ah chang gui cu ngami ah hteit khai gui, A i ah kyasei ci ung ngami cu hlüngtai ciah Bawipa ah ng’shä tüih ah kyak ci gui.

JEREMIAH 6:5

Mikmi naw mü ung mi tuk khai nei, mang gaw ah pang khäng gui cu mi m’di khai nei.

ISAIAH 58:2

Ngami naw a hnüüp tä na khawihnah ci gui, kei ah ka lamcu kmat u ne, kei ah ka thukhän cu läk hning ci gui ah pyen ci gui nei. Ngami naw clung ciah thukhän gui ka pek gui vai ah ng’ya hlük ci gui ah pyen ci gui. Ngami naw kei na khawihnah u ne yeikyai nak gah ci gui.

SAM 73:28

Cun ung phi kei ah hmawk läi ah, Khanpughi awn ng’et ne, uk ciah Bawipa shungvong nak hmu ne, ani ah bi phung ng’shäu cu cäcat vai ah kyak ci nei!

1 SAMUEL 14:3

(Shawi phaw kawt ciah taigüpa cu Ahijah ah kyak ci, ani cu Ichabod ah phäi Ahitub ah hta ah kyak ci, Ahitub cu Phinehas ah hta Eli ah tu ah kyak ci, Eli cu Shilon ung Bawipa ah taigüpa ah kyak ci.) Jonathan a hteh cu chang gui naw kä hmat ci gui.

1 SAMUEL 11:11

Cumü Saul naw achang gui cu thum ah k’pai gui ci. Kho thaih ung ngami naw ga ah phung cu buuk u ne, Ammonit gui cu hnim gui ci gui. Kho hnüüp law sei ami khli ngawn gui ci gui. Ak pawih gui cu püi ci gui, achang sing ami mät phäh phäh dawng ci gui.

JOSHUA 11:14

Israel gui naw mang gaw gui ungka a phu küi gui la vuhchah gui cu la u ne, kaa nak ci gui. Cun ung phi chang nü ngawn ci gui, a u kä m’ghin ci gui.

JOSHUA 10:19

Cun ung phi na mät cun ung kä na om vai. Ga gui ah hnu lam ah om neta, a hnu täng ung nami tuk vai. Ami mang gaw gui ah kä hteit en ba khai gui ah nami ci gui vai. Bawipa nami Khanpughi naw ngami ah khan ah näng nak ning pe gui ci nei”

KHEI NAK 27:21

Ani cu taigü Eleazar ung ng’yung khai, ani naw Urim la Thummim mang ne kei ung ng’thei khai. A cu cha ah Eleazar naw Joshua la Israel chang bum avan cu ami mawngma nak avan ung m’shümthei gui khai.”

1 SAMUEL 1:23

Elkanah naw, “Bä khai, ni pi khai ah na ngaih ah na bi vai nei; Tui tui na tu ah chuih im ah na om püi vai nei. Bawipa naw na shaitak cu bä khai ah bik khai nei. Na shaitak cu akcang ah bä khai ah Bawipa naw bi sä,” cik ci. Cun ah kyasei Hannah cu im ah om ne ak hmaw m’htei ci.