1 SAMUEL 10:5 - Cho Bible Common Language 2016

⁵ Cun kawn ah nang cu Gibeah ah Khanpughi ah khaw gui ah ni hteh vai, acu ah Philistin gui ah phung om ci. Gawnu ah luh nak m’kawt ung, khaw gui ah sonkyang ah ka kyum law ba ciah prophet bum ät awn nami ng’hmuk khai, ngami cu tingtäng ni, k’hting ni, phyung lawi ni, tingtangnu ni tum ci gui. Ngami cu ng’lam khai gui, m’lau khai gui.

1 SAMUEL 10:5 Referans Kwoze

2 GHANGPUGHANG GUI 3:15

Tuhbäi, tumkhawng cicu khü vä” cik ci. Tumkhawng ci naw tingtäng cu tum khäta, Bawipa ah huham cu Elisha ah khan ah gawk lawk ci,

1 SAMUEL 19:20

Cun ah kyasei ani phak khai chang gui tüi gui ci. Ngami naw Samuel ng’vai pi ciah prophet ng’bum cu ng’lam ne m’lau u sei hmuk ci gui. Cun ung Khanpughi ah mümcha naw Saul ah chang gui cu k’pang gui sei, ngami cu tün ne ng’lam ne, m’lau tuk ci gui.

1 SAMUEL 13:3

Jonathan naw, Geba ung philistin gabawi cu ngawn ci. Cun ah mawng cu philistin gui ami van naw ng’yak ci gui. Saul lah chang gui van naw ng’yak ci gui. Saul naw chang gui tüi gui ne, phyung puuk tum ne kho avan ung ng’shäu sak gui ne, ng’tuk nak ah ami law vai ah Hebrew chang gui khü sak gui ci.

2 GHANGPUGHANG GUI 2:15

Jerikho ah ka prophet hmakip gui naw ani cu hmu u neta, “Elijah ah huham cu Elisha ung gawk ci nei” cik ci gui. Ngami naw ani hteit ne hmu u ne, ama ah m’khuukdong u neta,

2 GHANGPUGHANG GUI 2:5

A cu ah om ciah prophet ng’bum gui naw Elisha hteh shi neta ng’shik ci gui, “Tuh ngawi Bawipa naw na bawi cu la lawk khai cicu na hmat ne ang?” Elisha naw, “Ä, ka hmat ci nei, cun ung phi cun ah mawng cu kä mi pyen khai nei” cik ci.

2 GHANGPUGHANG GUI 2:3

A cu ah om ciah prophet bum gui naw Elisha hteh shi neta ng’shik ci gui, “Tuhngawi Bawipa naw, na bawi cu la lawk khai cicu na hmat ne ang?” Elisha naw, “Ä, ka hmat ci nei, cun ung phi cun ah mawng cu kä mi pyen khai nei” cik ci.

1 SAMUEL 10:10

Saul la achangshäm cu Gibeah ah ani gawk law yah ung prophet bum naw hmu lawk ci gui. Ang ghit ah Khanpughi ah mümcha naw ani cu k’pang ne m’lau tuk ci.

1 KORIN 14:1

Cun ah kyasei m’hni nak nami k’pan vai ah läk vä. Mumcha m’cümhnah nak cu ng’yak hlü nak om sä, Khanpughi ah ng’thu ng’shäu ne pyein nak cu ak tung ah ng’ya hlü pi vä.

SAM 49:4

Kei cu thu thuuk lam ah ng’hlat ne, thuuk ciah amawng cu tingtäng tum ne ka m’dang khai.

1 SHONTÄP NAK 16:42

Heman la Jeduthun cu ng’äi m’cu ne ami m’hlüngtai yah ung phyungheng la ng’sheei gui la a hei tumkhawn nak gui ung tängpang ci gui ah kyak ci. Jeduthun ah pahta chang gui cu m’kawt ngäng nak ung tänpang ci gui ah kyak ci.

1 SHONTÄP NAK 16:5

Asaph cu ang vaihta ah tha ne, ani tawi khai ah Zechariah cu tha ci. Jeiela Shemiramoth, Jehiela, Mattithiah, Eliab, Benaiah, Obed, Edom, la Jeiela gui cu tingtäng tum ci gui. Asaph cu ng’shui tum ci,

1 SHONTÄP NAK 13:8

David la chang gui ami van naw ami k’tha avan la ne, ng’lam ne Khanpughi m’tamkhah ci gui. Ngami cu ng’äi m’cu u ne, tingtäng ni, k’hting ni ng’ceei ni, phyungheng ni cu tumkhawng ci gui.

2 GHANGPUGHANG GUI 6:1

Hnüüp ät ung Elisha ah aka ung om ciah prophet gui naw ami pyen law cu, “Kami om nak ah hmun cu yaw hta aih ci!

2 GHANGPUGHANG GUI 4:38

Hnü ät ung ami khaw avan ung ei vai maih sei Elisha cu Kilkal ah law ba ci. Ani naw prophet bum gui am thei gui yah ung, achangshäm am, k’am nu am kawm kyäng ne antui ami shon vai ah m’thein ci.

1 SAMUEL 9:12

“Ä, om ci nei,” ci u ne hnumi hta gui naw, “Akcang ah, ani cu nani ma lung ung om ci nei. Na ni yang ah ak kyang ung na ni k’pha khai nei. Gawnu kyong ah nami valuh vai am ani cu nani hmuk khai nei. Ani tuhngawi gawnu ah gawk lawk ci, a i ah kyasei ci ung chang gui naw khomhtung ah mangkiang ung khawihnah nak douthak khai gui ah kyak ci. Ami khü tu gui ah chang gui naw ani cä ah kä a gawk pha ah chuih, ei tün ne kä ei khai gui, a i ah kyasei ci ung khawihnah nak cu ani naw hriham pe ma khai. Tuhbäi nani hteh ah a kyak ung, ani ei tuk khai ah m’htung ah kä hang kai pha sei nani hmuk khai nei.”

1 SAMUEL 10:4

Ngami naw ning yavaih nak khai gui, m’htut pum goi ning pek khai gui, cun cu nang naw na dou vai.

1 SAMUEL 13:2

Saul naw chang phia thum kip ghü ci, phia m’ku cu amät ah om nak, Bethela kho gui, Macmash ah om püi gui ne, phia gha cu Benjamin pakhui ah om nak Gibeah ah a hta Jonathan awn a täng ah om sak gui ci. Ak pawih ba gui cu Saul naw ami im ah tüi ba gui ci.

1 SHONTÄP NAK 11:16

Cung yah ung David cu m’htung khan ah vongpang ung om ci, Philistin amshah gui naw Bethlehem cu tu ne khäm ci gui.

SAM 92:3

gui awn pyan ah tum khawn la ak aw nik ciah tingtäng tum ne ning m’taam cu bä aih ci nei.

1 GHANGPUGHANG GUI 18:29

Ngami cu khaw hnüüp lunglai güt m’lau ne ng’pyang ci gui; cun ung phi m’shan nak gui kä gawk lawk ci, a i k’aw phi kä ng’yak ci gui.

2 GHANGPUGHANG GUI 2:7

prophet hmakip naw Jordan ah khüt ne läk gui ci gui. Elijah la Elisha cu tuinu pei ah ng’düi ni sei, prophet hmakip cu ng’shawng pi pi ne ng’düi ci gui.