1 SAMUEL 12:25 - Cho Bible Common Language 2016

²⁵ Cun ung phi katnak nami bi lä ah a kyak ung, nangmi la nami ghangpughang cu ning m’di gui khai,” cik ci.

1 SAMUEL 12:25 Referans Kwoze

JOSHUA 24:20

nangmi naw a khaw hei khanpughi gui khawihnah vai a, ani nami hteh tak ah a kyak ung, ani naw ng’hlat ne ning hnungtuk püi gui khai, ning m’kyuk gui khai. Ani cu yanä nangmi ung ani man pang ung phi, ani naw ning m’di gui khai.”

HOSEA 10:3

Shin ah chang gui naw atuhbäi gen khai gui, “Mikmi ung ghangpughang kä om ci, a i ah kyasei ci ung mikmi naw Bawipa kä mi kyih aa ah phäh ah kyak ci. Cun ung phi ghangpughang a om ung phi mikmi ah phä ah a i bi hning khai ang?”

ISAIAH 3:11

Cun ung phi changshe gui cu ami khomü khai, chang hei ah khan ung ami bi ah mäih ah ami khan ung gawk law ba khai.

THULÄÄN NAK 28:36

“Bawipa naw nang la na ghangpughang cu a khaw hei ah ning hteh püi gui khai. Cun cu nangmi nami pupa gui ah kä ami om nak man ah kyak khai. A cu ah nangmi naw sing la lung awn pyan ah khanpughi gui ah bii nami bik khai.

1 SAMUEL 13:1

(Saulu cu ghangpughang ah a kyak law yah ung kum lawk ci, ani Israel ghangpughang ah kum goi kyak ci.)

ISAIAH 1:20

Cun ung phi kei nami na lan ah akyak ung, nami khawmü sei nami sik khai. Kei, Bawipa naw ka pyen nei.”

THULÄÄN NAK 8:19

Bawipa nami Khanpughi cu kä nami m’hnih vai, ahei khanpughi gui täng ah ng’hlat ne kä nami khawihnah tu vai, acun ah bii phi kä nami bi tu vai. Cun ah nami bi ah a kyak ung kei naw tuhngawi ka ning m’cäi gui cu, nangmi cu akcang ah nami di khai.

JOSHUA 23:16

Bawipa nami Khanpughi naw nami pan vai aha ning thumkhän gui ah thukhän cu kä nami k’pan ah a kyak ung, a hei khanpughi gui ah a khut bi ne, nami khawihnah ah a kyak ung, ani naw am lungshe nak awn ning m’kyuk gui khai. Acun ung nangmi tumat phi, a ning pek gui ah shin ah khawni khaw ung kä nami law ba ge khai.”

JOB 36:12

Cun ung phi cun ah kä ami om vaisü ung phi a u naw a i ah kä sui gui sei sik khai gui, sih nak ah kho ah tuinu cu kat khai gui.