1 SAMUEL 12:11 - Cho Bible Common Language 2016

¹¹ Cun ung Bawipa naw Gideon, Barak, Jephthah la ak hnu ah kei cu na tüi gui ci. Keimi tumat ci naw nami ga ung ka, kami ning hun gui ci, nangmi phyawng ne nami om ci.

1 SAMUEL 12:11 Referans Kwoze

SUKI GUI 6:32

Acun ung tün ne, Kideon cu Jerubbaala ah ming ci, a i ah kyasei ci ung Joash naw, “Baala cu a mät gung sä; Shin ah chukpit cu ani ah sonkyang ah kyak ci nei? a ciah phäh ah kyak ci.

SUKI GUI 4:6

Hnüüp ät ung ani naw, Naphtali khaw, Kedesh mang gaw ung ka Abinoam ah hta Barak cu tüi neta, “Bawipa Israel ghangpughang naw shin ah thumkhäm ning pe gui ci: ‘Naphtali la Zebulun pakhui ung ka chang phia phia la neta Tabor m’htung ah hteh püi gui vä.

SUKI GUI 6:14

Cun kawn ung Bawipa naw, “Dämduh ciah na thagui avan nawn hteit ä, Midian gui ah kutung ka Israel gui cu gung gui ä. Kei kamät naw nang cu ka ning tüi ci nei” cik ci.

1 SAMUEL 7:13

Cun ah kya ne Philistin gui cu ami m’di gui, Bawipa naw shungvong gui sei, Samuel a ghin ah chuih Israel khaw cu kä tu law ba ci gui.

SUKI GUI 8:35

Israel gui ah hmawk ah Kideon naw akni abi gui avan ah phäh ah, ani ah kyong chang cu ngami naw kä yeikyai na käm ci gui.

SUKI GUI 8:29

Kideon cu a im ah hteit ba ne, a cu ah om ci.

SUKI GUI 6:31

Cun ung phi Joash naw cun ah k’thäh ciah chang avan am, “Nangmi Baala ah phäh ah nami ng’düi ne ma? Ani nami ghung ne ma? Acun ah phäh ah ng’düi ne ma? Acun na phäh ah ng’düi ci phung cu khawngawi kä ang phlän pha ung ngawn vai nei. Baala cu khanpughi ah a kyak ung amät gung sä. Ani ah sonkiang ah a kyak ung amät naw amät gung sä. Ani ah sonkiang cu chuk pyi ah kyak ci nei” cik ci.

SUKI GUI 7:1

Hnüüp ät ung Kideon la a chang gui avan cu khongawi hta ah tho law u ne, Harod tui m’lawi pei ah phung tuk ci gui. Midianit gui ah phung cu ngami ah a siiptäng Horeh m’htung pei khawnawi ung om ci.

1 SAMUEL 3:20

Cun ah kyasei Israel chang avan, khaw tumat ah akcawi ungka naw vang ak cawi ung khüt ci naw, Samuel cu Bawipa ah prophet akcang ah hmat lawk ci gui.

2 GHANGPUGHANG GUI 13:5

Siria gui ah kut ungka k’phyawn gui khai ah ami ng’vai cu Bawipa naw Israel gui am tüih gui ci. Cun ah kyasei Israel gui cu a cau ka ah mäih ah dimdeeih sei om ci gui.

1 SHONTÄP NAK 7:17

Ulam ung a hta pami Bedan ming nak ci om ci. Shin gui ami van cu Kilead ah htangshon gui ah kyak ci, Machira ah hta gui, Manasseh ah tu gui ah kyak ci gui.