1 SAMUEL 10:27 - Cho Bible Common Language 2016

²⁷ Cun ung phi chang pyawipye gui naw, “Shin ah mi mät ah mäih chang naw a i hawi ah akni na bi pe gui hning khai aw?” cik ci gui. Ngami naw Saul cu päipih u ne, m’cümhnah nak a i phi kä law püi ci gui.

1 SAMUEL 10:27 Referans Kwoze

THULÄÄN NAK 13:13

Nami pakhui ungka kä chang chu ciah chang amshah naw ami gawnu ung om ciah chang gui cu, kä nami khawihnah man ah khanpughi gui, khawihnah tuk khai ah lam she m’shüm khai gui.

2 SHONTÄP NAK 17:5

Bawipa naw Jehoshaphat am Judah uknak khaw akpan nak vai cu pe ci, chang avan naw m’cümhnah nak thak law ci gui, cun ah kyasei ani cu khawh mah lawk ci, ak hlüng ah m’tamkhah ci gui.

1 GHANGPUGHANG GUI 10:25

Lawk ciah chang phung naw m’cümhnah nak law püi ci gui — ngui ni ghui ni, suinu gui, likhim gui, tui ng’ui gui, ng’se la, laa gui pe lawk ci gui. Akum tä sei acun ah pe lawk ci gui.

1 SAMUEL 2:12

Eli ah hta gui cu chang sawkshe gui ah kyak ci. Ngami naw Bawipa cu a i ah kä sui ci gui,

LAMKTU 7:35

Moses cu Israel chang gui naw ami hnu nak ah chang ah kyak ci. Ngah mi naw, “Keimi na uk gui neh na na ng’thumcha gui khai ah a u naw a ning m’düih ang?” cine, ng’shik ci gui. Ani cu chang gui uk gui neh mei ah däi ciah k’plup ung dang ciah khankho chang ah bi nak püi awn, ak chang gui k’phiawn gui khai ah Khanpughi ah tüih ah kyak ci.

ISAIAH 36:21

Chang gui cu düm ah om ci gui, ghangpughang Hezekiah naw am cäi gui ah mäih ah; thu m’khä ät phi kä pyen ci gui.

SAM 72:10

Spain la khohmun ghangpughang gui naw m’cümhnah nak pe lawk khai gui. Sheba la Seba ghangpughang gui naw khawihnah nak pe lawk khai gui.

SAM 38:13

Kei cu ak pang ah mäih ah kya ne, a i kä ka ng’yak ci, ak ang ah mäih ah kya ne, kä ka ng’thu thei ci.

2 SHONTÄP NAK 13:7

Cun kawn ah ani naw chang omshe gui cu k’bum gui sei, ngami naw Solomon ah hta Rehoboam cu ami ng’yak hlü ah bi sak u sei, ani cu nong yah ne a i kä buiawt man ci kya ne kä m’khüt gui ci.

1 GHANGPUGHANG GUI 4:21

Solomon ah uknak khaw ung Euphratis tuinu ungka naw Philistia la Egypt khawgi ung khüt ciah pakhui khaw avan ah kyak ci. Ngami naw ani am khaw phlam pe u ne, ani a ghin ah chuih a uknak ka ah om ci gui.

2 SAMUEL 20:1

Cun yah ung Gilgal gawnu ah Benjamin pakhui Bikri ah hta, Sheba ming nak ciah chang om k’she tumat om ci. Ani naw phyung puuk tum ne, khü gui ne, “David yu ng’kia sä! Mikmi naw kä mi läk khai nei! Israel chang gui, mi om ah mi hteit ba khai nei!” cik ci.

2 SAMUEL 8:2

Cun kawn ah Moab chang gui hnim gui ci. Ani naw thawng kyum gui cu m’dek ung ng’yän sak gui neta thum ungka hnih ci laih laih ngawn gui ci. Cun ah kyasei Moab chang gui cu ak chang ah kya u ne, phlam phi ani am pek ci gui.

1 SAMUEL 11:12

Israel chang gui naw Samuela am, “Saulu cu mi ghangpughang ah kä kyak khai ah pyen ciah chang a u ang a om ba? Keimi am na ap gui vä, keimi naw kami ngawn gui khai nei!

MATTHE 2:11

Ngahmi cu im kyong ah va lut u netah, ak hmawhta cu anu Mari awn atäng ah hmuk ci gui. Cun kawn ah ngami cu m’khuukdoong ne kaup u netah, ami law püi ah ghui ni, Frankinsen tui ng’ui ni, mura tui ng’ui ni gui awn khawihnah ci gui.

1 SAMUEL 11:13

Cun ung phi Saul naw, “Tuhngawi hnüüp ung a u phi kä ngawn vai nei, tuhngawi cu Bawipa naw Israel gui a hun nak ah ka kyak ci nei.”

1 SAMUEL 16:20

Jesse naw a hta David cu me’hta tumat, m’htut be sei taih ah la lah, sapyit tui be ciah meh vun ng’ip law püi sak ne, Saul ah tüi lawk ci.

1 SAMUEL 25:17

Shin ah mawng, na bä ni, ngaih-tüh neta, a i bi vai k’bäi ä. Shin naw mi bawi la akyong chang gui cu khüikha sak hning ci nei. Ani cu ling aih ci kya ne a u phi kä ngai ci!”

1 GHANGPUGHANG GUI 5:1

Tire ghangpughang Hiram cu ang’täi sei David ah teihpüi ah kyak ci. Ani naw Solomon cu apa David ah hnün ung ghangpughang ah kya ne a ngoh ba cu ng’ya neta, ng’khawt nak ng’shä tüi lawk ci.

THUSHÄUTU 7:21

Chang ah ng’thu päng geing na ne kä na ngaih vai, — na changshäm ah päipih nak ng’thu phi na ng’ya hning ci,