1 SAMUEL 14:25 - Cho Bible Common Language 2016

²⁵ Ngami cu bung hmu ah gawk law u neta, khoitui avan ung hmuk ci gui.

1 SAMUEL 14:25 Referans Kwoze

THULÄÄN NAK 9:28

Vangtäng ah phi nang naw na chang gui cu na shaitak gui ah khaw ung kä na hteh püi gui hning ciah Egypt chang gui naw pyen khai gui nei. Ngami naw na chang gui cu la gui ne, na ngawn gui vai ah bung ah na hteh püi gui ciah pyen khai gui nei. A i ah kyasei ci ung nang naw ngami cu na thüi na gui ci.

KHEI NAK 13:27

Ngami naw Moses am, “Keimi naw khaw cu kami däät pyi ci. Bämang ci, anglei nik ci, shin cu cun ah khaw ung am theih amshah nei.

PHYAWN NAK 3:8

Egypt gui ah kut ungka ka gun gui khai ah kei ka lawk ci, ngami cu Egypt khaw ah kaa bämang nak khaw, bühmang ne ng’lei nik ciah khaw, ami ng’shon nak, tuhbäi chü Kanaanit gui, Hittit gui, Amorit gui, Perizzit gui, Hivit gui la Jebusit gui ah om nak ah ka hteh püi ba gui khai.

1 SAMUEL 14:24

Cu hnüüp ung Israel gui cu cawi u ne ami k’tha ken ci, a i ah kyasei ci ung Saul naw ak thukau ah taam ne ak bäi gui cu, “Ka ga gui ah khan ah phu kä ka tuk pha ah chuih tuhngawi a u naw ei kä a ei vai, ei cicu kyuk khai” cik ci. Cun ah kyasei cu hnüüp a u naw ei kä ei ci.

1 SAMUEL 14:26

Sing gui cu khoitui bäng ah be ci, cun ung phi Saul ah taam kyih u ne a u naw kä ei ci.

NG'THU K'THUUK~ 25:16

Nang ung hlü ciah kawn ah m’däm ne khoitui kä na ei vai, ada aih ung ning lawk sak khai.

SUKI GUI 14:9

Ani naw khoi lutui cu a kut awn k’ek neta a hteh ah k’phei ah ei ci. Cun kawn ah apa la anu ah om nak ah law ba ne m’bei tu goi ci. Ngani phi ei tuk ci goi, cun ung phi phongkawng aksi ah puk ung ka khoi lutui a lak ah mawng cu kä m’thein tu goi ci.