1 SAMUEL 11:4 - Cho Bible Common Language 2016

⁴ Ami chang tüih gui cu Saul ah om nak Gibeah ah gawk law u ne, a mawng cu m’thein gui u khäta chang gui cu om k’she ne kya ci gui.

1 SAMUEL 11:4 Referans Kwoze

1 SAMUEL 10:26

Saul cun phih Gibeah a im ah hteit ba ci. Huham ah ciah chang amshah gui cu Khanpughi naw ami m’lung tawn pe gui sei, ani awn atänga hteit tuk ci gui.

SUKI GUI 2:4

Khanchang naw shin ah thu a pyen vai-am Israel chang gui ami van cu kyap ci gui,

1 SAMUEL 30:4

David la a chang gui cu kyap ne, ng’pyang u ne, ami tha gui amaih güt kä düm ah m’lau ci gui.

1 SAMUEL 15:34

Cun kawn ah Samuela cu Ramah ah hteit ba ci, Saul ghangpughang cu Gibeah a im ah hteit ba ci.

SUKI GUI 21:2

Cun ah kyasei Israel chang gui cu Bethel ah hteit u ne, Khanpughi ah ma ah mü hnu güt ung ngok ci gui. Ngami cu m’lau ne akaa ah kyap ci gui:

HEBRU 13:3

Thawng kium ci gui cu ngami awn a täng ah thawng nami kium tuk ciah mäih ah ngai ne nami shüm gui vai nei. Zaica geinvai ci gui cu ngami awn a täng ah yaica geinvai ah mäih ah ngai ne, nami shüm gui vai nei.

KALATIAN 6:2

Nami phuih kawh nami ng’phuih kawh tu püi vai, acun ah bi ne Bawi Khrit ah thukhän cu nami läk vai.

1 KORIN 12:26

Pumsa ah ang phyeekpai tumat a yaica ah a kyak ung, a hei gui ami van yaica yawp ci gui; pumsa ang phyeek pai tumat m’hlüngtai nak a om ah a kyak ung, a hei gui ami van yei kyai yawp ci gui.

ROMAN 12:15

Zeikiai ci gui nami yeikyai püi gui vai, thüikyap ci gui nami thüikyah püi gui vai.

2 SAMUEL 21:6

Cun ah kyasei ani ah hta ng’shon pami chih na ap gui ä, Bawipa ah ghü ah ghangpughang, Saul ah gawnu, Gibeon ung Bawipa ah ma ah kami m’awh gui khai nei” cik ci gui. Ghangpughang naw, “Ka ning ap gui khai nei” cik ci.

1 SAMUEL 14:2

Apa cu Migron ah htale-ghing ka ah phung tu ne om ci, cun cu Gibeah awn kä ng’shawng ci; ani ung ak chang phia chuk om ci.

ATÜNNAK 27:38

Esau naw, “Kapa aw, hriham tumat phi kä om ba ne ma? Kei phi hriham na pe tuä, kapa aw” cine kyap ne ng’zoi ci.

SUKI GUI 20:26

Cun ung Israel chang gui ami van Bethela ah hang kai u ne kyap ci gui. Ngami cu a cu ah Bawipa ah ma ah ngaw u neta mühun güt ung ei kä ei ci gui. Ngami naw hmuhchum douthak nak cu douthak u ne, khawihnah nak along ah m’khih u ne, cun gui avan cu Bawipa ah ma ah bik ci gui.

1 SHONTÄP NAK 12:3

Ngami cu Kibeah ah ka Shemaah ah hta Ahiezer la Joash ah thumkhän ah ka ung om ci gui. Shin gui cu gakap gui ah kyak ci: Jeziel la Pelet, Azmaveth ah hta goi Berakah la Jehu, Anathoth ah ka Ishmaiah, Kibeon ah ka, ani cu mingthang ciah gakap, “Thumkip” ungka angvai thumat ah kyak ci Jeremiah, Kibeon ah ka, ani cu mingthang ciah gakap, Joyabad, Kederah ah ka Eluzai, Jerimoth, Bealiah, Shemariah, la Shephatiah, Hariph ah ka Elkanah, Isshiah, Azarela, Joezera, la Jashobeam, Korah pahta ungka Joelah la Zebadiah, Kedor ka Jeroham ah hta gui.