1 SAMUEL 13:3 - Cho Bible Common Language 2016

³ Jonathan naw, Geba ung philistin gabawi cu ngawn ci. Cun ah mawng cu philistin gui ami van naw ng’yak ci gui. Saul lah chang gui van naw ng’yak ci gui. Saul naw chang gui tüi gui ne, phyung puuk tum ne kho avan ung ng’shäu sak gui ne, ng’tuk nak ah ami law vai ah Hebrew chang gui khü sak gui ci.

1 SAMUEL 13:3 Referans Kwoze

1 SAMUEL 10:5

Cun kawn ah nang cu Gibeah ah Khanpughi ah khaw gui ah ni hteh vai, acu ah Philistin gui ah phung om ci. Gawnu ah luh nak m’kawt ung, khaw gui ah sonkyang ah ka kyum law ba ciah prophet bum ät awn nami ng’hmuk khai, ngami cu tingtäng ni, k’hting ni, phyung lawi ni, tingtangnu ni tum ci gui. Ngami cu ng’lam khai gui, m’lau khai gui.

SUKI GUI 3:27

Ani cu Ephraim khaw-gui ung gawk neta, k’phyung puuk tum ne Israel chang gui cu ng’tuk nak ah khü gui ci; cun kawn ah khaw-gui zung ka naw kyum law ba püi gui ci.

SUKI GUI 6:34

Bawipa ah mümcha naw Kideon cu pha ne k’pan neta, cun ah chang gui gawt gui khai ah Abiezer pahta gui cu phyung puuk tum ne khü gui ci.

ZEKHARIAH 14:10

Khaw ng’lei avan a siiptäng Keba ungka naw, a htumtäng Rimmon ung khüt khai ah pingtei sa khai. Jerusalem cu khaw avan ah khan tänghän ah kyak khai; Mang gaw cu Benjamin m’kawt ungka naw m’kiungtung m’kawt ung khüt ci, cun cu yanä m’kawt man ah kyak ci. Hananela tänghän ungka naw mang ah sapyit neen nak ung khüt ci.

ISAIAH 10:29

Ngami cu k’hteng kau law une, Keba ung mü ip ci gui! Ramah gawnu ung om ciah chang gui cu kyih aih ci gui, Gangpughang Saul ah gawnu Kibeah ung om ciah chang gui cu a hei ah dawng ci gui.

2 SAMUEL 23:14

Cun yah ung David cu ng’mah nak ah kho gui ung om sei, Philistin bum ät naw Bethlehem cu khäm ci gui.

2 SAMUEL 20:1

Cun yah ung Gilgal gawnu ah Benjamin pakhui Bikri ah hta, Sheba ming nak ciah chang om k’she tumat om ci. Ani naw phyung puuk tum ne, khü gui ne, “David yu ng’kia sä! Mikmi naw kä mi läk khai nei! Israel chang gui, mi om ah mi hteit ba khai nei!” cik ci.

2 SAMUEL 2:28

Cun kawn ah Joab naw Israel gui ami k’täm nak ami düm nak vai ah m’hnüt nak ah k’phyung puuk tum sei; ami ng’tuk nak cu ng’pyi ci.

1 SAMUEL 13:16

Saul la a hta Jonathan la akchang gui cu Benjamin khaw Geba ung phung tu ne om ci gui; Philistin gui ah phung cu Michmash ung om ci.

JOSHUA 21:17

Benjamin khopäng ungka mang gaw phli ami pek gui; cun gui cu Kibeon, Keba,

JOSHUA 18:24

Cheparammoni, Ophni, la Keba; mang gaw gha lei goi la angveing ung ah gawnu gui mah ah kyak ci.