1 PETER 5:7 - Cho Bible Common Language 2016

⁷ Nami cäicat ng’ä ai nak phung avan ap vä, Khanpughi naw ngaih nah ne ning m’htei gui ci nei.

1 PETER 5:7 Referans Kwoze

SAM 55:22

Na khüikha nak cu Bawipa ah ma ah chah ä, ani naw ning shung khai nei; düng ciah chang cu chang hei gui am kä hnim sak gui phung ci nei.

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

SAM 37:5

Bawipa am na pum pe ä; ani ung ng’ap ä, ani naw ning m’htei khai nei;

SAM 34:15

Bawipa naw düng ciah chang gui cu teng khen gui ci, ami ng’khü phi ngai pe gui ci.

LUKA 12:22

Cun kawn ah Bawipa Jesuh naw, ang düihpüi gui-am, “Cun ah kia sei, a i ei ne ghin vai cine hnun ah hmawk ka kä nami ng’ä vai, a i sui ne om vai cine pumsa ah hmawk ah phi kä nami ng’ä vai.

1 SAMUEL 30:6

David cu khüikha nak akdäm ung gawk ci, a i ah kyasei ci ung, a chang gui ami van u ami hmaw gui a maih ah phäh a thüi aih ci gui, ani cu lung awn vawih vai ah k’bäi ah k’bäi ci gui; cun ung phi Bawipa a Khanpughi naw k’thamah nak pek ci.

MAKUH 4:38

Bawipa Jesuh cu hleiko ah a hnu lam ah aknep ah khum ne ip ci. Ang düihpüi gui naw Bawipa Jesuh cu m’tho ba u netah, “Bawipa, mikmi tui ung lut ne mi si lawk khai kyak ci nei kä na hmat tuk ci ma?” cine ng’shik ci gui.

JOHAN 10:13

Chang ghüh cu ng’vah ah kyak ne, hto gui nawng gui ne dawng ci.

SAM 40:17

O Bawipa, kei cu ka zoken, ka dukhaih ci, cun ung phi nang naw kä na na m’hnih ci. Nang cu ka Hunbawi la ka Khanpughi ah na kyak ci — Ang ghit ah na m’htei ä!

NG'THU K'THUUK~ 16:3

Bi vai na pawng pui p’hung cu Bawipa naw ak phyuhtheh vai ah na ap vai, cun ung na bi nak phung ung m’khut nang nak om khai.

MATTHE 6:27

Nangmi ungka a u naw, ang’ä ai nak awn, a hnun ghin nak ng’sau sak pi hning khai ang?

MATTHE 6:28

‘A i ah kyasei nami suisak vai ah nami ng’ä ang? M’ghaw hmu ah chei pai gui cä teng shüm vä. Ngami cu bi phi kä bik ci gui, sui phi kä tah ci gui.

MATTHE 6:31

‘Cun ah kyasei a i ung kaa, ei auk vai, suibei vai, cine kä nami ng’ä ai vai.

LUKA 12:26

Cu cha ah apihta phi kä m’khüt hning ah a kyak ung a i vai a hei hei gui ah nami ng’ä ang?