1 SAMUEL 10:1 - Cho Bible Common Language 2016

¹ Cun kawn ah Samuela naw, Olive situi um cu la ne, Saul ah alu shawi ne, ani cu ng’ui neta, “Bawipa naw nang cu ak chang Israel gui uktu ah ning phyuh theh ci nei. Nang naw ani ah chang gui cu uk gui ne, ami ga avan ung na shung vong gui vai. Shin cu Bawipa naw ak chang gui uktu ah a ning ghü ah mawng sak si m’dang nak ah kyak ci nei.

1 SAMUEL 10:1 Referans Kwoze

1 SAMUEL 16:13

Samuela naw olive-situi cu la neta, David cu aphäi gui ah ma ung phyuh theh ci. Ang ghit ah Bawipa ah mümcha naw David cu k’pang ci, cu hnüüp ung tüi ne ani cu om püi ci. Cun kawn ah Samuel cu Ramah ah hteit ba ci.

SAM 78:71

Israel ghangpughang ah hmoh ne, Khanpughi ah chang gui ah htoshäm ah m’düih ci.

1 SAMUEL 9:16

am “Ngawi ung a tuhbäi chü, Benjamin pakhui ung ka chang tumat ka ning tüih lawk khai, ani cu Israel chang uktu ah na phyuh theh vai nei, ani naw Philistin gui ung ka phyawn gui khai nei. Kei naw ka chang gui ah gein vai nak cu hmu ne, m’htei gui vai ah ami kyah cu ka ng’yak ci nei.”

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

LAMKTU 13:21

Cun kawn ah ami ghangpughang vai ng’yoi u khä tah, Khanpughi naw Benjamin pakhui, Kisha ah htapa Soul cu khokum phli-kip ung ghangpughang ah kyak khai ah m’düih pe gui sei ani, maw kho kum phli-kip ung uk ci.

1 SAMUEL 26:11

Bawipa naw am düih ah ghangpughang cu kei naw kä ka ngawn vai ah Bawipa naw na ma nak ci nei! Ak htei la a tui um la neta ni hteit ba kaw” cik ci.

THULÄÄN NAK 32:9

Cun ung phi Jakob ah htangshon gui cu, amät ah hmawk ah ghü gui ci.

2 GHANGPUGHANG GUI 20:5

Bawipa ah chang gui uk ciah Hezekiah ah va hteit ba ne, na pyen nak vai, “Kei, Bawipa, na pughi David ah Khanpughi naw na taigü cu ng’ya ne na ng’phli tui cu ka hmuk ci nei. Kei naw ka ning gai sak khai, a hnüüp thum ung nang cu Taigüim ah na hteit khai.

2 GHANGPUGHANG GUI 9:1

Cun yah ung prophet Elisha naw chang nong prophet cu khü neta a pyen nak cu, “Pawng ne, Kilead kho Ramoth ah hteit ä. Shin ah oliv-situi k’am hteh püi ä,

THU PHLAAN 5:8

Cun ah a lak vai-am khiküi paphli la aghaampa m’ku-lei-phli cu, htomehta ah maa ah kawp yawp u ne, ak chang sing naw tingtäu bäng bäng la Khanpughi ah chang gui ah taigü nak ah kya ciah tui ng’uui awn be ciah ghui eikbei gui cu kawt sek sek u netah,

HEBRU 2:10

Apäng avan tüisho ngäng bom ciah Khanpughi naw, a hta akda gui am abäkhäk nak, a teipai nak gui ah, geinvai nak a aut sak nak awn Bawipa Jesuh cu kümbe sak ci. Cun ah Khanpughi naw a bi cu düng ci, a i ah kyasei ci ung cun ah chang gui hun nak ah hteh püi gui ci cu, Bawipa Jesuh ah kyak ci.

1 THESSALONIAN 5:26

Khritha phäi nau avan cu yum nak awn ng’ui ne yavaih nah vä.

HOSEA 13:2

Ngami naw khawihnah vai ah ngui agup gui cu pyang u ne, kat nak cu k’pang lä ci gui — ngui agup gui cu hnicim chang naw am lung awn ngaih-tüh ne akut awn apyan ah kyak ci. Cun kawn ah ngami naw pyen u ne, “Shin gui am khawihnah nak douthak vä. Shin ah agup gui a i hawkcha ah chang naw m’hnam gui khai aw? Vantang ah müi gup gui!

JEREMIAH 10:16

Jakob ah Khanpughi cu cun gui ah mäih ah kä kyak ci; ani cu apäng tüipyang ciah tumat nei, ani naw Israel gui cu amät ah chang tu k’cang ah ghü gui ci, m’gäi ciah Bawipa cu ani ah ming nei.

SAM 135:4

Ani naw amät ah hmawk ah Jakob cu ghü ne, Israel chang gui ci kaa na gui ci.

1 GHANGPUGHANG GUI 19:18

Cun ung phi kei naw Israel ung chang phia chih kip cu ka ghin sak gui khai — ngami ami van cu kei ung bekhüt u ne, Baala ma ung kä kawp ci gui, ani ah a gup kä ng’ui hnam ci gui ah kyak ci.”

2 SAMUEL 19:39

Cun kawn ah David la a chang gui ami van naw Jordan tuinu hei kat ci gui. Ani naw Barzillai cu ng’ui ne, hriham pek sei, Barzillai cu a im ah hteit ba ci.

2 SAMUEL 5:2

Ayanä, Saul cu kami ghangpughang ah akiak yah ung phi, ng’tuk nak ung Israel chang gui ah ma na tawn ci, Bawipa ah a shaitak cu, nang naw achang gui cu na chuiso gui khai, ami uktu ah na kyak khai.”

