1 SAMUEL 12:2 - Cho Bible Common Language 2016

² Tuhbäi ning chuiso gui khai ani om ci. Kei ka mät cu, ka ghi ci, ka ng’pyok ci, ka hta gui cu nangmi awn a täng ah om ci gui. Kei cu ka hmaw yah ung tün ne, tuhbäi ung khüt sei nang mi ah chuisotu ah ka kyak ci.

1 SAMUEL 12:2 Referans Kwoze

1 SAMUEL 8:5

Ngami naw ani am, “Teng ä! Nang na ghi lawk ci, na hta gui nang ah mäih ah kä kyak ci gui. Cun ah kyasei na uk gui khai ah ghangpughang na m’düih pe gui ä, cun ung a hei khaw gui ah mäih ah keimi ung ghangpughang om khai” cik ci gui.

1 SAMUEL 8:20

hlük ci nei, cun ung kei mi cu a hei pakhui gui ah mäih ah kami kyak khai, ani cu kami ghangpughang ah kya ne, na uk gui khai, ani cu kami ghangpughang ah kya ne, na uk gui khai, ng’tuk nak ung lam nam shüm gui khai, kami ng’tuk law ung na ng’tuk pe gui khai,” cik ci gui.

1 SAMUEL 8:1

Samuel cu ghi law neta a hta gui cu a hta gui cu Israel uktu ah tha gui ci.

1 SAMUEL 8:3

Cun ung phi ami pa ah bi cu kä läk hlawt ci gui; ngami cu ngui gah vai bäng tha nak ci gui. Ngami cu ng’mü khawh dou u ne a i ah mawng phi ng’düng khai ah kä m’khoi m’chak ci gui.

KHEI NAK 27:17

ani cu ng’tuk nak ung thumkhän hning khai, cun ung na chang bum gui cu htoshäm kä om ciah htome ah mäih ah kä kyak khai gui.”

2 PETER 1:14

Kei cu kä shou pha sei, shin ah sheka thei ciah pumsa cu ka nawng shüt lawk khai ah ka hmat ci nei, cun cu Bawipa Jesuh Khrit naw ang dang ah anam thein pyi ah kyak ci.

2 TIMOTHI 4:6

Kei läi cu ng’ghuthaa nak ah ka kyak nak vai ah akhin gawk law pyi ci nei, shin ah ghin nak kang kawn taak vai ah a khin phi ng’et lawk ci nei.

SAM 71:18

Kei ka ghi lawk ci, ka lu phi ng’pyok ci, O Khanpughi, kä na nawng en ä! Na hlüngtai nak la na huham cu ng’shon päng ung ka ng’shäu güt, na om püi ä.

1 SAMUEL 3:16

Eli naw khü ne, “Samuel, ka chang hta!” cine khü ci. Samuel naw, “Ä, saza” cine m’shang ci.

1 SAMUEL 3:13

Kei naw ani am ka m’thein pyi ci, kei naw ani ah kyongkhui cu angtäi sei ka m’kyuk lawk khai. A i ah kyasei ci ung ani ah hta gui cu akshe ah ng’thu ne, kei na hnu ng’tuk püi ci gui. Eli naw cun ah ami bi cu hmat ci, cun ung phi kä m’cing gui hlawt ci.

1 SAMUEL 2:29

A i ah kyasei, kei naw ka chang gui ung ka thäh ah khawihnah nak la douthak nak cu nangmi naw ei hlü ne nami teng ang? A i ah kyasei Eli, kei ah ta na hta gui na m’taam gui pi ang, ka chang gui naw ami na douthak law ah khawihnah nak ah aknipi gui avan cu ei sak gui ne, na plan sak gui ci gui ne ma?

1 SAMUEL 2:22

Tuhbäi Eli cu ghi lawk ci. A hta gui naw Israel gui ah khan ah ami bi gui avan cu ani naw ng’yak ci. Bawipa ah phung ung luh nak ah m’kawt ung bi bik ci gui ah hnumi gui awn ami ih om phi ng’ya gui ci.

1 SAMUEL 3:10

Bawipa cu law ne ng’düi ne ta, “Samuel, Samuel!” ciah a ci ta a khü ah mäih ah khü ba ci, Samuel naw, “Pyen ä, na changshäm naw ka ngai ci nei” cik ci.

JOSHUA 23:1

Shohta khäta Bawipa naw, Israel gui cu koi gui ne om ciah ami ga gui ungka shungvong gui ci. Cun yah ung Joshua cu anghtei ah ghi lawk ci.

JOSHUA 23:2

Cun ah kyasei ani naw Israel gui ami van a ghi gui, angvai gui, suki gui la ami bawi gui khü gui neta a pyen nak gui cu, “Kei cu ka ghi law aih ci,