1 SAMUEL 1:11 - Cho Bible Common Language 2016

¹¹ Hannah naw akthuuk ah shaitak ci: “Ak hlüngtai Bawipa, na teng ä, na changshäm! Ka khüikha nak cu na hmuh pe ne, na shüm ä! Kä na m’hnih ä! Htapa na na pek ah a kyak ung, a ghin nak avan cu nang am ka ning ap khai ah shai ka tak ci nei, ani naw a lusam cu kä at phung khai nei.

1 SAMUEL 1:11 Referans Kwoze

SUKI GUI 13:5

Pami ah na hta kawn ah a lu kä k’teiu en pek vai, a i ah kyasei ci ung, ani cu hta nak ge ung tün ne Nazirit cine Khanpughi am ap ah kyak ci. Ani naw Israel gui Philistin gui ah kut ung gun nak gui vai cu tün ne bik khai.”

KHEI NAK 6:5

Ani cu nazirit shaitak ah ka ung a om ah chuih alu kä a ah vai. Kä ak teiu vai. Ani cu a khin akbe ah Bawipa ung ang ap nak ah shaitak naw k’pawng ci. Ani naw a lusam am sei vai, am khamu am sei vai.

THUSHÄUTU 5:4

Cun ah kyasei, Khanpughi ah shai na tak ung, ang ghit ah nak pan vai. Chang gu-ang cu ani ah phäh ah mang vai kä kyak ci. Bi vai ah shai na tak cu na bi vai.

ATÜNNAK 29:32

Leah cu kämah ne pami hta ah hta lawk ci. Ani naw, “Bawipa naw ka yaica cu hmat ci, tuhbäi läi ka cei naw na m’hni khai nei” ci neta a hta ah ming cu Reuben ah sui ci.

SAM 25:18

Ka ng’zocho nak la ka yaica nak cu na m’htei ne, ka katnak gui avan cu nam gein ä.

1 SAMUEL 1:19

A ngawi ung kho ngawi Elkanah la akyong ung ka gui cu hang kai ngawi u ne, Bawipa ami khawihnah kawn ah, Ramah, ami im ah hteit ci gui Elkanah cu akchu Hannah awn ng’yaw ni neta, Bawipa naw ani ah k’taigü cu m’shang ci.

ATÜNNAK 30:22

Cun kawn ah Khanpughi naw, Rachelah cu shüm ba ne, a taigü cu ngaih pe neta, a hta vai cu pek ci.

SUKI GUI 11:30

Jephthah naw Bawipa ah shai a tak cu: “Nang naw Ammonit gui ah khan ah näng nak na na pek ah a kyak ung,

KHEI NAK 6:8

Ani cu Nazirit ah a kyak ah chuih Bawipa ung ang ap vai.

ATÜNNAK 28:20

Cun kawn ah Jakob naw Bawipa ung thukhän a bi cu, “Ka hteh nak ah lam ung na ngäng ne, na m’htei ne, sui la ei na na pek ah a kyak ung,

2 SAMUEL 16:12

Bawipa naw ka cümbawng nak cu hmat neta, ani ah shai she ah hnün ung hriham cu na pe hman khai nei” cik ci.

KHEI NAK 21:2

Cun ung Israel chang gui cu, Bawipa ah ng’khäntam ci gui. “Nang naw shin ah chang ah khan ah na na näng sak gui ah a kyak ung, shin ah chang gui avan kami ning ap khai nei. Ami mang gaw gui phi nang ah ka vai nei, avan kami m’di khai nei.”

KHEI NAK 6:11

Taigü naw tumat cu katphyawn douthak nak, tumat cu m’khih ne douthak nak ah a dou thak vai. Cun cu, a cun ah chang gook ah pei ah a om ah phäh ah theingthap nak bi ah kyak ci. A cu hnüüp ani naw a lusam cu theing ba sak ci.

PHYAWN NAK 4:31

Ngami naw yum ci gui, ngami ah om nak ah Bawipa a law vai la aktä ah ami shedam nak gui cu ani naw hmu gui ciah ng’ya u neta, ngami naw m’khuukdong ne khawihnah ci gui.

ATÜNNAK 8:1

Khanpughi naw htinpaw im kyong ah om ciah Noah la ak ghing gui avan cu ngaih na gui neta, khokhi sak sei, tui cu ng’düm lawk ci.

1 SAMUEL 1:12

Hannah cu k’täi ne aksho Bawipa ah taigü ci, Eli naw ani ah m’gawng cu teng ci.

1 SAMUEL 1:22

Cun ung phi cun ung Hannah kä hteit tuk ci. Ani naw a cei am, “Ak hmaw tui tui kä a awk ba vai am, ani cu Bawipa ah im ah ka hteh püi khai, a ghin ah chuih a ca om khai,” cik ci.

1 SAMUEL 1:27

Kei naw shin ah hmaw ah phäh ah ka ng’zoi thäh ci, ani naw ka yoi thäh cu na pek ci.

1 SAMUEL 1:28

Cun ah kyasei kei naw Bawipa am ka ap ci. Ani a ghin ah chuih, ani cu Bawipa naw khäm khai” cik ci. Cun kawn ah ngami naw a cu ah Bawipa cu khawihnah ci gui.

1 SAMUEL 2:20

Cun kawn ah Eli naw Elkanah la akchu am hriham pe goi neta a pyen cu, “Bawipa naw shin ah hnumi ung a hei ak hmaw gui ning pek khai, nang naw ani am na ap ah chang ah hnün cu ngami naw lak khai gui” cik ci. Cun kawn ah ngami cu hteit ba ci gui.

NG'THU K'THUUK~ 31:2

“Nang cu ka ning m’hni ah ka hta, ka taigü ah ang dang nak ah na kyak ci. A i ka ning m’thein khai ang?

TAIGÜTHUM 27:2

shin ah thungyo gui cu Israel chang gui ah phäh ah pek ci. Chang tumat naw aktung ah shaitak a küm be sak nak ah Bawipa am a pek ah a kyak ung, ak ka ung k’bäi gui ah ngui a pek nak awn cun ah chang cu phyawng hning khai,