1 SAMUEL 12:5 - Cho Bible Common Language 2016

⁵ Samuel naw pyen ba ne, “Kei chang ni akbe ah ka kiak, nangmi naw nami na hmuh nak ah mawng ung, Bawipa la aghü ah ghangpughang cu tuhngawi saksi ah kyak khai goi” cik ci. Ngami naw, “Ä, Bawipa cu mikmi ah saksi nei” cik ci gui.

1 SAMUEL 12:5 Referans Kwoze

LAMKTU 24:20

kei ah katnak cu nang bawi ah ma ah m’dang ne pyein khin ci gui te.

LAMKTU 23:9

Ami ng’vookshan ah k’aw cu ng’shawng law pi k’täi khätah, Pharisee pati ungka thukhän saya gui cu ng’düi law u ne, “Shin ah chang ung hmakat nak i kä om ci, khankho chang naw baw, mümcha naw baw ng’thu m’sak ci ah kyak khai” ci ne ng’küükneet ne ng’cuh ci gui.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

1 KORIN 4:4

Kei ah kam lung kyong cu theingcim ci, cun cu kei ung kat nak kä om ciah ka pyein na kä kyak ci. Kei nam khoichak ci cu Bawi tumat bäng ah kyak ci.

LAMKTU 24:16

Cun ah kyasei kei cu Khanpughi ah ma, chang ah ma ah, kam lung kyong theing cim khai ah angtäi sei ka k’tha nak ci.

JOHAN 18:38

Pilat naw, “Düngnak cu a i ang?” cine ng’shi ba ci. Cun kawn ah Pilat cu chang gui ah ma ah lut law netah, “Ani ung m’kat nak vai ah katnak kä ka hmuk ci.

SAM 17:3

Nang naw ka m’lung na hmat ci. Khomü ung kei ah na lawk ci; Nang naw kei cu akbe ah na na cet ci, cun ung phi kei ung ng’zak hlü akshe a i kä na hmuk ci.

JOB 42:7

Bawipa naw Joba ang thupüi yawp kawn ah Eliphas a pyen nak cu, “Nang la na teihpüi goi ah khan ah kei ka m’lungshe ci nei, a i ah kyasei ci ung nangmi naw ka changshäm Joba ah mäih ah kei ah mawng akcang kä nami pyen ci.

1 SAMUEL 26:9

Cun ung phi David naw, “Nang naw ani kä na hnim vai! A ghü ah ghangpughang hnim cicu Khanpughi naw akcang ah m’kyuk ci.

1 SAMUEL 12:4

Chang gui naw, “Ka, nang naw kä na na m’hleei gui man ci, kä na na yawshe na gui man ci; nang naw a u ah ka, a i phi kä na la man ci,” cik ci gui.

ATÜNNAK 31:50

Laban naw pyen ba mä ne, “Ka hta hnumi goi na k’shedam nak ung, a hei na chu nak tuba ung, kei naw kä ka ning hmat ung phi Khanpughi naw ning teng khai nei.

JOB 16:19

Kei täng ah ak htek ah ng’düi ne saksi khai cu Khankho ah om ci nei.