1 SAMUEL 13:5 - Cho Bible Common Language 2016

⁵ Philistin gui cu Israel gui tuk gui vai ah ng’bum ci gui; ngami ung ng’tuk nak yatha phia thum kip, ng’se kium chang phia chuk, la tuinu kem ah laigin chü vai ah da ciah gakap gui om ci. Ngami cu Bethaven ah hni kyak lam Machmash ah hteit u ne, phung tu ne om ci gui.

1 SAMUEL 13:5 Referans Kwoze

1 SAMUEL 14:23

Bethaven gawnu a hnu täng avan ung ng’tuk bäng ah kyak ci. Cun hnüüp ung Bawipa naw Israel gui hun gui ci.

JOSHUA 11:4

Ngami cu ami gakap avan ci awn lawk ci gui, gakap gui cu tuikem ah laigin chü ah da ci gui. Ngami ung sela gui la yatha gui phi akda om ci.

JOSHUA 18:12

Ami khogii cu a siiptäng ah Jordan ung tün ne, Jerikho asiip khaw pem ung hang kai ne, akhei täng khawgui khaw hei kan ne, Bethaven khong gau ung khüt ci.

HOSEA 10:5

Samaria mang gaw ung om ciah chang gui cu kyikyawk khai gui. Agup ah bii bik ci gui ah ngami la taigü gui cu acun ah khan ah thüikyap ci gui. Cun ah ghui gup ah huham gui cu a maih ah a kyak ung ngami cu kyap m’lau khai gui.

HOSEA 5:8

Kibeah ung ng’tuk nak phyungheng tum vä, Ramah ung thüngkyüng nak khiing tum vä! Bethaven ung ng’tuk nak m’tho ne ng’hawh vä. Benjamin chang gui ng’tuk nak ah hteit vä.

HOSEA 4:15

“Nangmi Israel chang gui cu kei ung kä nami bekhüt pang ung phi, Judah gui naw cun ah mäih ah cheishoh nak kä bi en u sä. Kikal la Bethaven ung kä khawihnah en u sä. Cun ung ghing ciah Khanpughi ah ming awn shaitak kä bi en vä.

JEREMIAH 15:8

Tuinu ah kem ah laigin ah ta nami khaw ung hmei nu cu da law pi khai. Kei naw nami chang nong gui cu ami hnüüp lung ung ngawn gui ne, ami nu gui cu ka yaica sak gui khai. Kei naw ngami cu ang ghit ah kyihkyawk sak gui ne ka cäicat sak gui khai.

ISAIAH 48:19

Nang ah hta ng’shon gui cu laigin chü ah da khai gui, kei naw ngami cu a i yah ung phi kä ka dishum sak gui khai.”

2 SHONTÄP NAK 1:9

O Bawipa Khanpughi, kapa ung shaitak na bi cu kümbe sak ä. Khei ne kä khei tai vai ah chang gui ah khan ah ghangpughang ah na na pyang ci.

SUKI GUI 7:12

Midianit, Amalekit la ng’kyang ah om ciah pakhui chang gui cu khanpeh mät ah mäih khonawi ung püipyang ci gui, ngami ah kalauk gui cu tuinu kem ah laigin chü ah da ci gui.

JOSHUA 7:2

Joshua naw chang amshah cu Jerikho ungka naw A i ah tüi gui ci. Cun cu Bethela ah akyang täng, Bethaven ah pei ah mang gaw ah kyak ci, hteit ne cun ah khaw ami däät vai ah thukbäi ne a tüih gui ah kyak ci. Acun ah hteit ne ami bi kawn ah,

ATÜNNAK 22:17

Kei naw shai ka taak cu, khankho ah om ciah aisi chü, tuinu kem ah om ciah laigin chü ah ka ning pungpiah sak khai. Na htangshon gui naw ga avan näng khai gui.

ROMAN 9:27

Israel chang gui ah mawng cu Isaiah naw, “Israel chang gui cu, tuinu kem ah laigin k’chü ah ami da ung phi, ngami ung kaa chang api naw vah hun nak cu gah khai gui.

1 SAMUEL 7:13

Cun ah kya ne Philistin gui cu ami m’di gui, Bawipa naw shungvong gui sei, Samuel a ghin ah chuih Israel khaw cu kä tu law ba ci gui.

1 SAMUEL 13:2

Saul naw chang phia thum kip ghü ci, phia m’ku cu amät ah om nak, Bethela kho gui, Macmash ah om püi gui ne, phia gha cu Benjamin pakhui ah om nak Gibeah ah a hta Jonathan awn a täng ah om sak gui ci. Ak pawih ba gui cu Saul naw ami im ah tüi ba gui ci.

1 SAMUEL 13:11

Cun ung phi Samuel naw, “A i ang na bi pyi?” cine ng’shik ci. Saul naw, “Chang gui naw na hteh tak ci gui, nang na lawk khai ah na pyen nak ung kä na lawk ci: cun kawn ah Philistin gui cu Michmash ung ng’bum ci gui.

1 SAMUEL 17:1

Philistin gui cu ng’tuk vai ah Judah khaw Socoh gawnu ung bum ci gui; ngami cu Ephes Dammim ung hmun tu ne om ci gui, cun cu Socoh la Azekah ah ng’lak ah kyak ci.

2 SAMUEL 17:11

Kei naw ka ning m’shümthein cu, nang naw Israel chang avan cu, vang khaw cawi ungka naw vang khaw cawi ung khüt khai ah m’cut gui ä, ngami cu tuikem ah lai gin chü ah da ci gui nei, cun kawn ah ng’tuk nak ung na mät naw ma tawn ä.

1 GHANGPUGHANG GUI 20:27

Israel gui cu khü gui ne, pawng m’htein ci gui; ngami cu kai law u ne, Sirian gui man gui ne hnih ah ng’bum ci gui. Sirian gui cu khodo ung be u sei, Israel gui cu me ng’bum goi hta ah mäih ah kyak ci gui.

ISAIAH 10:28

Ga ah gakap gui naw Ai mang gaw cu tu ne khäm ci gui! Ngami naw Migron gawnu cu kan lawk ci gui! Ngami naw ami sho ei cu Michmash ung nawng shüt ci gui!

1 SAMUEL 14:52

Philistin gui cu Saul naw a ghin ah chuih akgat ah a tuk gui vai ah kyak ci. Cun ah kyasei a i yah ung phi, ani naw gai ne, m’gäi ciah pami a hmuh phung cu, a gakap ung luh sak ci.