1 SAMUEL 12:10 - Cho Bible Common Language 2016

¹⁰ Cun kawn ah Bawipa naw am htei gui vai ah m’lau u neta, “Keimi kami hma ci, a i ah kyasei ci ung, keimi naw nang kami ning hlah tak ci, Bawipa, keimi naw Baala la Astarte gup cu kami khawihnah ci. Kami ga ung ka nak phyawn gui ä, keimi naw kami ning khawihnah khai!” cik ci gui.

1 SAMUEL 12:10 Referans Kwoze

SUKI GUI 10:10

Cun kawn ah Israel gui naw kyap m’lau u ne, Bawipa ung thu ami pyen cu, “Keimi naw nang ning hnung’tuk püine kami shekak ci nei, Kami Khanpughi nang ning nawng ne, Baala kami khawihnah ci nei” cik ci gui.

SUKI GUI 2:13

Ngami naw Bawipa Khawihnah nak cu nawng u ne, Baala la Astarte gui cu khawihnah ci gui.

SUKI GUI 3:9

Cun kawn ung Israel gui cu Bawipa ah ma ah kyap ne m’lau ci gui, cun ah kyasei ngami m’hlaut gui khai ah chang cu ani naw tüi lawk ci. Cun cu Kaleb ah nau ak hmaw pi Kenaz ah hta Othniela ah kyak ci.

SUKI GUI 3:7

Israel chang gui naw Bawipa cu ami khanpughi ah m’hnih ci gui, ani hnu ng’tuk püi ne sheka u ne, Baala la Asherah ah gup gui cu khawihnah ci gui.

ISAIAH 33:22

Cun ah htinpaw ung gui gui avan cu akholä ah kyak ci; yih dung gui cu kä ng’phiaat hlawt ci! Mikmi naw ga gui ah khawhcham avan cu mi gut khai, cun gui cu da aih sei, shumng’kem ci gui naw phi gah tuk khai gui Bawipa amät cu mi ghangpughang ah kyak khai; ani naw mikhan ah na uk gui ne, na shungvong gui khai.

ISAIAH 26:16

Nang naw na chang gui cu na m’kyuk ci nei, BAWIPA, ngami cu cümbawng ne, nang ah taigü ci gui nei.

SAM 106:44

Cun ung phi Bawipa naw ami m’lau cu ng’ya gui ne, ami geinvai cu hmu gui ci.

1 SAMUEL 7:2

Thukhän M’küm cu Kiriah Jearim ung akshou om ci, kum ku om ci. Cun ah ah khui ung Israel chang gui ami van cu Bawipa naw am htei gui vai ah kyap ne taigü ci gui.

SUKI GUI 6:7

Cun kawn Israel chang gui cu Midianit gui hnu ng’tuk nak püi ung Bawipa naw am htei gui vai ah kyap m’lau ci gui,

SUKI GUI 4:3

Jabin ung m’si yatha phya kaw om ci, ani naw Israel chang gui cu m’ghämce ne hupdep ne khawku m’ku lung uk gui ci. Cun kawn ah Israel chang gui cu Bawipa naw am htei gui vai ah kyap m’lau ci gui.

SUKI GUI 3:15

Cun kawn ah Israel gui cu Bawipa ah ma ah kyap m’lau u sei, ngami m’hlawt gui khai ah chang tumat tüih gui ci. Ani cu Ehud ak eng ah ng’hlawi ci, Benjamin pakhui Kera ah hta ah kyak ci. Israel chang gui naw Ehud cu douthak vai hteh püi ne Moab ghangpughang Eglon ah hteh sak ci gui.

JOSHUA 13:31

Acun ung Kilead khaw ateih, Bashan khaw, Ok ah uknak ung mang gawnu ah kyak ciah Ashtaroth la Edrei gui k’um ci. Shin gui avan cu Manaseeh ah hta Machir ah ng’shon kyong chang a teih am pek ah kyak ci.

SUKI GUI 2:11

Israel chang gui cu Bawipa hnu ng’tuk püi ne katnak bi u ne, Baala gui cu tün ne khawihnah ci gui.

1 SAMUEL 7:6

Cun ah kyasei ami van Mizpah ung lawk ci gui. Ngami naw Bawipa am douthak nak ah, tui than ne k’peh u ne, cun hnüüp mü ne ei hlawi ci gui. Ngami naw, “Mikmi cu Bawipa hnu ng’tuk püi ne mi hma ci nei” (Israel gui ah lung ah Samuel naw abi nak cu Mizpah ah kyak ci)