1 SAMUEL 13:2 - Cho Bible Common Language 2016

² Saul naw chang phia thum kip ghü ci, phia m’ku cu amät ah om nak, Bethela kho gui, Macmash ah om püi gui ne, phia gha cu Benjamin pakhui ah om nak Gibeah ah a hta Jonathan awn a täng ah om sak gui ci. Ak pawih ba gui cu Saul naw ami im ah tüi ba gui ci.

1 SAMUEL 13:2 Referans Kwoze

1 SAMUEL 10:26

Saul cun phih Gibeah a im ah hteit ba ci. Huham ah ciah chang amshah gui cu Khanpughi naw ami m’lung tawn pe gui sei, ani awn atänga hteit tuk ci gui.

1 SAMUEL 14:31

Cu hnüüp ung Israel gui naw Philistin gui cu hnim gui ci gui. Michmash la Aijalon ah ng’lak avan ung ng’tuk bäng ah kyak ci. Cun yah pum ung Israel gui cu ei ah cawi u ne, ami tha ken ci,

1 SAMUEL 13:5

Philistin gui cu Israel gui tuk gui vai ah ng’bum ci gui; ngami ung ng’tuk nak yatha phia thum kip, ng’se kium chang phia chuk, la tuinu kem ah laigin chü vai ah da ciah gakap gui om ci. Ngami cu Bethaven ah hni kyak lam Machmash ah hteit u ne, phung tu ne om ci gui.

1 SAMUEL 13:23

Philistin gui naw gakap ng’bum ät cu shungvong gui khai gui ah Michmash gaw m’lawi ung tüi ci gui.

2 SAMUEL 21:6

Cun ah kyasei ani ah hta ng’shon pami chih na ap gui ä, Bawipa ah ghü ah ghangpughang, Saul ah gawnu, Gibeon ung Bawipa ah ma ah kami m’awh gui khai nei” cik ci gui. Ghangpughang naw, “Ka ning ap gui khai nei” cik ci.

1 SAMUEL 15:34

Cun kawn ah Samuela cu Ramah ah hteit ba ci, Saul ghangpughang cu Gibeah a im ah hteit ba ci.

1 SAMUEL 14:52

Philistin gui cu Saul naw a ghin ah chuih akgat ah a tuk gui vai ah kyak ci. Cun ah kyasei a i yah ung phi, ani naw gai ne, m’gäi ciah pami a hmuh phung cu, a gakap ung luh sak ci.

1 SAMUEL 14:5

Tumat cu lam ah ak khan lam ah om ne, Michmash täng ah mang ci, tumat ah a htumtäng ah om ne, Geba lam ah mang ci.

1 SAMUEL 8:11

“Shin cu nami ghangpughang naw a ning om püi gui vai ah a mawng ah kyak ci,” cine Samuel naw pyen ci.” Ani naw na hta gui ah gakap gui cu pyang khai; amshah cu ani ah ng’se tat ung bik khai, amshah cu yatha ah ma ah dawng khai gui.

SUKI GUI 19:12

Cun ung phi a bawi naw, “Israel chang gui ah kä om nak ah mang gaw ung mikmi kä mi ng’düm khai nei. Mikmi naw shin cu phlän ne, api mi hteit ban eta, Kibeah käcung Ramah ung mi ip khai nei” cik ci.

JOSHUA 18:28

Zela, Haeleph, Jebus (käcung Jerusalem), Kibeah, la Kiriah Jearim; mang gaw gha lei phli la angveing ung ah gawnu gui mah ah kyak ci. Shin cu Benjamin pakhui kyongchang gui naw ami kaa nak vai ah ami gah ah khaw ah kyak ci.

1 SAMUEL 10:5

Cun kawn ah nang cu Gibeah ah Khanpughi ah khaw gui ah ni hteh vai, acu ah Philistin gui ah phung om ci. Gawnu ah luh nak m’kawt ung, khaw gui ah sonkyang ah ka kyum law ba ciah prophet bum ät awn nami ng’hmuk khai, ngami cu tingtäng ni, k’hting ni, phyung lawi ni, tingtangnu ni tum ci gui. Ngami cu ng’lam khai gui, m’lau khai gui.

1 SAMUEL 13:1

(Saulu cu ghangpughang ah a kyak law yah ung kum lawk ci, ani Israel ghangpughang ah kum goi kyak ci.)

1 SAMUEL 13:11

Cun ung phi Samuel naw, “A i ang na bi pyi?” cine ng’shik ci. Saul naw, “Chang gui naw na hteh tak ci gui, nang na lawk khai ah na pyen nak ung kä na lawk ci: cun kawn ah Philistin gui cu Michmash ung ng’bum ci gui.

1 SAMUEL 13:15

Samuel cu Gilgal nawng shüt ne amät ah m’hni ah hteit ba ci. Saul cu a gakap gui ung htet ne ang dawng nak tu ba ah chang gui naw läk lawk ci gui. Ngami cu Gilgal ungka naw Benjamin khaw Gibeah ah hteit ci gui. Saul naw a gakap gui cu khei ba gui ci, phia chuk ah däm ci gui.

1 SAMUEL 13:16

Saul la a hta Jonathan la akchang gui cu Benjamin khaw Geba ung phung tu ne om ci gui; Philistin gui ah phung cu Michmash ung om ci.

1 SAMUEL 26:2

Saul cu a cun vai am Israel gakap akni pi phia thumkip ng’düih püi ne, Ziph bung ah David shui vai ah hteit ci gui,

2 SAMUEL 20:1

Cun yah ung Gilgal gawnu ah Benjamin pakhui Bikri ah hta, Sheba ming nak ciah chang om k’she tumat om ci. Ani naw phyung puuk tum ne, khü gui ne, “David yu ng’kia sä! Mikmi naw kä mi läk khai nei! Israel chang gui, mi om ah mi hteit ba khai nei!” cik ci.

JOSHUA 22:6

Joshua naw hriham pe gui ne ami im ah tüi ba gui neta, shin ah m’cäi gui ci, “Nangmi cu ang htei ah bühmang ne, nami im ah nami hteit ba ci, vuhchah akda, ngui, ghui, kyei, m’sii la suisak akda nami hteh püi ci. Nami ga gui ah kaa nami lak gui cu nami pakhui chang paw gui am nami pai tu gui vai” ciah kyak ci. Cun kawn ah ngami cu ami im ah hteit ba ci gui. Moses naw Jordan a kyangtäng khaw cu Manasseh pakhui ateih am pe gui ci. Cun ung phi a hei ateih am Joshua naw Jordan akhei täng khaw cu a hei pakhui gui awn ngtäi khai ah pe gui ci.

1 SAMUEL 24:3

Ani cu lam ah ng’leng hto im gui ah pei ah khui ung hteit ne ng’now phyam ci. A cun ah khui ah vangtäng ung David la a chang gui cu ng’thup ci gui.

NEHEMIAH 11:31

Benjamin pakhui chang gui cu Keba, Michmash, Ai, Bethela a pei yung pigaw gui,