1 PETER 5:8 - Cho Bible Common Language 2016

⁸ Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

1 PETER 5:8 Referans Kwoze

EPHESIAN 6:11

Khoshe ah thuvi tüihtok nak näng m’khüt nak vai ah, Khanpughi ah ning peik gui ah likhim k’be cu nami awi k’bah vai nei.

JAMES 4:7

Cun ah kyasei Khanpughi ah ng’yak hlü cu läk ne khoshe cu nami k’täm vai nei, cun ung nangmi ungka dawng khai nei.

JOB 2:2

Bawipa naw ani cu ng’shi ne, “Nang a hawi ka ang na law” cik ci.

EPHESIAN 4:27

Khoshe-am akhin kä nami peit-en vai nei.

1 PETER 1:13

Cun ah kyasei nangmi cu ng’düihthawh ge vai ah om vä. Bawi Jesuh a kyum law ba hnüüp anam shum phyuk gui vai cu kümbe sei ngaih u ne lunglaang ne om vä.

1 PETER 4:7

Kho ah khüt nak vai ng’et lawk ci. Nami taigü nak hning vai ah htingling ne cüivai ne nami om vai.

LUKA 21:36

Tholet ne nami om vai, gawk lawk khai ah kho ah shet nak cu m’khüt ne, chang ah Htapa ah ma ah ng’düi ne m’khoichaa nak nami awt hning vai ah angtäi sei taigü ne nami om vai nei” ci ne m’cäi gui ci.

LUKA 22:31

Bawipa Jesuh naw, “Simon, Simon, htangmguh m’hääi ne, angshi angtak m’chaa ah mäih ah ning m’khoimchaa gui khai ah Satan naw akhin gah pyi ci nei.

TITUS 2:12

Cun ah m’gein nak naw kä yum ne ghin nak la m’dek khan ng’yak hlü nak cu, näng nak vai nam shümthein gui ne, a htingling ah ghin nak, düng nak, la m’dek khan ung yum ne ghin nak vai gui phi nam shüm gui ci.

THU PHLAAN 12:12

Cun ah kyasei khanmawpi la khankho chang gui yeikyai vä. Khomdek la tuinu ah phäh ah thüisei vai ah kyak ci nei. A i ah kiasei ci ung khoshebawi cu amät ah akhin apihta bäng om ba ciah hmat netah, ang htei ah m’lungshe ne ngami ah om nak ah a gawk law pyi ah hmawk ah kyak ci nei” cine a pyein cu ka ng’yak ci.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

MATTHE 13:39

Khumghaw m’shi cu khoshe ah chang gui ah kyak ci. Geit khäm khin cu kho ah khüt nak vai ah khin ah kyak ci. Geit khäm ciah chang gui cu khankho chang gui ah kyak ci.

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

MATTHE 24:42

Cun ah kyasei geing nah ne nami ngäng vai, nami Bawipa a i yah ung alaw vai kä nami hmat ci.

THU PHLAAN 20:10

Chang gui cheishoh sak gui ciah khoshe cun phi yam meidäi ung yuk shum ci gui. Acun ah mei ung khiküi la purofet she phi ami yuk shum pyi ah kyak ci. Ngami cu amü ak hnüüp hta ng’shon ung dukdeiu nak gah khai gui.

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

ZEKHARIAH 3:1

A hei ka ng’mang ung Bawipa naw ana m’hnuh ba cu, Taigü tung Joshua cu Bawipa ah khanchang ah ma ah ng’düi ci. Joshua a pei ah ani hnungtuk püi nak vai law püi ge khai ah Satan cu ng’düi ci.

TITUS 1:8

Ani cu khin m’htei ci, ak ni m’hni ciah chang ah kyak khai. Ani cu htingling ci, düng ci, theingcim ci, pyein ah om ciah chang ah kyak khai.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

AMOS 3:8

Phongkawng am ngaw ung kä kyih ah a u om ne ang? Uktu Bawipa naw ng’thu a pyen ung ani ah ng’thu kä shäu ah a u om hlawt ne ang?

TITUS 2:6

Acun ah mäih ah ak hmaw chang gui cun phi ami htingling vai ah nam cäi gui vai nei.

