1 PETER 5:10 - Cho Bible Common Language 2016

¹⁰ Cun ung phi nangmi cu cun ah geinvai nak a shänghta nami aut kawn ah, M’Gein nak ah Khanpughi, Bawi Khrit ung ning kawng ät sak gui ne, ng’täi ciah abämang nak ning k’pai tu gui khai ah ning khü gui ciah Bawipa naw, nangmi cu ning kümbe sak gui ne, ng’khäntaang nak, k’thamah nak la khüighaat nak ung ning khanhtek sak gui khai nei.

1 PETER 5:10 Referans Kwoze

2 KORIN 4:17

Keimi naw a shäng ak yaang ah kami aut ah yaica nak naw cun ah hlüngtai pi ciah angtäi sei bämang nak cu na gah sak gui khai nei.

2 THESSALONIAN 3:3

Cun ung phi Bawipa cu bekhüt ciah kya ne, thagui ning pe gui ne, akshekha ah tüihtok nak ung ning phiawn gui khai.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

SAM 138:7

Kei cu khüikhai nak naw ana ng’vong yah ung, nang naw na na k’phyawn ci. M’lungshe ciah ka ga gui cu nang naw hnu ng’tuk püi gui ne na huham awn na na hun ci.

1 TIMOTHI 6:12

Zum nak ah dawng nak ung na näng vai ah dawng ne, angtäi ghin nak cu nak pan vai nei: cun ah ghin nak na gah vai ah nang cu Khanpughi naw a ning khü yah ung, saksi ciah chang khli ah ma ah, Bawipa na yum ah mawng cu ak küikyang ah nang kiaa pyi ci nei.

2 THESSALONIAN 2:17

nik ciah thu pyein ne nik ciah bi nami bi nak vai ah thagui, thamah nak cu ning pe gui sä.

2 KORIN 13:11

Ka phäinau gui aw, gai ne om vä! Kümbe ciah chang ah nami kyak vai ah k’tha nah vä; kei ah ning m’cäi m’ä gui cu ngai ng’yah ne, tumat la tumat kawng ät u ne, dimdeeih nak awn om vä. M’hni nak la dimdeeih nak ah Khanpughi cu, nangmi awn a täng ah om khai nei.

1 KORIN 1:9

Khanpughi cu düngnak apnak ah kyak ci. Ani naw nangmi cu A Htapa mi Bawipa Jesuh Khrit ung nami ng’awi gei vai ah a ning khü gui ah kyak ci.

1 THESSALONIAN 2:12

Thamah nak kami ning pe gui ci, m’lung üp ngaih gep nak kami ning pe gui ci, amät ah uknak kho kyong ung lut tu ne, abämang nak nami gah tu vai ah, ning khü gui ciah Khanpughi ah ang yak hlü ah nami ghin vai ah kami ning thawhlet sak gui ci.

ROMAN 16:25

Khanpughi ah bämang nak cu mi m’hlüngtai khai nei! Ani naw nang mi ah yum nak cu ning khänhtek sak gui ci nei. Kei naw Bawi Jesuh Khrit ah mawng Thu Ni ka ng’shäu nak ung shin ah ka pyein ci, cau puipui tüi ne ng’thup ne om ciah ng’yih ciah ng’düng nak naw phi acun na m’dang ci.

ZEKHARIAH 10:12

Kei naw ka chang gui cu ka khüighaat sak gui khai, Ngami naw na khawihnah ne na läk khai gui.” Cun cu Bawipa ah ng’thu ah kyak ci.

ZEKHARIAH 10:6

“Kei naw Judah chang gui cu, Ka khüi ghaat sak gui khai; Israel chang gui cu ka gung gui khai. Ngami cu ka k’dük gui khai, Ami van ami im ah ka law püi ba gui khai. Ngami cu kei naw kä ka hnungtuk püi man ah mäih ah kyak khai gui. Kei cu Bawipa ami Khanpughi ah ka kyak ci; Ami taigü cu ka m’shang gui khai.

2 PETER 1:3

Khanpughi naw akcang ah yum nak awn mi ghin vai ah, khankho hlüngtai nak awn mi ng’yak hlü phung cu, na pe gui ci, cun cu Bawipa hmuhmat Lulang nak awn, amät ah bämang nak la nikiom nak mi gah vai ah na khü gui ciah Bawipa ung a na peit gui ah kiak ci.

1 PETER 1:15

Ning khü gui ciah Khanpughi cu theingcim ci kyasei, nami bilawh phung cu theingcim sä.

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

2 TIMOTHI 2:10

Cun ah kyasei kei cu, Khanpughi ah a ghü ah chang gui ah hmawk ah a i phi ka buiaut ci nei. Cun cu ngami naw phi Bawi Khrit Jesuh ung hun nak ami gah tu vai la angtäi ah bäkhäk nak a gawk law vai ah hmawk ah kyak ci.

