1 SAMUEL 10:6 - Cho Bible Common Language 2016

⁶ Ang ghit ah Bawipa ah mümcha naw ning pang khai, nang cu yum nak ung lam nak la m’lau nak ung na ng’pawng tuk khai, nang cu hnga ciah chang ah na kyak khai.

1 SAMUEL 10:6 Referans Kwoze

1 SAMUEL 10:10

Saul la achangshäm cu Gibeah ah ani gawk law yah ung prophet bum naw hmu lawk ci gui. Ang ghit ah Khanpughi ah mümcha naw ani cu k’pang ne m’lau tuk ci.

KHEI NAK 11:25

Cun kawn ah Bawipa naw khaw ng’mei ung law neta, ng’thu püi ci. Ani naw Moses am a peik ah mümcha amshah cu la neta angvaihta chihkip am pe gui ci. Ngami ah khan ah mümcha gawk law khäta, ngami cu prophet gui ah mäih ah m’lau ci gui. Cun ung phi akshou kä m’lau ci gui.

1 SAMUEL 16:13

Samuela naw olive-situi cu la neta, David cu aphäi gui ah ma ung phyuh theh ci. Ang ghit ah Bawipa ah mümcha naw David cu k’pang ci, cu hnüüp ung tüi ne ani cu om püi ci. Cun kawn ah Samuel cu Ramah ah hteit ba ci.

SUKI GUI 14:6

Ang ghit ah Bawipa ah huham naw Samson cu kthamah sak sei, ani naw phongkawng cu Mehta ah mäih ah kaih ne hleei ci. Cun ung phi ani naw a i abi cu anu la apa am kä m’thein tu goi ci.

SUKI GUI 3:10

Bawipa ah mümcha cu ani ah khan ah gawk law sei, ani cu Israel gui ah ang vai ah kya lawk ci. Othniela cu ng’tuk vai ah hteit sei, Bawipa naw ani am Mesopotamia ghangpughang ah khan ah näng nak pek ci.

MATTHE 7:22

M’khoichaa nak ah hnüüp a gawk law ung chang akda naw, ‘Bawipa, Bawipa, nang ah ming awn Khanpughi ah ng’thu cu ka pyein ci nei, nang ah ming awn khoshe khogam phi kami ktäm ci nei, nang ah ming awn cäi aih gui vai phi kami m’dang ci nei, cine kyak khai gui.

KHEI NAK 11:17

Kei naw kyum law ne a cu ah ka ning thu püi khai. Kei naw nang am ka ning peik ah mümcha amshah cu la neta, ngami am ka pe gui khai. Shin ah chang gui ah phäh ah tängpang vai gui cu ngami naw ning bawm khai gui, na mät bäng naw na tängpang vai ah kä kyak khai.

KHEI NAK 11:26

Angvai hta chihkip ungka hnih ah kyak ciah Eldad la Medad cu shaum ah kyong ah om ci goi. Kä lut lawk ci goi, a cu ah shaum ah kyong ah mümcha cu ani khan ah gawk law sei, ngani phi prophet ah mäih ah m’lau ci goi.

KHEI NAK 11:29

Moses naw, “Nang cu kei ah hmawk ah ning m’ä tu ne ma? Kei naw ka ng’yak hlü cu Bawipa naw ang mümcha cu ak chang gui avan am a peik vai. Ngami ami van cu prophet ah mäih ah ami m’lau vai ah kyak ci.

1 SAMUEL 10:9

Saul naw Samuel hteh tak khai ah ang hlah law yah ung Khanpughi naw Saul am ng’nei an nak akthai pek ci. Samuel naw am thein gui phung cu a cu hnüüp kya yawp ci.

1 SAMUEL 19:20

Cun ah kyasei ani phak khai chang gui tüi gui ci. Ngami naw Samuel ng’vai pi ciah prophet ng’bum cu ng’lam ne m’lau u sei hmuk ci gui. Cun ung Khanpughi ah mümcha naw Saul ah chang gui cu k’pang gui sei, ngami cu tün ne ng’lam ne, m’lau tuk ci gui.

SUKI GUI 15:14

Ani cu Lehi ung gawk law khäta, Philistin gui cu ani täng ah dawng law u ne, ani cu m’lau ci gui. Ang ghit ah Bawipa ah huham naw ani cu k’thamah nak pe sei, aban, a kut ung ami khih nak ah gui, gui cu mei ah uih ah pyai hta mäih ah kaih pit yawp ci.

1 SAMUEL 11:6

Saul cu cun ng’ya neta, Khanpughi ah mümcha naw k’pang sei, m’lung she lawk ci.