1 PETER 4:6 - Cho Bible Common Language 2016

⁶ Cun ah kyasei Thu Ni cu aksi gui ah om nak ah phi pyein ah kiak ci, cun ah aksi gui cu chang van ah mäih ah pumsa awn m’khoichaa nak gah pyi ci gui ah kyak ci; Thu Ni m’thein gui cu Khanpughi ah mäih ah mümcha awn ami ghin vai ah hmawk ah kyak ci.

1 PETER 4:6 Referans Kwoze

ROMAN 8:2

Cun ah kya sei Jesuh Khrit ung na kawng ät sak ciah Mumcha ah thukhän naw, katnak la sih nak ah thukhän ung, kei cu na phiawn sak pyi ci nei.

1 PETER 3:19

Mumcha awn a ghin nak awn thawng kyum ci gui ah mümcha ah hteit ne thu pyein ci.

KALATIAN 5:25

Mumcha naw ghin nak na pe gui pyi ci, ani naw mi ghin nak cu na kut shum gui khai nei.

MATTHE 24:9

“Cun kawn ah chang gui naw nangmi cu ning pha gui u ne ami ning m’kat gui vai la ami ning ngawn gui vai ah ning ap gui khai gui. Chang gui naw kei ah hmawk ah ning gen gui khai gui.

KALATIAN 2:19

Thukhän naw kei cu na sih sak ciah kyasei, thukhän ah mawng ung kei cu chang k’si ah ka kyak ci. Cun ung kei cu Khanpughi awn atäng ah sih nak ka gah pyi ci:

THU PHLAAN 14:18

Cun kawn ah mei ah däi ciah khankho chang tumat cu sonkiang ungka lut lawk ci. Ani naw sangnawn kawt ciah khankho chang-am, “Na sangsawn awn khomdek khan ah sapyit gui cu yuk khäm ä, up yawp pyi ci gui nei” cine m’lau ci.

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.