1 SAMUEL 13:13 - Cho Bible Common Language 2016

¹³ Samuel naw, “Cun cu ak ang ah ngaih-tüh ne bi ah kyak ci,” cik ci. Bawipa nami Khanpughi ah ning pek ah thumkhän cu kä na läk ci. Na läk vai sü ung, nang la na hta ng’shon gui cu ngawi yä Israel nami uk khai ah ning chuiso gui khai sü te.

1 SAMUEL 13:13 Referans Kwoze

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

2 SHONTÄP NAK 16:9

Bawipa naw khomdek khan avan cu k’pang ne teng ne, amlung kyong avan awn ani ah khan ah bekhüt ci gui am k’thagui cu pe gui ci nang cu akgu k’ang ah na hnüntho ci, cun ah kyasei tuhbäi ung tün ne nang ah khan ah ng’tuk nak om lä khai” cik ci.

1 SAMUEL 15:28

Samuela naw ani am, “Tuhngawi nang ung ka Israel uknak kho cu Bawipa naw heng pyi ci nei, nang ah bä pi ciah chang am pe pyi ci nei.

1 SAMUEL 15:11

“Saul ghangpughang ah kam hmoh ah phäh ah kei ka thüi ci nei; ani cu kei ung ka ng’hlat ne, ka thumkhän phi kä läk ci” cik ci. Samuela cu m’lung shei ci, amü pum Bawipa ah ng’coi ng’pa ci.

1 GHANGPUGHANG GUI 21:20

Ahab naw Elijah cu hmu neta, “Ka ga aw, kei na na hmu ne ma?” cik ci. Elijah naw, “Ä, ka ning hmuk ci nei, nang cu Khanpughi täng ah akshe akbe ah bi vai ah nang ap ci nei.

1 GHANGPUGHANG GUI 18:18

Elijah naw, “Kei cu khüikha nak bik ciah kä ka kyak ci, nang — nang la na pa nei. Nang cu Bawipa ah thumkhän gui kä läk ne, Baala ah a gup gui na khawihnah ci.

NG'THU K'THUUK~ 19:3

Chang m’shah gui cu ami mat ah omshe nak awn, ami mat m’dishum u neta, Bawipa cu täitawk ci gui.

JOB 34:18

Ghangpughang gui la uktu gui cu, a i ah kä ami mawng law ung, ami shetkat law ung m’kyuk gui ci.

2 SHONTÄP NAK 19:2

Hanani ah hta prophet Jehu naw ghangpughang cu hteit ne hmu neta a pyen nak cu, “Chang omshe na bawm tu la, Bawipa thüi nak ci täng ah na om tu cu hman ciah na ng’ngai ne ang? Nang ah na bi naw na mät ah khan ah Bawipa ah m’lungshe nak cu law püi ci nei.

1 SAMUEL 1:22

Cun ung phi cun ung Hannah kä hteit tuk ci. Ani naw a cei am, “Ak hmaw tui tui kä a awk ba vai am, ani cu Bawipa ah im ah ka hteh püi khai, a ghin ah chuih a ca om khai,” cik ci.

1 SAMUEL 13:12

Cun ah kyasei shin ung Gilgal ung Philistin gui naw law ne, na tu lawk khai gui ah ka ngai ci, kei naw Bawipa ah hmai kiang nak gah vai ah ka tha nak a i kä om ci, cun ah kyasei khawihnah nak douthak vai ah ka ngai ci” cik ci.

1 SAMUEL 16:1

Bawipa naw Samuel am, “Saul ah phäh ah a i güt na cäi ng’ä khai ang? Israel ghangpughang ung ka, kei naw ka hnu na pyi ci nei. Cun ung phi tuhbäi oliv-situi la ne Bethlehem ah hteit ä, Jesse ming nak ciah hteit ä, a i ah kyasei ci ung, ani ah hta gui ung ka tumat cu ghangpughang vai ah kei naw ka ghü ci nei” cik ci.

2 SAMUEL 24:10

David naw cun ah chang khei nak abi kawn ah am lung kyong ung yaica nak gawk lawk ci, cun ah kyasei ani naw Bawipa am, “Kei naw shin bi ne kyih aih vai ah katnak ka bik ci nei! Na bä ni na m’gein sei ä. Ak gu ang ah ka hnün tho pyi ci nei” cik ci.

1 SHONTÄP NAK 10:13

Saul cu a i ah kyasei a sih ci ung Bawipa ung kä a bekhüt ah phäh ah kyak ci. Ani naw Bawipa ah thumkhän cu kä ngai ci: ani naw aksi gui ah mümcha gui cu ng’shi thäh gui ne lamshüm nak cu shui ci.

ISAIAH 39:5

Isaih naw ghangpughang pyen nak ci, “m’gäi ciah

JEREMIAH 18:10

Cun ah pakhui khaw naw ka pyen kä ngai ne, akshe ami bi ah a kyak ung, kei naw ka bik khai ah ka pyen cu kä ka bik khai.

ATÜNNAK 31:28

Ka hta hnumi gui la ka tu gui ng’ui ne ka gidam nak gui vai ah a khin phi kä na na pek ci nei. Cun cu akshe ah na bi ah kyak ci nei.

1 SAMUEL 26:21

Saul naw, “David, ka hta, kei ka hma ci nei, law ba ä! Kei naw kä ka ning hnim ba khai nei, a i ah kyasei ci ung tuh mü nang naw ka hnun na na k’phawn ci. Kei cu ka gu ang ci! Kei naw kyihkyawk vai ka bik ci!” cik ci.

NG'THU K'THUUK~ 12:8

Nang cu na lulang ung m’tam nak na gah khai, na gu ang ung chang gui naw ning yuk teng khai gui.