1 SAMUEL 12:19 - Cho Bible Common Language 2016

¹⁹ Cun kawn ah ngami naw Samuel am, “Na bä ni saza, keimi ah phäh ah Bawipa na Khanpughi ah na taigü pe gui vä. Cun ung keimi kä kami shik khai. Keimi naw kami hmat lawk ci, kami hma gui avan ah kawn ah ghangpughang kami thäh nak awn kami hma ba mä ci nei” cik ci gui.

1 SAMUEL 12:19 Referans Kwoze

PHYAWN NAK 9:28

Bawipa ah taigü vä! Keimi cu shin ah hmumkyeek la gääi nu awn kami ng’büh khai nei. Kei naw shai ka tak ci, ka ning hteh sak gui khai nei, shin ung nangmi kä nami om tu ba khai nei” cik ci.

1 JOHAN 5:16

Na phäi nau tumat cu a cheishoh ung phi sih nak ah katnak ah kä ah kyak ah khoi ung, Khanpughi ah nak taigü peit vai, Khanpughi naw ani am ghin nak cu pek khai nei. Cun cu sih nak ung kä gawk nak hnga vai ah cheishoh ciah chang gui ah mawng ah kiak ci. Cun ung phi sih nak ung gawk nak ah cheishoh nak om ci, cun ah hmawk ah nami taigü vai ah ka pyein ah kä kyak ci.

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.

PHYAWN NAK 10:17

Tuhbäi ka katnak cu na geinsei ne, shin ah kyih vai ah m’kyuk nak cu a thuuk ah a lak ba vai ah Bawipa nami Khanpughi ah taigü vä” cik ci.

JAMES 5:15

Cun ah yum nak awn taigü nak naw ak gaw cu gai sak khai nei, Bawipa naw gaigawng nak cu yuk pe ne, a cheishoh nak gui phi m’geinsei khai nei.

LAMKTU 8:24

Simon naw Peter lah Johan am, “Tuhbäi na ni pyein gui cu kei ah khan ah kä a gawk law vai ah Khanpughi ah nak taigü pe nä” cine ng’yawi ci.

MALAKHI 1:9

Tuhbäi tagü gui aw, mikmi ah khan ah ani vai ah Khanpughi cu ng’shi thäh vä. Ani naw nami taigü kä ning m’shang gui khai nei. Cun cu nami katnak ah kyak khai.

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

ISAIAH 26:16

Nang naw na chang gui cu na m’kyuk ci nei, BAWIPA, ngami cu cümbawng ne, nang ah taigü ci gui nei.

JOB 42:8

Tuhbäi vantang chih la htome amca chih cu Joba ah law püi u ne, nami mät ah phäh ah khawihnah nak ah nami dou thak vai. Cun ung Joba naw ning taigü pe gui khai, ani ah taigü kei naw ka m’shang khai, nami om ah ciah kä ning ng’thumcha gui khai. Nangmi naw ani ah mäih ah kei ah mawng akcang kä nami pyen ci.”

1 SAMUEL 7:8

Ngami naw Samuel am, “Mi Khanpughi Bawipa ah taigü ä, Philistin gui ung ka phyawn nak vai ah” cik ci gui.

1 SAMUEL 7:5

Cun kawn ah Samuel naw chang tüi ne Israel van Mizpah ung hmuh vai ah khü gui ci, ani naw, “Acu ah nangmi ah phäh ah Bawipa ah ka taigü khai.”

ATÜNNAK 20:7

Cun ah kyasei hnumi cu a cei am na ap ba vai nei, a cei cu prophet nei, ani naw ning taigü pe sei, nang cu kä na sik khai nei. Kä na ap ba läi ung nang la na chang gui ami van cu nami si yawp khai nei, ciah ka ning m’thein ci nei” cik ci.

KHEI NAK 21:7

Chang gui cu Moses ah law u neta, “Keimi cu Bawipa la nang ning hnungtuk püi ne, kami ng’thu nak awn kami hma ci nei. Tuhbäi shin ah phyu gui ak täm ba vai ah Bawipa ah nak taigü pa gui ä” cik ci gui. Cun ah kyasei Moses naw chang gui ah phäh ah taigü ci.

1 SAMUEL 12:13

Tuhbäi shin ung nami ghü ah ghangpughang nei; nangmi naw nami thäh, tuhbäi Bawipa naw a ning pek gui nei.

1 SAMUEL 12:17

Shin cu kho cha ah kyak ci, kä kya ne ang? Cun ung phi kei ka taigü khai. Bawipa naw kho hmun la kho aa tüi lawk khai. Shin gui a kyak law ung, nangmi naw Bawipa hnu ng’tuk püi ne dämduh ciah katnak nami bi cu nami hmat ba khai.

1 SAMUEL 12:20

Samuel naw, “Kä nami kyih vai, nangmi naw akshe nami bi pyi pang ung phi, Bawipa kä nami ng’hlah tak en vai, nami m’lung avan awn abi nami bi vai.

JOB 37:13

Khanpughi naw khomdek shawi khai ah kho k’aa cu a tüih ah kyak ci, Ani naw chang gui m’kyuk khai ah phi tüi hning ci, abä mang nak am dang nak ah phi tüi hning ci.

JEREMIAH 27:18

Ngami cu prophet akcang ah kya u ne, kei ah ng’thu cu ngami ung om ciah a kyak ung, Taigüim la bawi mang im ung om ba ciah m’küm khawhgui cu, Babilonia ah kä htet püi vai ah kei, m’gäu cuag Bawipa cu na ng’shi law u sä.”

JEREMIAH 42:2

kei cu na pyen nak ci gui, “Na bä ni, kami k’thäh cu na bi pe gui ä! Bawipa kami khanpughi ah keimi ah phäh ah na tai gü pe gui ä. Kami k’pawih ba ci avan ah phäh ah na k’taihü pe gui ä, Cau läi kami da man te ci; tuhbäi api hta kami k’pawih lawk ci, na hmuh ah mäih ah kyak ci.

PHYAWN NAK 32:30

A ngawi ung Moses naw chang gui am, “Nangmi naw a kyih she ah shetkat nak nami bik ci, cun ung phi kei naw m’htung ah hang kai ba ne, nami katnak m’geinsei nak gah vai ah Bawipa ah ma ah ka bi ei hning hman khai nei” cik ci.

1 SAMUEL 8:6

Ghangpughang vai ami m’thäh ah phäh ah Samuel cu kä yei ci; cun ah kyasei ani cu Bawipa ah

JEREMIAH 37:3

Ghangpughang Zedekiah naw Shelemiah ah hta Jehukala la marseiah ah hta Taigü Zephaniah cu kei ah tüi law ne, mi pakhui ah hnün ung om ne, Bawipa, mei khanpughi ah tai gü vai ah ng’shi thäh law sak ci