1 SAMUEL 14:19 - Cho Bible Common Language 2016

¹⁹ Saul naw taigüpa ang thu püi yah ung, Philistin phung ung ami püipiang thüng kyüng tä law pi k’täi ci, Saul naw ani am, “Bawipa ng’shi ng’täh nak vai akhin kä om ci nei!” cik ci.

1 SAMUEL 14:19 Referans Kwoze

1 SAMUEL 14:24

Cu hnüüp ung Israel gui cu cawi u ne ami k’tha ken ci, a i ah kyasei ci ung Saul naw ak thukau ah taam ne ak bäi gui cu, “Ka ga gui ah khan ah phu kä ka tuk pha ah chuih tuhngawi a u naw ei kä a ei vai, ei cicu kyuk khai” cik ci. Cun ah kyasei cu hnüüp a u naw ei kä ei ci.

KHEI NAK 27:21

Ani cu taigü Eleazar ung ng’yung khai, ani naw Urim la Thummim mang ne kei ung ng’thei khai. A cu cha ah Eleazar naw Joshua la Israel chang bum avan cu ami mawngma nak avan ung m’shümthei gui khai.”

ISAIAH 28:16

Tubäi, shin cu, uktu Bawipa naw a pyen nei, “Kei naw Zion ung angnei ka k’süm ci, cun cu khäng ne, khüi ci nei kei naw lungtung am liu ka ng’ling ci nei, ‘Khäng ciah yum nak naw ngaihgei nak phi kyak sak ci!

SAM 106:13

Cun ung phi a ni ah bi cu ngami naw ang ghit ah m’hnih ci gui, ani ah m’cäi m’ä nak kä ging ling ne bilo ci gui.

1 SAMUEL 13:11

Cun ung phi Samuel naw, “A i ang na bi pyi?” cine ng’shik ci. Saul naw, “Chang gui naw na hteh tak ci gui, nang na lawk khai ah na pyen nak ung kä na lawk ci: cun kawn ah Philistin gui cu Michmash ung ng’bum ci gui.

JOSHUA 9:14

Israel gui naw ami ei amshah cu dou ci gui, cun ung phi Bawipa cu kä ng’shi thäh ci gui.

1 SAMUEL 14:20

Cun kawn ah ani la akchang gui cu Philistin gui tuk gui vai ah ng’güüt ne lawk ci gui, ngami cu ami mät ng’tu u ne, ng’tawh pah ci gui.

1 SAMUEL 30:7

David naw taigüpa Abiatha, Ahimelek ah hta am, “Shawiphaw na thak law ä” ci sei Abiatha naw thak law ci.