1 PETER 4:8 - Cho Bible Common Language 2016

⁸ A mawng ama avan ung akcang ah nami ng’yumhni tu vai, a i ah kia sei ci ung m’hni nak naw, cheishoh nak avan cu a khüm ah hmawk ah kyak ci.

1 PETER 4:8 Referans Kwoze

NG'THU K'THUUK~ 10:12

Thüigen nak naw khüikha nak thawh sak ci, M’hni nak naw apäng avan m’gein ci.

KOLOSE 3:14

Shin ah ang baan gui avan cu m’hni nak ung phung ci, cun ah m’hni nak naw avan shum ne kümbe kawng ät sak ci.

NG'THU K'THUUK~ 17:9

Chang naw aning m’hni vai na ng’yak hlü ung nang ung katnak bik cicu na m’geinsei vai. Shum ba laih laih ah katnak naw ng’khawt nak cu m’shet thei ci.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

JAMES 5:20

Cun ah cheishoh ciah chang lam a hma nak ungka khü ne law püi ba ciah chang cu, cheishoh ciah chang ah mumcha sik nak ung kaa phiawn sak ne, a cheishoh nak gui phung m’geinsei nak a gah vai ah m’hteihtang ciah kyak ci, ci cu nami hmat vai nei.

1 KORIN 13:1

Kei cu m’dek chang ah thu a hlü hlü la khanchang ah thu ah ka ng’thu thei ung phi, m’hni nak kä a om ung, tum bä ung ng’ging ciah k’bei la ng’sheei ah mäih ah ka kyak ci.

1 THESSALONIAN 3:12

Nangmi tumat la tumat nami ng’hni nak tu la chang hei nami m’hni nak cu, keimi naw nangmi kami ning m’hni gui hlawk ah a hlüngtai law vai ah Bawipa naw ning pyang m’tham gui sä.

HEBRU 13:1

Krihta ah kya ne tumat la tumat nami yumhni tu vai nei.

1 TIMOTHI 1:5

Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.

2 THESSALONIAN 1:3

Phäi nau gui aw, nangmi ah hmawk ah angtäi sei Khanpughi cu kami m’kümto ci nei. Cun ah kami bi cu bä ci nei, a i ah kia sei ci ung, nami yum nak cu ng’ghotai law pi ne, nami ng’hni nak tu phi abäkhäk law pi ah hmawk ah kyak ci.

NG'THU K'THUUK~ 18:13

Ng’thu ka na m’shan phi ung na ngaih ma vai, ka cun ung nang cu shekha nak la päipih nak na gah khai.

NG'THU K'THUUK~ 12:16

Chang gu ang am lung she ung ang ghhit ah ng’hmat sak ci. Lulang ciah chang naw lü ng’aa nak nawng thei ci.

3 JOHAN 1:2

Kam hni ah ka püi, a päng avan ung na bämang vai la na gaigawng vai ah ka ning taigü pek ci nei. Nang cu Mumcha ung na k’thamah ciah ka ning hmat ci nei.

JAMES 5:12

Ka phäinau gui aw, thukhän shaitaak nami bi ung kä nami ng’gun ng’hta en vai. Khankho khüi ne, khomdek khü ne kä nami ng’gun nen vai, a i phi khü ne kä nami ng’gun nen vai. Nami ng’thu cu hleei ah a kyak ung hleei ah, cang ah a kyak ung cang ah dang khai ah, nami pyein vai nei. Cun ung nangmi cu Khanpughi ah m’khoichaa nak kä nami gah khai.

1 KORIN 13:4

M’Hni nak cu hniimgei nak, ng’awi ng’gi nak ah kyak ci; m’thüi m’khang nak, khähghah nak, chang ah ng’shei nak kä om ci.