1 SAMUEL 1:22 - Cho Bible Common Language 2016

²² Cun ung phi cun ung Hannah kä hteit tuk ci. Ani naw a cei am, “Ak hmaw tui tui kä a awk ba vai am, ani cu Bawipa ah im ah ka hteh püi khai, a ghin ah chuih a ca om khai,” cik ci.

1 SAMUEL 1:22 Referans Kwoze

1 SAMUEL 1:28

Cun ah kyasei kei naw Bawipa am ka ap ci. Ani a ghin ah chuih, ani cu Bawipa naw khäm khai” cik ci. Cun kawn ah ngami naw a cu ah Bawipa cu khawihnah ci gui.

1 SAMUEL 1:11

Hannah naw akthuuk ah shaitak ci: “Ak hlüngtai Bawipa, na teng ä, na changshäm! Ka khüikha nak cu na hmuh pe ne, na shüm ä! Kä na m’hnih ä! Htapa na na pek ah a kyak ung, a ghin nak avan cu nang am ka ning ap khai ah shai ka tak ci nei, ani naw a lusam cu kä at phung khai nei.

LUKA 2:22

Moses ah thukhän ah mäih ah theingcim nak bi vai akhin gawk lawk ci kyasei, ak hmawhta cu Mari la Josef naw Jerusalem ah law püi ni ne, Taigüim ah Bawipa am ap ci goi.

1 SAMUEL 3:1

Cun yah ung ak hmaw Samuel cu Eli ah ka ung om ne Bawipa ah bi bik ci, a cu ah Bawipa ung ka lawk ciah ng’thu ken ci, ani ung ka lawk ciah muimang phi apihta ah kyak ci.

1 SAMUEL 2:18

Cun yah ung ak hmaw Samuel cu Bawipa ah bi bi gäk gäk ci. Ani naw theing ciah

1 SAMUEL 2:11

Elkanah cu Ramah pigaw a im ah law ba ci, cun ung phi ak hmaw Samuel cu Shilon ah om shüt ne, taigüpa Eli ah ka ah om ne, Bawipa ah bi bik ci.

THULÄÄN NAK 16:16

“Nami pakhui khaw ung chang avan cu Bawipa khawihnah vai ah khawihnah nak ah hmun tumat ung kum ät ung thum vei nami law vai nei. Cun gui cu Phyawn nak Pawi, Geit Khäm Pawi la Ng’yii nak Pawi ah kyak ci. A chang sing naw m’cümhnah nak tumat ci a law püi vai.

TAIGÜTHUM 25:23

Nami khaw cu chang naw a khäm vai ah kä nami yoih vai, a i ah kyasei ci ung cun cu nangmi ah kaa ah kä kyak ci, Khanpughi ah kaa ah kyak ci, nangmi cu shin ah khaw ami bi tu sak ah khaw hei chang ah mäih ah nami kyak ci.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

SAM 110:4

Bawipa naw ang müi ah shai tak ci, cun cu kä m’hnawn ba khai: “Nang cu Melchizedek ah taigü ng’län ung angtäi sei taigü ah na kyak khai.”

SAM 27:4

Kei naw a mawng tumat Bawipa ah ka ng’zoi ci, Tumat bäng ka ng’yak hlü ah kyak ci: Cun cu Bawipa ah im ung ghin ah chuih ka om vai la ani nak ung cäicat ne, alam shüm nak ka hmuh vai ah kyak ci.

SAM 23:6

Na ni nak la na m’hni nak cu ka ghin nak avan ung om ciah ka hmat ci; Bawipa ah na ghui im ung kei cu angtäi sei ka om khai nei.

JOSHUA 4:7

Bawipa ah Thukhän M’küm naw tuinu a kan yah ung, Jordan tuinu cu alon nak ung ng’düm ci, cine nami m’thein gui vai. Shin ung a i ah kya te ci, cicu shin ah lung gui naw Israel chang gui am angtäi sei m’shüm thein khai gui.”

PHYAWN NAK 21:6

ani cu a bawi naw khawihnah hmun ah hteh püi ne, acu ah m’kawt, kä cung m’kawt law hnu na ne ng’düih sak neta, ak hnga a vüh pek vai, ani cu a ghin ah chuih changshäm ah kyak khai.

1 SAMUEL 13:13

Samuel naw, “Cun cu ak ang ah ngaih-tüh ne bi ah kyak ci,” cik ci. Bawipa nami Khanpughi ah ning pek ah thumkhän cu kä na läk ci. Na läk vai sü ung, nang la na hta ng’shon gui cu ngawi yä Israel nami uk khai ah ning chuiso gui khai sü te.

1 SAMUEL 28:2

David naw, “Ä za, kei cu na na changshäm ah ka kyak ci, kei naw a i ka bi hning cu nang naw na hmuk khai nei” cik ci. Achish naw, “Bä khai, kei naw nang cu kei na ngäng ciah gabawi ah angtäi sei ka ning tha khai” cik ci.