1 SAMUEL 10:7 - Cho Bible Common Language 2016

⁷ Shin gui a kyak law ung Khanpughi naw na bi vai a ning m’shüm phung cu na bi vai.

1 SAMUEL 10:7 Referans Kwoze

SUKI GUI 6:12

Acun ung Bawipa khanchang dang neta a pyen nak cu, “Nget ne n’gäi ciah chang, Bawipa naw nang ning om püi ci ne!”

LUKA 2:12

Ak hmawhta cu yih awn hlawp ne, vantang ei-ko ung ami m’ih cu nami hmuk khai, cun nami hmuh ung ani cu nami hmat khai nei” cik ci.

JOSHUA 1:5

Joshua, nang na ghin ah chuih a u naw kä ning m’di hlawt khai nei. Kei naw Moses ka om püi ah mäih ah ka ning om püi khai nei. Kei naw angtäi sei ka ning om püi khai, kei naw kä ka ning nawng phung khai.

HEBRU 13:5

Ngui ng’ya hlü aih ne kä nami ghin vai, nami mät ung om ci awn nami ng’büh vai. A i ah kyasei ci ung Khanpughi naw, “Kei naw nang cu kä ka ning hteh ta phung khai, kä ka ning nawng phung khai,” cine a pyein ah hmawk ah kyak ci.

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

PHYAWN NAK 4:8

Bawipa naw, “Ngami naw kä ning yum ne, a htük ung cäi aih vai cu kä ami ngaih ah a kyak ung phi tuhbäi ka cu yum khai gui nei.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

THUSHÄUTU 9:10

Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

SUKI GUI 9:33

Khongawi ah hni pyii ung tho law u ne, mang gaw cu ang ghitah nami tuk vai nei. Kaala la ak chang gui naw ning tu gui khai ah ami law ah a kyak ung, nami tha gui avan awn nami tuk gui vai nei! cik ci.

THULÄÄN NAK 20:1

Nangmi hteit ne nami ga gui nami tuk law vai a kyak ung, nangmi naw yatha gui la sela gui ni, nangmi ah ta da pi ciah gakap gui ni nami hmuk khai. Cun ung phi kä nami kyih gui vai. Bawipa nami Khanpughi, Egypt khaw ungka ning gung gui ci naw a täng ah ning om püi gui khai.

ATÜNNAK 21:20

A hmaw cu Khanpughi naw m’htei sei, Param bung ah om ne, däm ng’vai law ne, li kaap k’ni ah kya lawk ci.

JOHAN 6:14

Cun ah Bawipa Jesuh naw cäi aih vai abi gui hmu tuk ciah chang gui naw, “Shin ah chang cu khomdek khan ah gawk lawk khai ami ciah, profet akcang ah kyak ci nei” cik ci gui.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

1 SAMUEL 2:34

Na hta goi Hophni la Phinehas cu hnüüp ät ung a täng ah ani sih ah a kyak ung, acun naw kei ah ka pyen phung a bä nak cu m’dang khai.

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

1 SAMUEL 3:19

Samuel cu ng’vai lawk ci, Bawipa naw a täng ah om püi ne, a päng bi sei, Samuel ah ng’thu avan cu akcang ah kümbe lawk ci.

1 SAMUEL 20:13

Ani naw nang ning hnim vai ah abi cu nang naw na phyawn nak vai ah kä ka ning m’thein ah a kyak ung, Bawipa naw kei cu na sih sak sä. Bawipa naw ka pa a om püi man ah mäih ah nang cu ning om püi sä.

2 SAMUEL 7:3

Nathan naw, “Na m’lung kyong ah om ci phung na bi vai, a i ah kyasei ci ung Bawipa cu nang awn a täng ah om ci,” cik ci.

JOB 31:25

Käcung ka bühmang nak awn kä ka khähghah ci.