1 PETER 5:4 - Cho Bible Common Language 2016

⁴ Ang vaipi säih Htome uk ciah Bawipa ang dang law ung, angtäi ah pyü ne ng’shü ciah abämang nak ah ghui lukhu cu nami gah khai nei.

1 PETER 5:4 Referans Kwoze

JAMES 1:12

Tüihtok nak om pang sei phi bekhüt ciah chang cu, yeikyai nak om ci, a i ah kyasei ci ung cun ah mäih m’nüm nak näng ciah chang cu Khanpughi naw, m’hni ciah chang ah khan ah a shaitaak ah, ghin nak ah m’cümhnah cu gah khai nei.

1 KORIN 9:25

Ng’längna tuk khai ah ng’theithang ciah güng’lah ciah chang phung naw, ng’kheing ciah thum’hnüt cu läk ci. Cun cu kä ng’täi ciah lukhu gah vai ah hmawk ah kyak ci: cun ung phi mikmi läi cu ng’täi ciah lukhu gah vai ah mi bi ah kyak ci.

1 JOHAN 3:2

Ka püi gui aw, mikmi cu tuhbäi Khanpughi ah htanau gui ah mi kyak ci nei, cun ung phi ngawi ah a i ah mi kyak law vai cu kä ng’hmat pang sei phi, Bawi Khrit a kyum law ba hnüüp ung, ani awn täng ne mi om khai, amät akcang cun phi mi hmuk khai, cicu mi hmat ci.

2 TIMOTHI 4:8

Tuhbäi ung Khanpughi ung düng ciah chang gui am ap vai ah näng nak lukhu naw kei cu na ngäng ci nei. Cun cu düng nak awn m’khoichak ciah Bawipa naw, m’khoichaa nak Hnüüp ung kei am na ap khai nei. Kei bäng ah kä kyak ciah, Bawipa a kyum law ba m’hni ne ngäng ciah chang gui phung am, cun na lukhu cu ap gui khai nei.

1 PETER 1:4

Cun ah kyasei Khanpughi naw ak chang gui ah hmawk ah m’küm ne a gim ah ng’bühmang nak cu khäm vai ah mi ngaih u nak om ci. Cun gui cu nang mi ah hmawk ah kä chükmaih kä didam hlawt khai ah, Khanpughi naw khankho ah m’küm ci.

THU PHLAAN 3:11

Kei ka gawk law ge vai ci nei, nang ung om cicu m’htek ne khäm ge ä, cun ung nang ah näng nak ng’chuh cu a u naw kä ning gut hlawt khai.

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

1 PETER 2:25

Nangmi cu lam hma ne maih ciah htome ah mäih ah nami kyak ci, cun ung phi nami m’lung ning shum gui ciah Htoshäm ah ma ah nami gawk law ba pyi ci nei.

DANIEL 12:3

Cüivai ciah ang vaihta gui cu khankho mik ah akhang avan ah mäih ah ng’shü khai gui. Düng nak bi vai ah chang akda m’theithang ci gui cu, aisi ah mäih ah angtäi sei ng’shü khai gui.

ISAIAH 40:11

Ani naw a htaw gui cu htoshäm ah mäih ah m’htei gui khai; Ani naw ktome hta gui cu k’bum gui ne, a kut awn bäm gui khai; Ami nu gui cu ang awigi ah lamshüm gui khai. Israel gui ah Khanpughi.

1 PETER 5:2

Khanpughi naw a ning ap gui ah htomebum cu, htomeshäm ah kya ne nami ngäng vai nei. Bi vai kyasei bi ah kä kyak ciah, Khanpughi ah khuut ah kyasei ng’yak hlü nak awn nami bi vai nei. Nami bi cu ng’cheng gah hlü ah m’lung awn kä kyak ciah, bi nak hlü ah m’lung cang awn nami bi vai nei.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

EZEKIEL 37:24

Ka changshäm David ghangpughang ah mäih cu ghangpughang nak khai gui. Ngami cu uktu tumat ah ka ah om u ne, kei ah thukhän gui cu bekhüt ne läk khai gui.

SAM 23:1

Bawipa cu ka htoshäm ah kyak ci; Kei cu kä ka dukhaih ci.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

THU PHLAAN 1:7

Teng tu vä, Bawipa cu khawmei ung cun ne kyum lawk ci nei, chang nüng nüng naw hmuk khai gui nei, amät k’htei awn shun te ci gui naw phi hmu tuk khai gui nei. Khomdek ah khan ung chang ah hta avan cu haala yawp khai gui nei. Cun cu akcang ah kya sä!

JOHAN 10:11

“Kei cu Htoshäm Ni ah ka kyak ci. Htoshäm ni cu hto gui ah hmawk ah a hnun ghin nak phi pek ci.

EZEKIEL 34:23

Kei naw ka changshäm David ah mäih ah htome shäm tumat ah kyak ciah ghangpughang cu ka pe gui khai, ani naw tengkhen gui khai.