1 PETER 5:9 - Cho Bible Common Language 2016

⁹ Nami yum nak khänhtek sak ne khüighaat ne om vä, a i ah kia sei ci ung, na mi hmat pyi ah mäih ah, m’dek ah khan ung khritha gui cu, geinvai nak ung ami yaica ah hmawk ah kiak ci.

1 PETER 5:9 Referans Kwoze

JAMES 4:7

Cun ah kyasei Khanpughi ah ng’yak hlü cu läk ne khoshe cu nami k’täm vai nei, cun ung nangmi ungka dawng khai nei.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

1 PETER 2:21

Acun ah mäih ah nami bi vai ah Khanpughi naw a ning khü gui ah kyak ci. Bawi Khrit amät nangmi ah hmawk ah a geinvai nak awn, nami thei tu vai cu dang sak ci. Cun ah kyasei a kho neh cu nami läk vai kyak ci.

1 KORIN 10:13

Nangmi naw tuhbäi nami buiaut ah tüihtok nak gui cu, chang ung gawk law man ci bängbäng ah kyak ci nei. Khanpughi cu a shaitaak ah mäih ah om ciah kya ne, nangmi naw kä nami m’khüt vai ah tüihtok nak cu kä ning awt sak gui khai. Tüihtok nak nami awt law ung nami m’khütnäng nak vai ah k’thagui ning pe gui ne, nami phiawn nak vai ah lam ning m’hnuh gui khai.

2 TIMOTHI 3:12

Bawi Khrit Jesuh ung kawng ät ne yum nak ung lünlawi hlük ciah ah chang phung cu dukdeiu nak gah khai nei.

EPHESIAN 6:16

Zum htek nak ah kyak ciah shawiphaw cu angtäi sei nami kawh vai nei, cun ung khoshe naw a shunkah law ah mei ah däi ciah li k’htei cu nami m’diim hlawt khai nei.

1 PETER 3:14

Cun ung phi akni nami bi ah hmawk ah ning shedam nah gui ci a om ung, yeikyai vä, kä kyikyawk en vä, kä ng’ä ng’ai en vä.

HEBRU 11:33

Ngami cu ami yum nak awn kho ak khan avan ung tuk bi u ne, näng nak gah ci gui. Ngami cu düng nak awn om u ne, Khanpughi ah a shaitaak cu gah ci gui, kawng hlui ah shai phi m’ghu ci gui.

1 TIMOTHI 6:12

Zum nak ah dawng nak ung na näng vai ah dawng ne, angtäi ghin nak cu nak pan vai nei: cun ah ghin nak na gah vai ah nang cu Khanpughi naw a ning khü yah ung, saksi ciah chang khli ah ma ah, Bawipa na yum ah mawng cu ak küikyang ah nang kiaa pyi ci nei.

1 THESSALONIAN 3:3

Cun ah kyasei shin ah dukdeiu nak gui awn nangmi ungka a u chang phi a hnu täng ah kä ng’hlat ba khai nei. Cun ah dukdeiu nak gui amshah cu mikmi ah hmawk ah Khanpughi ah ang yak hlü ah kyak ci, cicu nangmi nami mät naw nami hmat ci.

EPHESIAN 4:27

Khoshe-am akhin kä nami peit-en vai nei.

THU PHLAAN 6:11

Cun gui-am suinu a bawk bäng bäng pe gui netah, ngami ah mäih ah ami ngawn gui vai ah, ami teihpüi gui la ami phäi nau gui, ah ming a khüm güt, a shäng hta ami ng’düm vai ah m’cäi gui ci.

1 PETER 4:13

Nangmi cu Bawi Khrit ah geinvai nak nami ng’pai püi ciah kyasei, nami yeikyai vai nei, cun ung vah Bawipa bämang nak awn a kyum law ba hnüüp ung, nangmi cu yeikyai nak awn nami kümbe khai.

1 PETER 1:6

Nangmi cu yaica geinvai nak a hlü hlü om sei tuhbäi nami thüisei ung phi, ak khan ah a mawng gui cu ngai ne yeikyai vä.

KOLOSE 2:5

Ka pumsa awn a täng ah kä mi om pang ung phi, ka Mumcha awn atäng ah ka ning om püi gui ci nei. Bawi Khrit ung nami yum nak awn ng’düi ghawm u ne, khäng ne nami htek cu ning hmu gui ne ka yei ci nei.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.

LUKA 22:32

Cun ah kyasei na yum nak a htek vai ah ka ning taigü pek ci nei. Nang cu kei ah nang hlah law ba kawn ah, na phäi nau gui cu thagui na peit gui vai nei” cik ci.

THU PHLAAN 1:9

Kei cu a khawpäng ciah chang gui naw ami bui awt ah geinvai nak awt ciah nami paw, Bawipa Jesuh ah chang, nami phäi Johan ah ka kiak ci. Kei cu Bawi Khrit ah düng nak la Khanpughi ah ng’thu ka shäu ah hmawk ah, patmos ng’lei ung ami na üüp ah kyak ci.

2 TIMOTHI 4:7

Kei cu ng’küükneet ne dawng nak ung ak ni pi bäih ah ka bi pyi ci nei, m’hnüt nak ung khüt sei ka dawng pyi ci nei, yum nak phi ka shum pyi ci nei.

HEBRU 12:8

Nangmi cu a hta akcang ah nami kyak ci kyasei, kat m’kyuk ne m’cäi nak kä ah om ah a kyak ung, nangmi cu hta akcang ah kä nami kyak ci, hta ng’bah ah nami kyak ci.