1 SAMUEL 1:23 - Cho Bible Common Language 2016

²³ Elkanah naw, “Bä khai, ni pi khai ah na ngaih ah na bi vai nei; Tui tui na tu ah chuih im ah na om püi vai nei. Bawipa naw na shaitak cu bä khai ah bik khai nei. Na shaitak cu akcang ah bä khai ah Bawipa naw bi sä,” cik ci. Cun ah kyasei Hannah cu im ah om ne ak hmaw m’htei ci.

1 SAMUEL 1:23 Referans Kwoze

2 SAMUEL 7:25

Tuh bäi, Bawipa Khanpughi naw, kei la ka hta ng’shon ah mawng na shaitak cu ak phlüt ah na be sak ci, na pyen ah mäih ah na bik ci nei.

LUKA 11:27

Bawipa Jesuh naw, cun ah am cäi gui kawn ah chang khli ah ng’lung ung kaa hnumi tumat naw, “Nang ning hta na ne, ning m’ghin ciah hnumi ah khan ah yeikyai nak om sä” cik ci.

MATTHE 24:19

Cun ah akhin ung käumah ci gui la htayüt shäm ci gui cu yaica khai gui nei.

ISAIAH 44:26

Cun ung phi kei ah ka chang shäm naw cängbang nak abi ah a kyak ung, kei ah ka pawng püi gui m’than khai ah ng’shächang ka tüih ah a kyak ung. Cun ah pawng püi nak gui la cängbang nak gui cu akcang ah kyak khai ah kei naw ka bik ci. Kei naw ka m’thein gui ci. Jerusalem ung chang gui om ba khai gui, Judah mang gaw gui co ba khai gui. Cun ah mang gaw gui cu didam nak ung ka, Tho law ba khai gui.

SAM 22:9

Nang naw kei cu akni ah na na ng’tüi sak ci, ka zit hta nah ung na na m’htei ci.

1 SAMUEL 1:17

Eli naw, “Dimdeeih nak awn hteit ä, nang naw na k’thäh cu Israel Khanpughi naw ning pe sä,” cine m’shang ci.

KHEI NAK 30:12

Cun ung phi a cei naw a cun ng’ya tu neta, ang khäntam naw akpan vai kä hlü ci. Bawipa naw ani cu m’geinsei khai, a i ah kyasei ci ung, ang khäntam nak akpan nak vai ung ka, acei naw a shungvong pyi ah kyak ci.

1 SAMUEL 14:36

Saul naw ak chang gui am, “Mü ung mi hteit ne Philistin gui cu mi tu gui khai nei, khaw kä a thaih pha a chuih mi tu gui u ne, mi ngawn gui yawp khai nei. Ngami naw, “Nipi khai na ngaih phung cu na bi vai nei” cik ci gui. Cun ung phi taigüpa naw, “Khanpughi mi shi thäh cang khai nei” cik ci.

1 SAMUEL 14:40

Cun kawn ah Saul naw ngami am, “Nangmi nami van cä ah nami ng’düih vai, kei la Jonathan cu shi ah ka ni düi khai” cik ci. Ngami naw, “Ni pi khai ah na ngaih phung cu na bi vai nei” cik ci gui.

1 GHANGPUGHANG GUI 3:21

A ngawi ung khawngawi kei ng’shüm law ne, ka tuihta ka tu law vai ung, ak hmaw cu aksi ah kyasei ka hmuk ci. Kei naw m’htei ne teng neta ka hta ah kä kyak ciah ka hmu lawk ci.”