1 PETER 4:7 - Cho Bible Common Language 2016

⁷ Kho ah khüt nak vai ng’et lawk ci. Nami taigü nak hning vai ah htingling ne cüivai ne nami om vai.

1 PETER 4:7 Referans Kwoze

1 PETER 1:13

Cun ah kyasei nangmi cu ng’düihthawh ge vai ah om vä. Bawi Jesuh a kyum law ba hnüüp anam shum phyuk gui vai cu kümbe sei ngaih u ne lunglaang ne om vä.

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

2 TIMOTHI 4:5

Cun ung phi nang läi cu, a i chü ah a mawng ama na buiaut ung phi, na mät ngaihmah ne na om vai, geinvai nak na näng vai, Thu Ni cu ng’shäu ne na pyein vai, Khanpughi ah changshäm ah kya ne bi vai phung cu m’khüt näng ne na bi vai.

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

HEBRU 10:25

Mi ng’hmuhteng kyumbom nak cu chang m’shah gui ah mäih ah kä mi nawng nüt ten neh, tumat la tumat k’thamah nak ming pe tuk khai, nami hmat ah mäih ah Bawipa ah Hnüüp phi ng’et law pi ci kia sei, tha ng’pe tu ne mi om khai nei.

KOLOSE 4:2

Taigü nak ung kä nami m’lung-k’si en vai. Lunglang nak awn taigü ne Khanpughi cu nami m’hlüngtai vai.

TITUS 2:12

Cun ah m’gein nak naw kä yum ne ghin nak la m’dek khan ng’yak hlü nak cu, näng nak vai nam shümthein gui ne, a htingling ah ghin nak, düng nak, la m’dek khan ung yum ne ghin nak vai gui phi nam shüm gui ci.

EZEKIEL 7:6

Avan ng’kawn ci. Shin cu angpyi nak nei. Nangmi name ng’pyi ci.

ROMAN 12:12

Nami ngaih u om ci kya sei nami yeikyai vai, yaica geinvai nak nami aut law ung hnimgein nak om sä, angtäi sei nami k’taigü vai nei.

PHILIPPIAN 4:5

Nami hniphnoi ng’awi ng’gi nak cu chang avan am hmuh sak vä. Bawipa a kyum law nak vai ng’et law pyi ci nei.

LUKA 22:46

Bawipa Jesuh naw, “A i ah kyasei nami ih ang? Tho law ba ne, tüihtok nak ung kä nami gawk vai ah taigü vä” ci na gui ci.

THU PHLAAN 16:15

“Ngai vä, kei cu m’guk-ei ah mäih ah ka lawk khai nei! Cii m’gang ne asui them ngäng ciah chang cu akplui ah kä om khai, chang ah hmu ah kä lüng’aa khai, yeikyai nak om khai nei.”

1 PETER 3:7

Acun ah mäih ah nangmi pami gui naw phi nami chu gui cu, ami thagui ken ci kyasei, ami m’lung ngaih hmat ne nami k’dük gui vai. Ngami cu Khanpughi ah nam shumphyuk gui ah ghin nak, nangmi awn a täng ah gah tuk khai gui ah kyasei, chang m’sui ne nami om püi gui vai nei. Cun ah nami bi ung vah nami taigü nak hnaihnawk nak a i kä om khai.

EPHESIAN 6:18

Khanpughi ah m’hteihtang nak gah vai ah ng’yoi thäh ne, taigü nak awn shin gui cu nami bi vai nei. Mumcha ah lam shüm ah mäih ah a mawng ama avan ung nami taigü vai nei. Cun ah kyasei nami cimgang cüivai vai, kä nami pyai phung vai, Khanpughi ah chang gui ah hmawk ah angtäi sei nami taigü vai nei.

1 KORIN 15:24

Cun kawn ah kho ah ng’pyi nak gawk lawk khai; Cun kawn ah Bawi Khrih naw, mümcha uk ci gui a van, huham nak gui avan, hlüngtai nak gui a van cu näng ne khäm netah, Uknak kho cu Pa Khanpughi ah kut ung ap khai.

1 KORIN 7:29

Phäinau gui aw, kei naw ka pyein hlü cu; akhin kä om ba ci, Tuhbäi ung tün ne chumah ciah pami gui cu kä chumah ciah mäih ah om u sä.

MATTHE 24:42

Cun ah kyasei geing nah ne nami ngäng vai, nami Bawipa a i yah ung alaw vai kä nami hmat ci.

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

LUKA 21:36

Tholet ne nami om vai, gawk lawk khai ah kho ah shet nak cu m’khüt ne, chang ah Htapa ah ma ah ng’düi ne m’khoichaa nak nami awt hning vai ah angtäi sei taigü ne nami om vai nei” ci ne m’cäi gui ci.

MATTHE 25:13

“Cun ah kyasei nangmi cun phi cun ah hnüüp, cun ah khin cu kä nami hmat ci kyasei, ngaih na ne nami ngäng vai nei!’

THUSHÄUTU 7:2

Sih gook htüm tu cu yu ng’kawi ung ng’lak tu ah ta bä pi ci, a i ah kyasei ci ung, chang mi van cu sih nak naw na ngäng gui ci nei ciah, ghin nak naw angtäi sei, a na m’shüm thein gui ah hmawk ah kyak ci.

ATÜNNAK 6:13

Khanpughi naw Noah am, “Hniciim chang ah ng’pyi nak vai cu ka k’bäi pyi ci nei. Khomdek khan cu cheishoh nak awn be ci kyasei, ka m’dii khai nei.

HEBRU 9:26

Akda vei lut khai ah a kyak vai sü ung Khanpughi naw kho akhan atüi pyan ung tün ne akda vei sih nak aut khai sü ah kyak ci. Tuhbäi kho a khüt law vai khin ung ang bäng ge ah hnü ät kium law ne, a hnun gui pe ne, cheishoh nak cu nawtpet yawp pyii ci.

ATÜNNAK 19:35

A cun ah mü ung ani pa cu awktat khai ah tu ni neta, a hta hnumi a hmaw ba awn ng’yaw ne ip ci goi. Ani pa cu ana ah awktat ci kiane a i kä shüm ba ci.