2 THESSALONIAN 2:14

Khanpughi naw, keimi ah Thu Ni pyein nak awn nangmi cu a ning khü gui ah kyak ci. Cun ah a ning khü gui cu, mi Bawipa Jesuh Khrit awn a täng ah abämang nak nami gah tu vai ah hmawk ah kyak ci.

LUKA 22:32

Cun ah kyasei na yum nak a htek vai ah ka ning taigü pek ci nei. Nang cu kei ah nang hlah law ba kawn ah, na phäi nau gui cu thagui na peit gui vai nei” cik ci.

SAM 86:5

Nang cu na nik ci, na na m’gein sei gui ci, nang ah taigü ci van ah khan ah na m’hni nak akbe om ci.

2 TIMOTHI 1:9

Na hun gui ne amät ah chang ah anam hnüt gui cu, mi mät ah bilawh nikiom nak awn ah kä kyak ci, amät ah ng’bü nak la m’gein nak awn ah kyak ci nei. Khanpughi naw kho kä ang tün pha ge ung cun ah m’gein nak cu, Bawi Khrit Jesuh ung na pe gui ci.

SAM 86:15

Cun ung phi, O Bawipa, nang cu chimgein ci la m’hni ciah Khanpughi ah na kyak ci, angtäi sei, na hnimgei ci, na k’dük ci, na bekhüt ci nei.

KOLOSE 2:7

Ani ung ak thuuk ah nami ng’yung vai. Ani ung nami ghin nak nami m’shün vai. Ning m’theithang gui ah mäih ah nami yum nak cu a khüighaat law pi vai. Cun kawn ah m’hlüngtai nak awn nami be vai.

ROMAN 15:5

Nang mi naw Bawi Khrit Jesuh ah lam shüm cu läk ne, m’lung ät ngaih ät awn nami om vai ah hnimgei nak la k’thamah nak ning pe gui ciah Khanpughi naw, nangmi cu ning m’htei gui sä.

1 JOHAN 2:25

Cun cu Bawi Khrit amät naw shaitaak nak ana peit gui ah angtäi ghin nak cu gah ah kyak ci.

HEBRU 9:15

Cun ah kyasei Khanpughi naw a khü ah chang gui naw, Khanpughi ah a shaitaak ah angtäi m’shumphyuk nak ami gah vai ah, Bawi Khrit naw thukhän thai cu pyang ci. Cun ah abi cu, ak htük ah thukhän ah kaa ah ami om sang ung chang gui ah ami cheishoh nak gui cu, phiawn khai ah, sih nak tumat a om ah hmawk ah kyak ci.

ROMAN 15:13

Zum ne ngaih u nak ah ang yung ah kyak ciah Khanpughi naw, ani ung nami yum nak awn, yeikyai nak la dimdeeih nak cu ning k’be gui sä. Cun ah kya sei yum ne nami ngaih u nak cu, Mumcha Theing hlüngtai nak awn, phung ghing ne ng’ghotai khai nei.

ROMAN 9:11

Ngahni kä ng’tüi law pha ni ne, ak ni ak kaa kä a ni bilawh pha ung Khanpughi naw, Rebekka am, “Na hta ng’vai pi naw, ak hmaw pi cu hnün thawh pek khai nei,” cine kyak nak ci. Cun ah a pyein cu Khanpughi naw amät ah ng’yak hlü ah a hta tumat a ghü a mawng cu am dang ah kyak ci. Khanpughi naw cun ah abi cu, chang ah bilawh nak teng ne a ghü ah kä kyak ci, amät ah m’hni ah ghü ne a khü ah kyak ci.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

ROMAN 9:24

Mikmi cu Khanpughi ah na khü ah chang gui ah mi kyak ci. Khanpughi naw mikmi a na khü nak gui ung, Jew chang gui ung kaa bäng ah kä kyak ciah, chang khui hei gui ungka phi khü gui ci.

SAM 119:28

Kei cu thüisei nak naw na m’khüt ci nei; Na shaitak ah mäih ah thagui na k’be ä.

1 KORIN 1:10

Phäinau gui aw, Mi Bawipa Jesuh Khrit ah huham awn kei naw nangmi cu ka ning m’cumcäi gui ci nei. Nami thu m’gawng ung nami kawng ät vai, cun ung nami ng’phyeekpai nak kä om khai. M’lung ngaih tumat, bü nak tumat ung nami kawng ät yawp vai.

1 PETER 4:10

Nangmi tumat täi cu Khanpughi ah m’shumphyuk nak a hnga hnga nami gah ci. Cun ah Khanpughi ah m’shumphyuk ak küikyang ah gah ci naw a paw chang ah ni kyom nak vai ah a mang vai nei.