1 SAMUEL 11:15 - Cho Bible Common Language 2016

¹⁵ Cun ah kyasei ami van Gilgal ah hteit u ne, a cu ah theing ciah hmun ung Saul cu ghangpughang ah ng’shäu ba ci gui. Ngami naw hmuh chum-khawihnah nak cu dou thak u ne, Saul la Israel chang avan naw cun ah mawng cu bik ci gui.

1 SAMUEL 11:15 Referans Kwoze

1 SAMUEL 10:8

Nang cu Gilgal ah ma ne na na hteh vai, a cu ah ning hmuk khai, m’khih ne khawihnah nak la ng’gei-chum nak khawihnah mi bik khai. A cu ah kei kä ka law pha ah chuih hnüüp chih na na ngäng vai, a i bi vai ka ning m’theing khai.

1 SAMUEL 10:17

Samuela naw chang gui cu a täng ah khü gui ne, yum na tängaw Mizpah ung ng’bum sak gui ci.

JAMES 4:16

Cun ung phi nangmi tuhbäi chang ah ng’shei ne nami khähghah ci, cun ah khähgha nak phung cu cheishoh nak ah kyak ci.

1 SAMUEL 12:17

Shin cu kho cha ah kyak ci, kä kya ne ang? Cun ung phi kei ka taigü khai. Bawipa naw kho hmun la kho aa tüi lawk khai. Shin gui a kyak law ung, nangmi naw Bawipa hnu ng’tuk püi ne dämduh ciah katnak nami bi cu nami hmat ba khai.

1 SAMUEL 8:19

Chang gui naw Samuel cu a i ah kä sui ci gui, ngami naw, “Ka, Ghangpughang kami ng’za

PHYAWN NAK 24:5

Cun kawn ah chang nong gui tüi gui sei, ngami naw Bawipa cu m’khih ne khawihnah u ne, sei me gui awn khawihnah ne, hmuhchum douthak gui nak bik ci gui.

1 SAMUEL 12:1

Samuel naw Israel chang gui am, “Kei naw ka bi vai ah nami na k’thäh cu ka bi pyi ci nei. Ning uk gui khai ah ghangpughang ka ning pe gui pyi ci nei,

2 SAMUEL 19:15

Cun ah kyasei ghangpughang cu Jordan ung gawk lawk ci, Judah chang gui cu ghangpughang hmuk khai gui ah Gilgal ung gawk lawk ci gui, ngami naw tuinu kah nak ung phi ngäng m’htei khai gui.

1 SAMUEL 10:24

Samuel naw chang gui am “Shin ah chang cu Bawipa naw a ghü nei! Ani ah mäih mikmi ung a u kä om ci nei” cik ci. Chang avan naw m’lau ne, “Ghangpughang ghi ne ghing sä” cik ci gui.