1 SAMUEL 1:19 - Cho Bible Common Language 2016

¹⁹ A ngawi ung kho ngawi Elkanah la akyong ung ka gui cu hang kai ngawi u ne, Bawipa ami khawihnah kawn ah, Ramah, ami im ah hteit ci gui Elkanah cu akchu Hannah awn ng’yaw ni neta, Bawipa naw ani ah k’taigü cu m’shang ci.

1 SAMUEL 1:19 Referans Kwoze

ATÜNNAK 21:1

Bawipa naw a shaitak ah mäih ah Sarah cu hriham pe sei,

1 SAMUEL 1:11

Hannah naw akthuuk ah shaitak ci: “Ak hlüngtai Bawipa, na teng ä, na changshäm! Ka khüikha nak cu na hmuh pe ne, na shüm ä! Kä na m’hnih ä! Htapa na na pek ah a kyak ung, a ghin nak avan cu nang am ka ning ap khai ah shai ka tak ci nei, ani naw a lusam cu kä at phung khai nei.

ATÜNNAK 30:22

Cun kawn ah Khanpughi naw, Rachelah cu shüm ba ne, a taigü cu ngaih pe neta, a hta vai cu pek ci.

ATÜNNAK 4:1

Cun kawn ah Adam cu achu Eve awn ip om ni neta Eve cu kämah lawk ci. Ani cu pamihta ah hta law sei “Khanpughi ah na m’gein nak ah kyak ci” cine a ming cu Kain ah sui ci.

LUKA 23:42

Cun kawn ah Bawipa Jesuh-am, “Ghangpughang ah kya ne na uk law hnüüp ung kei phi na shüm tu ba bäi” cine pyein ci.

MAKUH 1:35

A ngawi ung khongawi kho thai ghi ghi sei, Bawipa Jesuh cu tho ne lut law ne, a ding gei nak ah hteit ne taigü ci.

SAM 119:147

Hni kä a pyi law pha ung na na m’htei vai ah ka ning khü ci nei; Na shaitak ung ka ngaih u nak cu ka tha ci nei.

SAM 55:17

Kho ngawi kho hnüüp, khomü ung kei cu ng’thu m’da ne ng’pa ngä sei, kei ah ka k’aw cu na ng’yak pek khai nei.

SAM 25:7

Ka nong yah ung ka cheishoh nak la ka kat kawng nak cu na m’gein ä. Ng’täi ciah na m’hni nak la nam’gein nak awn kei cu na shüm ä, Bawipa!

1 SAMUEL 9:26

nak vai cu akhuih khan ah pyang ci gui, ani cu acun ung ip ci. Khong ngawi k’sik ung Samuela naw Saul cu akhuih khan ah ka khü neta, “Tho law ä, na hteh nak vai ah lam ung ka ning tüi khai,” cik ci gui. Saul cu tho law sei, ani la Samuel cu a täng ah lam k’cawh ung hteit ci goi.

ATÜNNAK 8:1

Khanpughi naw htinpaw im kyong ah om ciah Noah la ak ghing gui avan cu ngaih na gui neta, khokhi sak sei, tui cu ng’düm lawk ci.

SAM 136:23

Mikmi ami na tukthah gui yah ung ani naw kä m’hnih gui ci; Ani ah m’hni nak cu ng’täi ci nei;

SAM 5:3

Kho ngawi hta ung ka k’aw cu na na ng’yak pek ci; Kho hni pyü ung taigü ne ng’ap ne, Na na m’shan cu ka ging ci nei.

1 SAMUEL 2:11

Elkanah cu Ramah pigaw a im ah law ba ci, cun ung phi ak hmaw Samuel cu Shilon ah om shüt ne, taigüpa Eli ah ka ah om ne, Bawipa ah bi bik ci.

1 SAMUEL 1:1

Elkanah ming nak ciah chang tumat om ci, ani cu Ephraim pakhui ah kyak ci, Ephraim kho m’htung nawi Ramah gawnu ah om ci. Ani cu Jeroham ah hta Elihu ah tu ah kyak ci, Tohu kyong khui, Zuph pa ng’pai ung ka ah kyak ci.

1 SAMUEL 7:17

Ani cu Ramah a im ah hteit ba ci, acun cu taga suki ah bi abi nak ah kyak ci. Ramah ah ani naw Bawipa ah hmawk ah mangkiang co ci.

JOSHUA 18:25

Cun kawn ah Kibeon, Ramah, Beeroth,

1 SAMUEL 8:4

Cun kawn ah Israel ang vai gui cu ng’chum u neta Samuel ah om nak Ramah ah hteit ci gui.

1 SAMUEL 15:34

Cun kawn ah Samuela cu Ramah ah hteit ba ci, Saul ghangpughang cu Gibeah a im ah hteit ba ci.

1 SAMUEL 16:13

Samuela naw olive-situi cu la neta, David cu aphäi gui ah ma ung phyuh theh ci. Ang ghit ah Bawipa ah mümcha naw David cu k’pang ci, cu hnüüp ung tüi ne ani cu om püi ci. Cun kawn ah Samuel cu Ramah ah hteit ba ci.

1 SAMUEL 19:18

David cu phyawng ne Samuel ah om nak Ramah ah hteit ne Saul naw a kyak nak gui avan cu m’thein tuk ci. Cun kawn ah Samuel la ani cu Naioth ah hteit ne, a cu ah om ci goi.

1 SAMUEL 25:1

Samuel si sei, Israel chang gui ami van a täng ah law ne thüi kyap ci gui. Ani cu Ramah ah amät ah im ah k’phuh ci gui. Cun kawn ah David cu Param bungpuk ah hteit ci.

2 GHANGPUGHANG GUI 4:17

Cun ung phi Elisha naw a pyen ah mäih ah a hnengkum a cun ah akhin ung ani cu pamihta ah hta lawk ci.