1 SAMUEL 24:6

ani naw ak chang gui am, “Bawipa naw ka bawi ah khan ah nat nak kä ka bi vai ah na k’pang ci, ani cu Bawipa naw ghangpughang ah a ghü ah kyak ci! Kei naw ani api ah phi kä ka nat sak khai, ani cu Bawipa naw a ghü ah ghangpughang ah kyak ci!”

1 SAMUEL 13:14

Cun ung phi tuhbäi nang ah uknak cu kä ng’täi khai. A i ah kyasei ci ung nang naw ani kä na ngai ci. Bawipa naw ang yak hlü ah chang cu shui khai, cun kawn ah ak chang gui uktu ah pyang khai” cik ci.

1 SAMUEL 8:19

Chang gui naw Samuel cu a i ah kä sui ci gui, ngami naw, “Ka, Ghangpughang kami ng’za

1 SAMUEL 8:9

Cun ah kyasei ngai gui ä, ami ghangpughang naw a i hawi ah a om püi gui vai ah mawng cu m’thein gui ä.”

1 SAMUEL 2:10

Bawipa ah gaa gui cu dishum khai gui; Ani naw khan ah ka naw hmun kyeek awn hnu ng’tuk püi gui khai. Bawipa naw khaw ng’lei avan m’khoi chak khai; ani naw a ghangpughang huham pek khai, ani naw a ghü ah ghangpughang cu näng m’khüt sak khai.”

PHYAWN NAK 30:23

“Ni pikbäih ciah ang ui cu na lak vai. Mura tui pawng 12, tuihlim ciah sing ui pawng 6, tuihlim ciah m’htubei pawng 6,

1 SAMUEL 9:27

Ngami cu gaw m’lawi ah gawk law ni neta, Samuel naw Saul am, “Changshäm cu ma ne ana hteh vai ah m’thein ä” cik ci. Changshäm cu hteit khäta, ani naw m’dün ne pyen ba ci, “Shin ung a shäng hta om cang ä. Khanpughi naw a i a pyen cu ka ning m’thein khai.”

1 SAMUEL 12:3

Shin ung ka om ci. Hma nak ka bi a om ah a kyak ung, Bawipa la ani ah ghü ghangpughang ma ah kei cu na chah vä. Kei naw chang ah sei, chang ah la, ka lak om man ne ang? Kei naw chang aka m’hteihlak ka yawshe nak om man ne ang? Chang tumat mat ah ng’mü khawh ka dou om man ne ang? Cun ah mäih gui ka bi a om ah a kyak ung, kei naw ka lak phung cu ka m’thung ba yawp khai nei.

1 SAMUEL 15:1

Samuela naw Saul am, “Israel gui ah ghangpughang ah na kyak khai ah, nang cu ka ning m’shumphyuk khai ah, kei cu Bawipa naw a na tüih law ah kyak ci. Tuhbäi Bawipa Akhlüngtai naw a i a cicu ngai ä.

1 SAMUEL 16:1

Bawipa naw Samuel am, “Saul ah phäh ah a i güt na cäi ng’ä khai ang? Israel ghangpughang ung ka, kei naw ka hnu na pyi ci nei. Cun ung phi tuhbäi oliv-situi la ne Bethlehem ah hteit ä, Jesse ming nak ciah hteit ä, a i ah kyasei ci ung, ani ah hta gui ung ka tumat cu ghangpughang vai ah kei naw ka ghü ci nei” cik ci.

1 SAMUEL 26:9

Cun ung phi David naw, “Nang naw ani kä na hnim vai! A ghü ah ghangpughang hnim cicu Khanpughi naw akcang ah m’kyuk ci.

2 SAMUEL 1:14

David naw ani am, “Khanpughi naw a ghü ah ghangpughang ngawn vai ah a i hawkcha ah na gäng tha lawk ci ang?” cik ci.

1 GHANGPUGHANG GUI 1:34

A cu ah ani cu Israel ghangpughang ah kyak khai ah Zadok la Nathan naw phyuh theh khai goi. Cun kawn ah phyungheng tum ne m’lau khai gui. “Solomon ghangpughang cu akshou ghing sä!”

EZEKIEL 16:13

Nang naw ghui la ngui awm pyan gui la cheipai awn cüiche ah linen la pä sui gui cu aphlüt ah na sui ci. Nang naw m’htut den akni pi awn pyan ah m’htut cu ei ne, khoitui la Oliv-situi phi na ei vai om ci. Nang ah kyom nak cu vai ci, nang cu ghangpughangnu ah na kya lawk ci.

1 SAMUEL 15:17

Samuela naw, “Namät naw namät kä küikyang ciah na ngaih ung phi, nang cu Israel pakhui ah ng’vai pi ah na kyak ci,

2 SAMUEL 20:19

Kami mang gaw cu akdämduh ah kyak ci, Israel khaw ung ak ding gei pi la abekhüt pi k’bäih ah kyak ci. A i ah kyasei cu m’di vai ah na tha nak ang? Bawipa ah a ka cu adi vai na ng’ya hlük ci ma?” cik ci.

2 GHANGPUGHANG GUI 9:12

Ngami naw, “Ka nei, kä kami hmat ci, ani naw a i a pyen cu na m’thein gui ä!” cik ci gui. Ani naw a na m’thein cu, kei naw nang cu Israel ghangpughang ah ka ning phyuh theh vai, Bawipa naw ng’shäu ci.”