1 SAMUEL 11:1 - Cho Bible Common Language 2016

¹ Cha ät alüng kawn ah Ammon ghangpughang Nahash naw a gakap gui m’tho ne, Gilead kho, Jebesh gawnu cu hnu ng’tuk püi ne khaai ci. Jebesh chang gui naw Nahash am, “Ng’gei nak na bi püi gui ä, cun ung kami uktu ah kami ning dou khai nei” cik ci gui.

1 SAMUEL 11:1 Referans Kwoze

1 SAMUEL 12:12

Cun ung phi Ammon ghangpughang Nahash naw ning tu law gui khai ah hmu u neta, nangmi naw nami ghangpughang ah, Bawipa cu nami hnu ng’tuk püi ci, cun kawn ah kei ah ma ah, “Na uk gui khai ghangpughang kami ng’ya hlük ci” nami cik ci.

EZEKIEL 17:13

Ani naw ghangpughang ah kyong Chang ungka tumat la ne ng’khawt püi neta abekhüt vai ah thukhän püi ci-Ani naw ng’khan nak vai ah küi kyang ciah Chang gui cu la gui neta

1 GHANGPUGHANG GUI 20:34

Benhadad naw pyen nak ci, “Napa ah kaate, kapa naw a lak ah gawnu gui cu ka ning pe ba khai, kapa naw Samaria ung abi ah mäih ah nang naw Damaskas ung sumlei nak cu na bi vai nei!” cik ci. Ahab naw, “Cun ah a kyak ung nang cu ka ning k’phyawn khai” cik ci. Cun kawn ah ani awn ng’khawtsheng nak bi ni neta tüi ba ci.

SUKI GUI 21:8

Mizpah ung ami ng’bum nak ung Israel pakhui ung ka, kä hteit tuk ci om ne ang ciah k’tä law ba u neta, Kilead khaw Jebesh ung ka, a u phi kä hteit tuk ciah hmat ci gui;

ATÜNNAK 26:28

Ngami naw, “Nang cu Bawipa naw ning om püi ciah tuhbäi kami hmat ci nei, mi ng’lak ung ng’gei nak thukhän mi bik khai ah kami ngai ci nei. Keimi naw shai kami tak hlü cu;

JOB 41:4

Ani cu nang awn yum ät ni ne khong län ung na bii bik khai ah shaita ne ma?

PHYAWN NAK 23:32

Ngami awn phi kia, ami khanpughi awn phi kia, kä nami m’lung ngaih ät en vai.

ISAIAH 36:16

Hezekiah cu känami ngaih en vai nei! Assirian ghangpughang naw ning thumkhän gui ci, mang gaw k’pung ah lut law ne nami ng’paa vai nei. Nami mät ah sapyit ung ka ak thih nami ei khai, nami mät ah thei ghing ung ka thei ei u ne, nami mät ah tui shawk ung ka tui nami awk khai —

SUKI GUI 10:7

Cun ah kyasei Bawipa cu Israel gui ah khaw ah m’lungshe neta, Philistin gui la Ammonit gui am tu ne khäm sak gui ci.

THULÄÄN NAK 23:3

“A u Ammonit, käcung, Moabit, ami htangshon gui, ang shon gha ung khüt ci phi Bawipa ah chang ah kä kya tuk khai.

1 SAMUEL 14:47

Saul naw Israel ghangpughang ah a kyak law kawn ah akhaw päng ung a ga gui avan cu tu gui yawp ci: Ammon la Edom, Moab chang gui, Zobah la Philistin ghangpughang gui. Atuk nak päng ah ani cu näng ci.

2 SAMUEL 10:1

Shou hta khäta Ammon ghangpughang Nahash cu si sei, a hta Hanun cu ghangpughang ah kya lawk ci.

2 SAMUEL 10:2

Ghangpughang David naw, “Kei naw bekhüt ne khawt nak cu Hanun ung ka bi khai, cun cu apa Nahash naw kei ung abi ah mäih ah kyak ci” cik ci. Cun ah kyasei ani naw chang tüi ne, ak büi nak cu pyen ci. Ngami cu Ammon ah gawk law u khäta,

2 SAMUEL 17:27

David cu Mahanaim ung gawk khäta, Ammon khaw Rabbah mang gaw ah ka Nahash ah hta Shobi la Lodebar ah ka Ammiela ah hta Machira la Gilead khaw Regelim ungka Barzillai ni naw hmu lawk ci gui.

JEREMIAH 40:11

Cun sang ung, Israel gui ami van, moab, Ammon, Edom la ahei khopäng gui ung om ci gui naw, Babilonian ghangpughang naw Israel om shah gui cu Judah khaw ung om sak gui ne, ami uk tu ah Kedaliah cu tha ci, cicu ng’yak ci gui.

JEREMIAH 40:14

ani ami pyen nak cu, “Ammon ghangpughang Baalis naw nang ning ngawn khai ah Ishmaela a tüih law cu kä nah mat ne ma? Cun ung phi Kedaliah naw kä yum ci.

SUKI GUI 11:4

Api shou hta khäta Ammonit gui naw Israel gui cu ng’tuk püi gui ci gui.

2 SAMUEL 2:5

Chang gui cu m’cäi ne tüi gui ci: “Nami bekhüt nak m’dang ne, nami ghangpughang nami htüm cu, Bawipa naw hriham ning pe gui sä.

1 SHONTÄP NAK 10:11

Philistin gui naw Saul ah khan ah ami bi cu Kilead ung om ciah Jebesh chang gui naw ng’ya u neta

1 SHONTÄP NAK 10:12

am gäi pikbäih ah chang gui hteit u ne Saul la a hta gui ah pumsa gui cu la ne Jebesh ah hteh püi ci gui. Cun gui cu oak shing ghing ah ka ah k’phuh u neta hnüüp chih ung ei hlawi ci gui.