1 SAMUEL 13:6 - Cho Bible Common Language 2016

⁶ Ngami cu ng’güüt law u ne, Israel gui cu akyat tu ne hnim gui u ne, püi ne dawng khai gui ah ci gui, Amshah Israel gui cu lung khui, m’dek khui ung ng’thup ci gui, lung song gui ah ng’lung, khui gui la tuiton gui ung ng’thup ci gui;

1 SAMUEL 13:6 Referans Kwoze

SUKI GUI 6:2

Midianit gui cu Israel gui ah mä gaigawng pi ci gui, cun ah kyasei Israel chang gui cu lung khui ung ng’thup ci gui, amshah cu ang geing khogui zung ah ng’thup ci gui.

HEBRU 11:38

Khomdek khan cu ngami ah hmawk ah kä bä ci nei! Ngami cu khokhäu, kiang maa la kho m’htung yung ah geinvai chang ah mäih ah hteit shüi shüi u ne, lung khui m’dek khui ung va om vük ci gui.

PHILIPPIAN 1:23

Kei naw hnih ah ka ngaih nak om ci, kei cu shih ah ghin nak nawng shüt ne Bawi Khrit ung ang htei ah ka om hlük ci, cun cu kei ah hmawk ah bä pi ci.

ISAIAH 42:22

Cun ung phi tuhbäi na chang gui cu guttep gui ci gui nei; Ngami cu thawng im ung khai shi gui ne chum gui ne thup gui ci gui nei. Ngami cu tuthat ne guttep gui ci gui nei, ani naw phi law ne kä gung gui ci nei.

2 SAMUEL 24:14

David naw, “Tuh bäi kei ung ng’cet lawk ci nei! Cun ung phi chang naw ana m’kyuk vai kä ka ng’ya hlük ci. Bawipa amät bäng naw mikmi na m’kyuk gui sä, ani cu chi m’gein ciah kyak ci.”

1 SAMUEL 24:3

Ani cu lam ah ng’leng hto im gui ah pei ah khui ung hteit ne ng’now phyam ci. A cun ah khui ah vangtäng ung David la a chang gui cu ng’thup ci gui.

1 SAMUEL 23:19

Ziph ah ka chang amshah gui cu Gibeah ah Saul ah om nak ah hteit u neta, David cu Hachilah m’htung Horesh bung ah ng’thup ci nei, cun cu Judean khaw bung ah a htumtäng ah om ci.

1 SAMUEL 14:11

Cun ah kyasei ngami cu Philistin gui naw ami hmuh goi vai ah om ci goi, Philistin gui naw, “Teng vä, Hebrew chang amshah cu ami ng’thuh nak ah khui ung ka, lut lawk ci gui nei!” cik ci gui.

SUKI GUI 20:41

Israel gui cu ng’hlat law ba ci gui, cun ung Benjamin gui cu, ngami m’di law gui khai gui ah hmat u neta cäicat ci gui.

SUKI GUI 10:9

Ammonit gui naw Jordan tuinu hnraw kat law u ne Juda, Benjamin la Ephraim pakhui gui cu tu lawk ci gui. Cun ah kyasei Israel gui cu ang htei ah khüikha ci gui.

JOSHUA 8:20

Ai ung chang gui naw va mang ba u neta, khawmik ah khüt ne mei khu sei hmuk ci gui. Ngami ami phyawn nak vai lam kä om ci, a i ah kyasei ci ung ami ma ung ng’kyangtai täng ah dawng ciah Israel gui naw ng’hlat law ba ne khaai ne tu law ba gui ci gui.

1 SAMUEL 7:7

Philistin gui naw Israel gui Mizpah ung ami ng’bum cu ng’ya u neta, Philistin ghangpughang hma cu ami chang gui awm ngami tuk gui vai ah pawng ci gui. Israel gui naw acun ng’ya u neta, kyik ci gui.

1 SAMUEL 13:15

Samuel cu Gilgal nawng shüt ne amät ah m’hni ah hteit ba ci. Saul cu a gakap gui ung htet ne ang dawng nak tu ba ah chang gui naw läk lawk ci gui. Ngami cu Gilgal ungka naw Benjamin khaw Gibeah ah hteit ci gui. Saul naw a gakap gui cu khei ba gui ci, phia chuk ah däm ci gui.

1 SAMUEL 14:22

Amshah gui Ephraim kho m’htung ah ng’thup ci gui naw, Philistin gui ami dawng ah mawng cu ng’ya u neta, ng’dawn law ba u ne, Philistin gui cu tu law tuk ci gui.

JEREMIAH 41:9

Ishmaela naw angawn ah chang gui ah pumsa gui a thun nak ah tuishawk cu ng’kawm ci, cun cu Israel ghangpughang Baasha naw a tuk law yak ung Ghangpughang Asa naw a cawh ah kyak ci. Ishmaela naw tuishawk cu chang gui ah pum awn be sak ci.

EZEKIEL 33:27

“M’thein gui ä, kei uktu Bawipa akcang ah ghing ciah Khanpughi naw ng’thu ka k’bäi gui cu, ng’phyek ciah mang gaw gui ung om ciah chang gui cu ngawn gui vai nei. Shin ah khopäng ung om ciah chang gui cu khisa naw ei gui khai nei. Khomhtung la lungkhui ung ng’thup ciah chang gui cu gaw pyam ne sik khai gui nei.

1 SAMUEL 31:7

Jeyreela khaw nawi la Jordan tuinu a kiangtäng ah om ciah Israel gui naw Israel gakap gui ami dawng ah mawng la Saul la a hta gui ami ngawn ah mawng cu ng’ya u neta, ami pigaw gui nawng ne dawng yawp ci gui. Cun kawn ah Philistin gui law u ne khäm yawp ci gui.