1 SAMUEL 10:3 - Cho Bible Common Language 2016

³ Nang cu cun ungka naw na hteit khai, theing ciah sing ghing ah om nak Tabor ah kä na law pha ah chuih, cun ah lam ung, Bethela pigaw ah Khanpughi am khawihnah nak douthak khai ah ana lawk ciah chang thum cu na hmuk khai. Chang tumat naw me nong thum so khai, tumat naw m’htut pum thum kawt khai, tumat naw sapyit tui be ciah ng’ip k’bah khai.

1 SAMUEL 10:3 Referans Kwoze

ATÜNNAK 35:3

Mikmi cu shin ah khaw nawng ne Bethela ah mi hteit khai nei. A cu ah ka geinvai yah ung na m’htei ne hteh nak päng ah na khah püi ciah Khanpughi ah khawih kiang ka co khai nei” cik ci.

ATÜNNAK 35:1

Khanpughi naw Jakob am, “Tuhbäi Bethela ah hteit ne na om vai nei. A cu ah kei ah hmawk ah mangkiang na cawh vai nei. Kei cu na phäi Esau nawng shüt ne na dawng yah ung ng’dang lawk ciah Khanpughi ah ka kyak ci nei” cine pyen nak ci.

ATÜNNAK 28:22

Shin ah shüm ba vai ah lung, kei naw ka ng’lin cu, nang ning khawihnah nak ah hmun ah kyak khai nei. Kei naw phi na na pek gui phung ungka bum gha bum ät cu ka ning pek khai.”

ATÜNNAK 28:19

Cun ah hmun cu Bethela ah a ming sui ci (cun ah gawnu ah aming phyim cu Luz ah kyak ci.)

SAM 89:12

Nang naw htum la siip cu na tüisho ci; Tabora la Hermon m’htung naw yeikyai ne ng’äi ning m’cu ci goi nei.

SUKI GUI 8:18

Cun kawn ah Kideon naw Zebah la Zalmunna cu ng’shi goi ci. Tabor ung nami ngawn gui ah chang gui cu a i hawk cha ang?” Ngami naw m’shang ne, “Ngami cu nag ah mäih lawk ci gui, ak chang sing cu ghangpughang ah hta ah mäih lawk ci gui.”

SUKI GUI 4:12

Sisera naw Tabor m’htung ah Bazak a hteh cu ng’ya neta,

SUKI GUI 4:6

Hnüüp ät ung ani naw, Naphtali khaw, Kedesh mang gaw ung ka Abinoam ah hta Barak cu tüi neta, “Bawipa Israel ghangpughang naw shin ah thumkhäm ning pe gui ci: ‘Naphtali la Zebulun pakhui ung ka chang phia phia la neta Tabor m’htung ah hteh püi gui vä.

JOSHUA 19:22

Khogii naw a sun pah cu Tabor, Shahazumah, la Beth Shemeh ah kya ne, Jordan ung khüt ci. Cun cu mang gaw gha lei chuk la angveing ung ah gawnu gui mah ah kyak ci.

JOSHUA 19:12

Cun cu Sarid ah vangtäng ung, a kyangtäng ungka naw, Chisloth Tabor khogii ung hteit ne, cun ungka naw Deberath ung hteit ne, Japhia ung khüt ci.

TAIGÜTHUM 23:13

Acun awn a täng ah m’htut den koi phli cu, olive situi awn k’caw ne nami pek vai. Shin ah douthak nak ah ang ui cu Bawipa naw yeikyai nak ci. Acun awn a täng ah sapyit tui um ät cun phi, douthak ne nami pek vai.

TAIGÜTHUM 7:13

Akbe nak ah ani naw k’caw awn pyan ah m’htut cu a douthak vai.

TAIGÜTHUM 3:12

Chang naw me a douthak law ah a kyak ung,

TAIGÜTHUM 3:6

Me baw, htome baw hmuhchum douthak nak ah mang vai a kyak ung, akhik phi bäi, ak hla phi bäi khai, cun ung phi kä kheihlik en khai.

TAIGÜTHUM 1:10

Chang naw a me baw, a htome baw a douthak ah a kyak ung, cun cu amca ah kyak khai, kä kheihlik en khai.

1 SAMUEL 10:4

Ngami naw ning yavaih nak khai gui, m’htut pum goi ning pek khai gui, cun cu nang naw na dou vai.

JEREMIAH 32:8

Acun ah Bawipa naw a pyen ah mäih ah, Hanamela cu mang im väng kyong ah kei ah law ne, khaw ka hleih ah kei na ng’thu püi ciah ka hmat ci.

SUKI GUI 20:18

Israel gui cu Bethela ah khawihnah nak ah hmun ung htet u neta, Khanpughi cu ng’shik ci gui, “A i pakhui naw Benjamin gui cu a tuk ma vai ang?” Bawipa naw, “Judah pakhui” cik ci.

SUKI GUI 20:27

Cun ah ung Khanpughi ah Thukhän M’küm cu Bethela ung om ci. Aaron ah tu, Eleazar ah hta Phinehas cu acun ngäng m’htei ciah kyak ci. Chang gui naw Bawipa ng’shi ba u ne, kami nau Benjamin gui cu kami tuk ba vai ang, käcung kami m’lung k’si vai ang?” cik ci gui. Bawipa naw, “Tu gui vä. Ngami ung kei naw ngami ah khan ah näng nak ka ning pe gui khai nei” cik ci.