TITUS 2:2

Pami ng’vai ba gui cu ami lunglang vai, ami küikaa vai, ami htingling vai la bä ciah yum nak, m’hni nak la khüighaat nak ami kümbe vai ah nam cäi gui vai nei.

HOSEA 11:10

“Ami ga gui ah khan ah phongkawng ah mäih ah ka m’ngaw law ung, ka chang gui naw na läk lawk khai gui, Ngami cvu akhei täng ah ka ang ghit ah kei ah law ba khai gui.

ISAIAH 50:8

a i ah kyasei ci ung, khanpughi naw na k’et ci, ani naw chang k’ni ah na k’bäi khai. Kei cu na hnung’tuk püi ne, nak bün dat ci, a om ah a kyak ung, Yung ah m’kawt ung atäng ah mi hteit khai nei! Ani ah nakbün nak ah mawng cu mi law püi sak khai nei!

NG'THU K'THUUK~ 20:2

M’ngawk ciah phongkawng kyih ah maih ah m’lungshe ciah ghangpughang cu nami kyih vai. Ani m’lungshe sak cicu ng’cawh ciah kyak ci.

SAM 104:21

Phong kawng nong gui cu m’ngaw ne ng’shui ci gui, Ngami cu Khanpughi ah pek gui ah ei shui ci gui ah kyak ci.

1 TIMOTHI 2:15

Cun ung phi hnumi gui cu, a htingling ah om ne, yum nak, m’hni nak la theingciim nak awn ami be ah a kyak ung, ami hta nau nak awn hun nak gah khai gui nei.

THU PHLAAN 20:2

Ani naw shawk k’phyu ng’hlui cu pha netah, khawkum phyaa ghaa ung pin ne khit ci. Cun ah khawshe bawi kä cun ung Satan ah kyak ci.

TITUS 2:4

Cun ung vah ak hmawba gui ah hnumi gui cu, ami cei la hta ami m’hni vai,

1 TIMOTHI 3:11

Ami chu gui cun phi akni ah m’lung ngaih om ih ci gui ah a kiak vai, khleei khlam ci gui ah kä kyak en sä. Ciimvai lunglang ne, ngaih gep vai ah chang ah ami kyak vai.

JOEL 3:16

Zion m’htung khan ah ka naw Bawipa ng’hawh ci; ak aw cu Jerusalem ungka hmum kyeek lawk ci; Khomdek la khomik ng’thüng ci. Cun ung phi ani naw a chang gui shungvong gui khai.

1 TIMOTHI 2:9

Hnumi gui cun phi müisa ne nei aan khai ah ami suisak vai nei: lu m’kin ne, ghui shawi mo sawng, äh awi ne, aküi kyang ah, hnän thang binglawh ne kä ami kyak vai.

MATTHE 4:1

Cun kawn ah khoshe ah tüihtok nak a aut vai ah Bawipa Jesuh cu Mumcha naw bung ah hteh püi ci.

HOSEA 13:8

Ahta maih ciah khawm ah mäih ah kya ne nang cu ning tu ne, ka ning phyit khai. Phongkawng ah mäih ah kya ne ka ning hmuh nak ung ning lo ne, acun ung sak kyung ah mäih ah kya ne akhui akpi ah ka ning k’teek khai.

1 TIMOTHI 3:2

Krithabum ung tahnga ciah chang cu, m’kat vai ah kä om khai, tumat bäng chu nak khai, ciimvai lunglang khai, htingling khai, a om ih ni kyom khai, khin chang m’htei khai; m’theithang thei khai;

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

MATTHE 4:11

Cun kawn ah khoshe cu a hei ah hteit khätah, khankho chang gui kyum law u ne, Bawipa Jesuh cu m’hteihtang ci gui.

AMOS 3:4

Phongkawng cu a lawh vai ah sa kä a hmuh ung bung ah m’ngaw man ne ang? Phongkawng nong cu a i kä a pha ung a khui ah ng’gen man ne ang?

