1 SAMUEL 10:26 - Cho Bible Common Language 2016

²⁶ Saul cun phih Gibeah a im ah hteit ba ci. Huham ah ciah chang amshah gui cu Khanpughi naw ami m’lung tawn pe gui sei, ani awn atänga hteit tuk ci gui.

1 SAMUEL 10:26 Referans Kwoze

1 SAMUEL 11:4

Ami chang tüih gui cu Saul ah om nak Gibeah ah gawk law u ne, a mawng cu m’thein gui u khäta chang gui cu om k’she ne kya ci gui.

1 SAMUEL 15:34

Cun kawn ah Samuela cu Ramah ah hteit ba ci, Saul ghangpughang cu Gibeah a im ah hteit ba ci.

JOSHUA 18:28

Zela, Haeleph, Jebus (käcung Jerusalem), Kibeah, la Kiriah Jearim; mang gaw gha lei phli la angveing ung ah gawnu gui mah ah kyak ci. Shin cu Benjamin pakhui kyongchang gui naw ami kaa nak vai ah ami gah ah khaw ah kyak ci.

LAMKTU 13:48

Cun ah thu cu changpakhui hei gui naw ng’ya u netah yeikyai u ne, Bawipa ah thu ni cu m’hlüng tai ci gui. Ang täi ghin nak gah khai gui ah a ghü gui naw Bawipa Jesuh cu yum lawk ci gui.

LAMKTU 7:10

Cun ung phi ani cu Khanpughi naw a täng ah om püi neh, gein vai nak gui ung ka, phiawn sak ci. Josef cu Egypt ghangpughang ah ma ah a gawk law ung Khanpughi naw a hmai kiang sak neh hmuh hmat nak phi pek ci. Cun ah kya sei ghangpughang naw ani cu, Egypt khaw ung bawi ng’vaipi la gawnu mang ah k’hmoh ci.

SAM 110:3

Na ga gui na tuk gui hnüüp na chang gui naw ning düih püi khai gui. Khongawi k’siik ung khüi toi ah mäih ah, khom’htung theing ung na chang nong gui naw ning law nak khai gui.

2 SAMUEL 21:6

Cun ah kyasei ani ah hta ng’shon pami chih na ap gui ä, Bawipa ah ghü ah ghangpughang, Saul ah gawnu, Gibeon ung Bawipa ah ma ah kami m’awh gui khai nei” cik ci gui. Ghangpughang naw, “Ka ning ap gui khai nei” cik ci.

SUKI GUI 20:14

Benjamin khaw mang gaw avan ung ka gui cu Kileah ah law u ne, a hei Israel chang gui cu tuk gui vai ah pawng ci gui.

EZRA 1:5

Cun kawn ah Judah la Benjamin pakhui ung ami pahta ng’vai gui, Taigü gui, Levit gui la Khanpughi naw ami m’lungkyong ung ang dang na gui cu hteit ge u ne, Bawipa ah Taigüim cu Jerusalem ung co khai gui.

1 SAMUEL 13:2

Saul naw chang phia thum kip ghü ci, phia m’ku cu amät ah om nak, Bethela kho gui, Macmash ah om püi gui ne, phia gha cu Benjamin pakhui ah om nak Gibeah ah a hta Jonathan awn a täng ah om sak gui ci. Ak pawih ba gui cu Saul naw ami im ah tüi ba gui ci.

ISAIAH 10:29

Ngami cu k’hteng kau law une, Keba ung mü ip ci gui! Ramah gawnu ung om ciah chang gui cu kyih aih ci gui, Gangpughang Saul ah gawnu Kibeah ung om ciah chang gui cu a hei ah dawng ci gui.