1 SAMUEL 11:2 - Cho Bible Common Language 2016

² Nahash naw, “Amawng tumat ung, kei naw nangni awn ng’gei nak ka bik khai: Kei naw chang päng ah k’pat lam mik cu ka kawih khai, Israel avan ung thüi sei nak ka law püi khai” cik ci.

1 SAMUEL 11:2 Referans Kwoze

1 SAMUEL 17:26

David naw a pei ah ka gui cu ng’shi gui ne, “Shin ah Philistin chang ngawn ne Israel gui cäi ng’ä nak ung phyawn sak ciah chang naw a i gah khai ang? Ghing ciah Khanpughi ah gakap ghet taap ciah shin ah chang hei Philistin chang cu a u ang?” cik ci.

KHEI NAK 16:14

Khaw ni khaw ah phi kä na na hteh püi gui ci, kami ka vai lo gui sapyit lo gui phi kä na na pe gui ci. Tuhbäi nang naw na na theileh na gui ci. Kä kami lawk khai!” cik ci gui.

ATÜNNAK 34:14

Ngami naw, “Kami bee cu vun aat ne kä ng’kyon ciah chang awn kä kami ng’pui khah sak hlawt khai, cun cu thui ng’aa nak vai ah kyak khai.

JEREMIAH 39:7

Cun kawn ah Zedekiah ah mik gui cu kawih pen eta guiawn khit he babilonia ah hteh püi vai ah tha ci.

NG'THU K'THUUK~ 12:10

Changninaw a ui ai cu akni ah m’htei ci, changshe cu m’ghämce ci.

2 GHANGPUGHANG GUI 18:31

Hezekiah cu kä nami ngaih vai. Assiria uktubawi naw ning thumkhän gui ci, mang gaw ah akpung ah lut law ne nami dawkphah vai. Nami van naw nami sapyit phung ungka sapyit nami ei khai, nami thei ghing ungka thei nami ei khai, nami mät ah tui shawk ungka tui nami awk khai —

SUKI GUI 16:21

Philistin gui naw ani cu pha u neta amik cu kawih ci gui. Cun kawn ah kaza ah hteh püi u ne, kyei gui awn khit u neta, thawng im kyong ah gawtlung gawt sak ci gui.

PHYAWN NAK 3:6

Kei cu na pupa gui ah na Khanpughi, Abraham, Isaak la Jakob ni ah na Khanpughi nei” cik ci. Moses cu Khanpughi a hmuh vai ah kyi neta a hmai k’bawm ci.

1 SAMUEL 12:12

Cun ung phi Ammon ghangpughang Nahash naw ning tu law gui khai ah hmu u neta, nangmi naw nami ghangpughang ah, Bawipa cu nami hnu ng’tuk püi ci, cun kawn ah kei ah ma ah, “Na uk gui khai ghangpughang kami ng’ya hlük ci” nami cik ci.

SAM 44:13

Nang naw keimi ah khan ah na bi cu kami peileng gui naw hmu u neta, na päipih u ne, na gaih tu gui ci gui.

1 SAMUEL 11:10

Ngami naw Nahash am, “Ngawi ung nang ah ma ah kut kami chah khai nei, nang naw a i phi na ng’ya hlü keimi ung na bi hning ci nei.”