DANIEL 6:24

Cun kawn ah ghangpughang naw ng’thu k’bäi ne, Daniela m’kyuk ciah chang gui ami van pha sak gui neta, ami chu gui la ami hta gui awn atäng ah phongkawng awn be ciah khui ung yuk shum gui ci gui. Khui ah anglung kä ami yuk pha pha ung kawng gui naw pah gui ne ami guh avan m’kyem gui ci gui.

EZEKIEL 22:25

Ami ng’vai gui cu phongkawng alawh vai ah khisa ah khan ah am ngaw ah mäih ah kyak ci gui. Ngami naw chang ngawn ci gui, ami ngui avan la ami khawh ami gah hning phung cu lak ci gui, chang ami ngawn gui naw hmeinu akda nawng shüt ci gui.

NG'THU K'THUUK~ 19:12

Ghangpughang ah m’lungshe nak cu phongkawng ah m’ngaw ah maih ah kyak ci. Cun ung phi ani ah m’tamkhah nak cu khogoh tui ah maih ah kyak ci.

ESTA 7:6

Esther naw, “Keimi ah ga, keimi na dukdeiu na gui ci cu, shin ah chang shekha Haman nei” cik ci. Haman naw Ghangpughang la ghangpughangnu cu kyih goi ci,

SUKI GUI 14:5

Cun ah kyasei Samson cu anupa gui awn a täng ah Timnah ah yu hteit ci gui. Ngami naw Sapyit lo kan ne ami hteh sangung, ani naw phongkawng anong m’ngaw sei ng’yak ci.

ZEKHARIAH 11:3

Uktu gui cu ng’pyang ne kyap ci gui; ami bämang nak cu ng’pyi pyi ci. Phong kawng gui ah m’ngaw cu ngai vä, Jordan lawng yung ah ami hmun khaw cu di pyi ci nei.

EZEKIEL 19:7

Ani naw gaw k’pang gui gäi ne, gawnu gui phyek ci, Ani a m’ngaw päng ung khaw ung om ciah Chang gui cu kyi aih ci gui.

JEREMIAH 51:38

Babilonian gui ami van cu phongkawng hlui ah mäih ah m’ngaw u ne, kawng hta ah mäih ah ng’ging ci gui.

JEREMIAH 2:15

Ngami naw phongkawng ah mäh ah m’ngaw shi ci gui; ani ah kho cu khong gau ah kyak khai ah cikci gui, ani ah gaw nu gui cu di ne ng’zän ci, nawng lüng vai ah kyak ci.

SAM 109:6

Ka ga cu thu m’chak khai ah m’gak ci cu ghü ä, ani cu amät ah ga awn di sak ä.

AMOS 1:2

Amos naw, Zion m’htung khan ah Bawipa ng’hawh ci; Jerusalem ungka ak aw cu hmumkyeek ci. Khulim gui chawng ci, Karmela m’htung khan ah khu m’kim gui ng’yaai yawp ci nei” cik ci.

NG'THU K'THUUK~ 28:15

Dukhaih ci gui cu uktu gi naw hnu na gui u sei amgein kaa ah kyak ci gui. Ani cu m’ngawk ciah kawng la khawm ah maih ah kyih vai ah kyak ci.

MAKUH 4:15

Chang amshah gui cu lam ung kya lawk ciah geit m’shi awn täng ci gui, Khanpughi ah thu ng’ya te ci gui, cun ung phi acun vai-am khoshe naw lak pe gui yawp ci.

2 KORIN 2:11

Cun ung vah Satan cu mikmi ah khan ah kä a näng vai ah mi shung hlawt khai; Satan ah theileh cu mikmi naw mi hmat ci.

THU PHLAAN 12:10

Cun kawn ah khanmawpi ah ng’shan ciah k’aw naw, “Tuhbäi Khanpughi ah hun nak cu gawk law pyi ci nei! Tuhbäi Khanpughi naw Ghangpughang ah a kyak ah mawng dang sak pyi ci nei! Tuhbäi a Messiah naw a huham dang sak pyi ci nei! Mi Khanpughi ah maa ah ng’düi netah, amü ak hnüüp mi phäi nau gui shetkat sak gui ci cu khankho ah kaa k’täm pyi ci gui nei.