1 SAMUEL 13:7 - Cho Bible Common Language 2016

⁷ Amshah cu Jordan tuinu hei kat ne, Gad la Gilead kho ah va kai ci gui. Saul cu Gilgal ung om lä ci, ani awn om ciah chang gui cu kyi ne ng’hlet ci gui.

1 SAMUEL 13:7 Referans Kwoze

SUKI GUI 7:3

Chang gui ah ma ah na ng’shäu vai, ‘A u phi kyik ci läi cu a im ah ng’hlat ba sä, mikmi cu shin ah m’htung Kilead ung mi om khai nei” cik ci. Cun ah kiasei phia, phya-m’ku lei-goi ng’hlat ba ci gui, phia gha om shut ci gui.

THULÄÄN NAK 28:25

“Bawipa naw nami ga gui am nangmi ah khan ah näng nak pe gui khai. Nangmi naw lam tumat ung hteit ne nami tu gui khai, cun ung phi ngami ungka lam avan ung nami dawng khai. Nangmi ah khan ah cun ah a kyak law gui cu, khomdek khan ah chang avan naw hmu u neta cäicat khai gui.

THULÄÄN NAK 20:8

“Bawi gui naw chang gui ami pyen nak ba gui vai cu, shin ung a lu hnga ng’lat sei kyik ciah chang om ne ang? A om ah a kyak ung ani cu a im ah hteit ba sä. Kä cun ung ani naw chang hei gui ah m’lung hnga cu m’di gui khai nei.

THULÄÄN NAK 3:12

“Keimi naw cun khaw cu kami lak awn ah Reuben la Kad pakhui am Arnon tuinu pei ah Aroer gawnu ah asiip la Kilead khaw-gui ateih acun ung gawnu mah ah khopäng cu ka ap gui ci.

TAIGÜTHUM 26:17

Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

1 SAMUEL 13:8

Samuea naw am cäi ah mäih ah ani naw Samuel cu hnüüp chih ung ging ci. Cun ung phi Samuel cu Gilgal ah kä law phung ci. Chang gui naw tün ne, Saul cu hteh law tak ci gui.

JOSHUA 13:8

Reuben, Kad pakhui la Manasseh pakhui amshah cu, Bawipa ah changshäm Moses naw pe gui sei, khaw gah pyi ci gui ah kyak ci, cun cu Jordan ah a kiangtäng ah kyak ci.

JOSHUA 13:11

Acun ung Kilead, Keshur la Maakah khaw, Hermon m’htung avan la Salekah ah khüt ciah Bashan khaw avan ah kyak ci.

1 SAMUEL 17:11

Saul la a chang gui naw ng’ya u neta, ngami cu cäicat ci gui.

1 SAMUEL 31:7

Jeyreela khaw nawi la Jordan tuinu a kiangtäng ah om ciah Israel gui naw Israel gakap gui ami dawng ah mawng la Saul la a hta gui ami ngawn ah mawng cu ng’ya u neta, ami pigaw gui nawng ne dawng yawp ci gui. Cun kawn ah Philistin gui law u ne khäm yawp ci gui.