1 SAMUEL 1:3 - Cho Bible Common Language 2016

³ Akum tä sei Elkanah cu Ramah ah ka naw Shilon ah hteit ne, Bawipa a hlüngtai cu khawihnah ne khawihnah nak phi douthak ci. Acu ah Eli ah hta goi, Hophni la Phinehas cu Bawipa ah taigüpa ah

1 SAMUEL 1:3 Referans Kwoze

LUKA 2:41

Bawipa Jesuh ah anu la apa cu phiawn nak pawi akhin päng ung akum tä sei, Jerusalem ah hteit ci ci goi.

JOSHUA 18:1

Ngami naw khaw tu ne ami khäm kawn ah Israel chang bum avan cu Shilon ung bum u neta, Bawipa ah om nak ah Phung co gi gui.

PHYAWN NAK 34:23

“Kum ät ung thum vei, pami avan law ne nami na khawihnah law vai. Kei, Bawipa, Israel Khanpughi nei.

PHYAWN NAK 23:14

“Kei nami na m’taam nak ah khaw kum ät ung, mang ei pawi thum vei nami bi vai.

1 SAMUEL 1:21

Akhin gawk law ba ci, Elkanah la akyong ung ka gui cu, Shilon ah hteit ne, khokum khawihnah nak cu Bawipa am douthak u ne, ani naw shai a tak ah abä pi ah khawihnah nak phi ap ci gui.

1 SAMUEL 1:9

Hnüüp ät ung Shilon ah Bawipa ah im ung ngami cu ei ami ei kawn ah, Hannah cu tho lawk ci. Ani cu thüi aih neta, akha ah kyap ne, Bawipa ah taigü ci. Cun yah ung, Taigüpa Eli cu m’kawt pei ah, a ngoh nak ung ngok ci.

THULÄÄN NAK 16:16

“Nami pakhui khaw ung chang avan cu Bawipa khawihnah vai ah khawihnah nak ah hmun tumat ung kum ät ung thum vei nami law vai nei. Cun gui cu Phyawn nak Pawi, Geit Khäm Pawi la Ng’yii nak Pawi ah kyak ci. A chang sing naw m’cümhnah nak tumat ci a law püi vai.

SUKI GUI 18:31

Shilon ung Khanpughi khawihnah nak ah phung a om ah chuih, Mikah ah a gup cu om lä ci.

SAM 78:60

Ani naw Shilon ah a phung cu nawng shüt ci, cun cu a om nak püi gui te ah im ah kyak ci.

1 SAMUEL 4:11

Khanpughi ah Thukhän M’küm cu gut gui ci gui, Eli ah hta goi Hophni la Phinehas cu ani nik hnih ngawn goi ci gui.

1 SAMUEL 4:4

Cun ah kyasei ngami naw Shilon ah ng’shä tüi u ne, Hlüngtai ciah Bawipa ah Thukhän M’küm cu lak ci gui. Tüiküi ng’phia mah gui ah khan ah mang kyang ung ngok ci. Eli ah a hta goi, Hophni la Phinehas cu Thukhän M’küm ung ng’gui ne law tuk ci goi.

1 SAMUEL 3:13

Kei naw ani am ka m’thein pyi ci, kei naw ani ah kyongkhui cu angtäi sei ka m’kyuk lawk khai. A i ah kyasei ci ung ani ah hta gui cu akshe ah ng’thu ne, kei na hnu ng’tuk püi ci gui. Eli naw cun ah ami bi cu hmat ci, cun ung phi kä m’cing gui hlawt ci.

1 SAMUEL 2:34

Na hta goi Hophni la Phinehas cu hnüüp ät ung a täng ah ani sih ah a kyak ung, acun naw kei ah ka pyen phung a bä nak cu m’dang khai.

PHYAWN NAK 23:17

A kum tä sei shin ah pawi thum ung nami chang avan cu law ne, Bawipa nami na Khanpughi cu nami na khawihnah vai.

SUKI GUI 21:19

Cun kawn ah ami ngaih cu, “Shilon ung akum tä bi ah Bawipa ah pawi cu gawk law ge ci nei.” (Shilon cu Bethela ah asiip, Lebanah ah a htum, Bethela la Shekhem ah ng’lak lam ah akiang ah kyak om ci.)

1 SAMUEL 2:19

linen masui sui ci. A kum tä sei ani naw, acei naw khokum khawihnah nak douthak khai a law päng ung law tu neta, suinu akyaw ah pyang ne thak law ci.

1 SAMUEL 14:3

(Shawi phaw kawt ciah taigüpa cu Ahijah ah kyak ci, ani cu Ichabod ah phäi Ahitub ah hta ah kyak ci, Ahitub cu Phinehas ah hta Eli ah tu ah kyak ci, Eli cu Shilon ung Bawipa ah taigüpa ah kyak ci.) Jonathan a hteh cu chang gui naw kä hmat ci gui.