1 SAMUEL 12:8 - Cho Bible Common Language 2016

⁸ Jakob la akyong ung ka gui Egypt khaw ah ami hteh yah ung, Egypt chang gui naw yawshe na gui ci gui, nami pupa gui naw Bawipa naw am htei gui vai ah k’thäh ci gui, ani naw Moses la Aaron cu tüi goi ci, ngami naw Egypt ung ka law püi ba gui ne, shui ah khaw ung om sak gui ci.

1 SAMUEL 12:8 Referans Kwoze

LAMKTU 7:15

Jakob cu Egypt khaw ah law tuk ci, acu ah amät lah a hta gui ami van sih tuk ci gui.

SAM 105:44

Ani naw chang khuihei gui ah khaw cu ngami am pe gui ne, ami kho hmun phi lak sak gui ci,

1 SAMUEL 12:6

Samuel naw, “Bawipa cu Moses la Aaron ghü goi ciah kyak ci, Egypt ah ka nami pupa gui phi law püi ba gui ci.

1 SAMUEL 10:18

Ani naw ngami am, “Bawipa Israel gui ah Khanpughi naw pyen ci, “Kei naw Egypt ah ka, ka ning law püi ba gui ci, Egypt chang gui la, ning shedam na gui ciah a hei chang gui ah kut ung ka, ka ning phyawn gui ci.

JOSHUA 1:6

Na khüighat vai, na thamah vai, nami pupa gui am ka shaitak ah khaw nami khäm law ba ung nang cu khawngmang ciah na kyak khai.

KHEI NAK 20:15

A i cha ah kami pupa gui Egypt khaw ah ami gawk, aca ah khaw kum akda kami om tuk ci. Egypt chang gui naw kami pupa gui la keimi cu akshe ah na om püi gui ci gui.

PHYAWN NAK 12:51

Cun ah hnüüp ung Bawipa naw, Israel pakhui gui cu Egypt khaw ungka k’plawk ba gui ci.

PHYAWN NAK 6:26

Aaron la Moses cu, “Israel pakhui gui Egypt khaw ungka hteh püi ba gui ni ä” cine Bawipa naw am cäi ah chang ah kyak ci goi.

JOSHUA 21:43

Cun ah kyasei Bawipa naw Israel gui am khaw avan pe gui ci, cun cu ani naw a pek gui vai ah ami pupa gui am aküikyang ah ashaitak ah kyak ci. Ngami naw cun ah ami kaa nak awn ah acun ung ng’lei leh ne om ci gui.