1 SAMUEL 14:18 - Cho Bible Common Language 2016

¹⁸ Saul naw taigüpa Ahijah am, “Shawi phaw law pui ä” cik ci. (Cun hnüüp ung cun cu Ahijah naw Israel chang gui ah ma ah kawt ci.)

1 SAMUEL 14:18 Referans Kwoze

2 SAMUEL 11:11

Uriah naw, “Israel la Judah chang gui cu a shaw nak ah ng’tuk bik ci gui, thukhän m’küm cu ngami awn a täng ah om ci; ka gabawi Joab la a bawi gui cu khaw häu ung om ci gui. A i hawkcha ah kei ka im ah hteit ba ne, ei ne aw ne ka chu awn ip düt ne ka om khai aw? Theing cim ciah avan awn, cun ah mäih kei naw kä ka bik khai cine ka ng’gun ci nei!” cik ci.

1 SAMUEL 7:1

Cun ah kyasei Kiriah Jearim ah chang gui naw Bawipa ah Thukhän M’küm cu la u ne, Abinadab ah im ah tha ci gui, ani cu m’htung khan ah om ci. Ngami naw ani ah hta Eleazar cu acun m’htei khai ah ghü ci gui.

1 SAMUEL 5:2

ami Khanpughi Dagon ah pum im kyong ah hteh püi u ne, cun ah a gup pei ah m’düih ci gui.

SUKI GUI 20:18

Israel gui cu Bethela ah khawihnah nak ah hmun ung htet u neta, Khanpughi cu ng’shik ci gui, “A i pakhui naw Benjamin gui cu a tuk ma vai ang?” Bawipa naw, “Judah pakhui” cik ci.

KHEI NAK 27:21

Ani cu taigü Eleazar ung ng’yung khai, ani naw Urim la Thummim mang ne kei ung ng’thei khai. A cu cha ah Eleazar naw Joshua la Israel chang bum avan cu ami mawngma nak avan ung m’shümthei gui khai.”

1 SAMUEL 14:17

Saul naw ak chang gui am, “Gakap gui khei gui ne kä om cicu nami m’dang vai” cik ci. Ngami naw acun ah khei u neta, Jonathan la ki k’htei kawt ciah a chang cu kä om ni sei hmuk ci gui.

1 SAMUEL 14:36

Saul naw ak chang gui am, “Mü ung mi hteit ne Philistin gui cu mi tu gui khai nei, khaw kä a thaih pha a chuih mi tu gui u ne, mi ngawn gui yawp khai nei. Ngami naw, “Nipi khai na ngaih phung cu na bi vai nei” cik ci gui. Cun ung phi taigüpa naw, “Khanpughi mi shi thäh cang khai nei” cik ci.

1 SAMUEL 23:9

Saul naw tu lawk khai ah apawng ah mawng cu David naw ng’ya neta, ani naw taigüpa Abiatha am, “Shawi sha law püi ä” cik ci.