1 SAMUEL 13:14 - Cho Bible Common Language 2016

¹⁴ Cun ung phi tuhbäi nang ah uknak cu kä ng’täi khai. A i ah kyasei ci ung nang naw ani kä na ngai ci. Bawipa naw ang yak hlü ah chang cu shui khai, cun kawn ah ak chang gui uktu ah pyang khai” cik ci.

1 SAMUEL 13:14 Referans Kwoze

LAMKTU 13:22

Cun kawn ah Khanpughi naw Soul cu nawng ne David cu Israel ghangpughang ah m’düih ba ci, Khanpughi naw “Jesse ah hta David cu Ka m’lung am lawk ciah chang, Kei ah ng’yak hlü phung bik khai ah chang ah kyasei, ka hmu pyi ci nei” ci ne David ah mawng cu pyein ci.

1 SAMUEL 15:28

Samuela naw ani am, “Tuhngawi nang ung ka Israel uknak kho cu Bawipa naw heng pyi ci nei, nang ah bä pi ciah chang am pe pyi ci nei.

SAM 78:70

Ani naw akchangshäm David cu, a htome gui ashäm nak ah htongvong kyong ung ka ghü ne,

1 SAMUEL 16:1

Bawipa naw Samuel am, “Saul ah phäh ah a i güt na cäi ng’ä khai ang? Israel ghangpughang ung ka, kei naw ka hnu na pyi ci nei. Cun ung phi tuhbäi oliv-situi la ne Bethlehem ah hteit ä, Jesse ming nak ciah hteit ä, a i ah kyasei ci ung, ani ah hta gui ung ka tumat cu ghangpughang vai ah kei naw ka ghü ci nei” cik ci.

LAMKTU 7:46

David cu Khanpughi ah ma ah a hmai kiang ci kiah neh Jakob ah Khanpughi ah a om nak vai Taigüim cu Khanpughi naw a cawh sak vai ah ng’thäh ne taigü ci.

1 SAMUEL 16:12

Cun ah kyasei Jesse naw chang tüi ne khü sak ci. Ani cu kyom ci, gai ne nong ci, amik cine ng’shü ci. Bawipa naw Samuel am, “Shin ah chang nei na phyuh theh vai!” cik ci.

2 GHANGPUGHANG GUI 20:5

Bawipa ah chang gui uk ciah Hezekiah ah va hteit ba ne, na pyen nak vai, “Kei, Bawipa, na pughi David ah Khanpughi naw na taigü cu ng’ya ne na ng’phli tui cu ka hmuk ci nei. Kei naw ka ning gai sak khai, a hnüüp thum ung nang cu Taigüim ah na hteit khai.

2 SAMUEL 5:2

Ayanä, Saul cu kami ghangpughang ah akiak yah ung phi, ng’tuk nak ung Israel chang gui ah ma na tawn ci, Bawipa ah a shaitak cu, nang naw achang gui cu na chuiso gui khai, ami uktu ah na kyak khai.”

1 SAMUEL 9:16

am “Ngawi ung a tuhbäi chü, Benjamin pakhui ung ka chang tumat ka ning tüih lawk khai, ani cu Israel chang uktu ah na phyuh theh vai nei, ani naw Philistin gui ung ka phyawn gui khai nei. Kei naw ka chang gui ah gein vai nak cu hmu ne, m’htei gui vai ah ami kyah cu ka ng’yak ci nei.”

1 SAMUEL 2:30

Kei cu Israel gui ah Bawipa Khanpughi, na kyongkhui la na pakhui naw angtäi sei taigüpa ah kya ne, bi ami bi vai ah cau kei naw shai ka tak ci nei. Cun ung phi tuhbäi ka pyen cu kei ung cun kä om ba ci! Acun nak vai sü ung, Na m’tam cicu ka m’tam ba khai, na päipih cicu kam shemshai khai.

HEBRU 2:10

Apäng avan tüisho ngäng bom ciah Khanpughi naw, a hta akda gui am abäkhäk nak, a teipai nak gui ah, geinvai nak a aut sak nak awn Bawipa Jesuh cu kümbe sak ci. Cun ah Khanpughi naw a bi cu düng ci, a i ah kyasei ci ung cun ah chang gui hun nak ah hteh püi gui ci cu, Bawipa Jesuh ah kyak ci.

1 SAMUEL 15:23

Ani hnu ng’tuk püi cu khawshe m’bei ah mäih ah shek ci, lingkeng aih cu agup khawihnah ah mäih ah katnak ah kyak ci. A i ah kyasei ci ung nang naw Bawipa ah thumkhän na hnu ng’tuk püi ci, ani naw na ghangpughang nak cu ning hnu ng’tuk püi ci” cik ci.

1 SAMUEL 15:26

Samuela naw, “Nang awn a täng ah kä ka hteit tu ba khai, nang naw Bawipa ah thumkhän na hnu ng’tuk püi ci, ani naw Israel ghangpughang ung ka ning hnu ng’tuk püi ci.

1 SAMUEL 24:20

Tuhbäi kei naw ka pyen cu, nang cu Israel ghangpughang ah na kyak khai, kho uknak cu nang ah uknak ka ah om lä khai.

1 SAMUEL 25:30

Bawipa naw nang ung ashai tak ah mäih ah nik ci gui avan abi law ung, nang cu Israel ghangpughang ah a ning hmoh law ung,

2 SAMUEL 6:21

David naw, “Kei cu Bawipa m’tam ne ka ng’lam ci nei, ani naw na pa la akyong chang gui ah hnün ung na ghü ne, Israel chang gui ah matawn ciah na pyang ci nei.

1 SHONTÄP NAK 10:13

Saul cu a i ah kyasei a sih ci ung Bawipa ung kä a bekhüt ah phäh ah kyak ci. Ani naw Bawipa ah thumkhän cu kä ngai ci: ani naw aksi gui ah mümcha gui cu ng’shi thäh gui ne lamshüm nak cu shui ci.

ISAIAH 39:5

Isaih naw ghangpughang pyen nak ci, “m’gäi ciah

NG'THU K'THUUK~ 27:24

A i ah kyasei ci ung khawh cu kä ng’täi ci, changpakhui gui phi ng’täi ne kä om ci gui.