1 SAMUEL 1:26 - Cho Bible Common Language 2016

²⁶ Hannah naw ani am, “Saya, na ngaih pe ä. Kei cu na na shüm ba ne ang? Kei cu shin ung düi ne Bawipa ah taigü ngä sei, na na hmuh ah hnumi nei.

1 SAMUEL 1:26 Referans Kwoze

2 GHANGPUGHANG GUI 4:30

Hnumi naw Elisha am, “Kei naw ka bekhüt nak ah ghing ciah Bawipa la nang ung ka ng’khän ci nei, nang kä na hteh tu ung kei kä ka hteit ba khai!” cik ci. Cun ah kyasei ngani cu a täng ah hteit ci goi.

2 GHANGPUGHANG GUI 2:6

Cun kawn ah Elijah naw Elisha pyen nak ci, “Tuhbäi shin ung om shüt ä; Jordan tuinu ah ka hteh vai ah Bawipa naw ng’thu nak bäi ci nei.” Elisha naw, “Ka bekhüt nak ah ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu hteit u sei,

2 GHANGPUGHANG GUI 2:4

Elijah naw Elisha aw, “Tuhbäi shin ung om shüt ä; Jerikho ah ka hteh vai ah Bawipa naw thu nak bäi ci nei” pyen nak ci. Cun ung phi Elisha naw, “Ka bekhüt nak la ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu Jerikho ah hteit ci gui.

2 GHANGPUGHANG GUI 2:2

Lam ung ani hteh sang ung Elijah naw Elisha a pyen nak cu, “Shin ung tuhbäi ana om mä; Bawipa naw Bethela ah ka hteh vai ah ng’thu nak bäi ci nei.” Cun ung phi Elisha naw, “Ka bekhüt nak ah ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu Bethela ah hteit ci gui.

2 SAMUEL 11:11

Uriah naw, “Israel la Judah chang gui cu a shaw nak ah ng’tuk bik ci gui, thukhän m’küm cu ngami awn a täng ah om ci; ka gabawi Joab la a bawi gui cu khaw häu ung om ci gui. A i hawkcha ah kei ka im ah hteit ba ne, ei ne aw ne ka chu awn ip düt ne ka om khai aw? Theing cim ciah avan awn, cun ah mäih kei naw kä ka bik khai cine ka ng’gun ci nei!” cik ci.

1 SAMUEL 20:3

Cun ung phi David naw, “Nang naw kei a i hlawk ah na na m’hni cu na pa naw hmat ci, a bi vai a pawng püi cu kä na hmat tu vai ah ani naw k’bäi ci nei, a i ah kyasei ci ung nang ang htei ah na thüi khai kiasei. Ghing ciah Bawipa ung ng’tam ne ka ning pyen nak cu, kei sih nak ung ka gawk vai m’khan ät bäng nei hlü ba ci!”

1 SAMUEL 17:55

David naw Koliath tuk khai ah a hteh cu Saul naw hmu neta, gabawi, Abner cu ng’shik ci, “Abner, Ani a u ah hta ang?” Abner naw, “Bawi Mang, kä ka hmat ci nei” cik ci.

2 SAMUEL 14:19

Ani naw hnumi am, “Joab naw ning m’cäi naw?” cik ci. Hnumi naw, “Theing cim ci avan awn ka ng’gun ci nei, bawi mang aw, na na ng’shi kä ning m’shang ne hlawi nak vai ah lam kä om ci nei. Akcang ah a i bi vai la a i pyen vai ah na m’cäi cicu na bawi Joab ah kyak ci nei.

ATÜNNAK 42:15

Tuhbäi nangmi ning m’nüm nak gui ah ghangpughang ah ming awn ning khen gui ah kyak ci, nami nau a hmawpi kä a gawk law ung kä nami hteit ba khai.

1 SAMUEL 25:26

Na ga gui ah khan ah phu tu ne, na ngawn nak gui vai ung ka, Bawipa naw ning k’pang ci nei. Ghing ciah Bawipa ung aktung ah ka pyen cu na ga gui la nang ning hnim hlük ci gui avan cu Nabala ah mäih ah m’kyuk nak gah khai gui nei.

1 SHONTÄP NAK 4:10

Cun ung phi Jabez cu Israel Khanpughi ah taigü ci, Khanpughi aw, hriham na peä, khaw akda na peä. Kei cu a täng ah na om püi ne, na natsak khai ah akshe phung ungka na shung vong ä. Ani ah ak taigü cu Khanpughi naw ngaih pek ci.