1 PETER 5:14 - Cho Bible Common Language 2016

¹⁴ Tumat la tumat khritha yumhni nak awn ng’ui hnam tu ne, ng’khaih na tu vä. Bawi Khrit ah chang ah nami kyak ciah, nami van ah khan ah dimdeeih nak om sä.

1 PETER 5:14 Referans Kwoze

ROMAN 16:16

Phäi la nau ah ng’ui ng’hnam ne, tumat la tumat ng’yavaih na tu vä. Bawi Khrit ah Khritha bum avan naw nang mi cu ning yavaih gui ci nei.

EPHESIAN 6:23

Pa Khanpughi la Bawipa Jesuh Khrit naw khritha phäi nau nami van am, dimdeeih nak, la yum nak awn m’hni nak cu ning pe gui sä.

ROMAN 8:1

Cun ah kya sei Jesuh Khrit ung kawng ät ne om ciah chang gui cu Khanpughi ah shet m’kat nak phiawn nak ci gui.

1 KORIN 16:20

Shi ah om ciah khritha phäi nau gui ami van naw ning yavaih gui ci gui nei. Theingthap ciah ng’ui ng’hnam nak awn tumat la tumat ng’yavaih na tu vä.

ROMAN 1:7

Cun ah kyasei Khanpughi naw ning m’hni gui ne a ning khü gui pyi ah Rom Khrithabum am shin ah ca cu ka ning guk law gui nei. Mi Pa Khanpughi la Bawipa Jesuh Khrit naw m’geinsei nak la dimdeeih nak cu ning pe gui sä.

2 KORIN 5:17

Chang nak cicu Bawi Khrih ung a ghin ung, ak thai ah ng’tüi ba ciah kyak ci; ak phyim avan ng’kawn yawp ne, avan ak thai ah kya yawp ci.

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

JOHAN 20:26

Cun kawn ah ak hnüüp cheit hnüüp ung ang düihpüi gui cu, kyong ah shoh khai ne ng’bum ba ci gui. Acun ung Thomas cun phi om tuk ci. Cun yah ung Bawipa Jesuh cu ami ng’lung ah ng’düi law netah, “Nami khan ah ding gei nak om sä” cik ci.

JOHAN 20:19

Hnüüp ät hnüüp mühun ah ang düihpüi gui cu, Jew chang vai gui kyih u netah, kyong ah shoh khai ne om ci gui. Cun sang ung Bawipa Jesuh cu ami ma ng’lung ah ng’düi law netah, “Nami khan ah ding gei nak om sä” cik ci.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

JOHAN 14:27

“Kei naw dimdeeih nak ka ning nawng pe gui shüt ci, kei ah dimdeeih nak nangmi am ka ning pe gui ci. M’dek chang gui ah peit ah mäih ah ka ning peit gui ah kä kyak ci, kä ng’ä ai vä, kä kyikyawk vä.

1 THESSALONIAN 5:26

Khritha phäi nau avan cu yum nak awn ng’ui ne yavaih nah vä.

2 KORIN 13:12

Tumat la tumat ng’phäinau ah ng’ui hnaam ne, ng’yavaih na tu vä. Khanpughi ah chang avan naw ning yavaih gui ci gui nei.

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

MATTHE 5:47

Nami teihpüi bäng nami ng’cengcäk püi ung, nami om ih cu a i chaa ah dang khai ang? Khanpughi kä hmat ci gui phi acun ah mäih ah om ci gui nei.

3 JOHAN 1:14

Kei cu kä shou pha sei gawk law ngäh sei, nangmi awn ng’hmuh ne mi ng’thu khai ah ka ngai ci nei.