1 PETER 4:17 - Cho Bible Common Language 2016

¹⁷ M’khoichaa nak ah a khin cu gawk law pyi ci nei, Khanpughi amät ah chang gui cu m’khoichaa nak gah ma khai gui nei. Cun cu mikmi ung a tün ah a kyak ung, Khanpughi ah Thu Ni kä yum ciah chang gui ah khan ah akhüt ung a i cha ah kyak khai ang?

1 PETER 4:17 Referans Kwoze

JEREMIAH 25:29

Kei naw m’dimshum nak ah bii cu ka mät ah mang gaw ung ka tün khai. Ngami naw kä m’kyuk gui vai ah ngai u ne ang? Kaa nei, khomdek khan ung chang avan am ng’tuk nak ka tüih lawk khai, cun ah kyasei ngami cu m’kyuk gui vai nei kei, m’gäi ciah Bawipa naw ka pyen nei.

2 THESSALONIAN 1:8

mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.

EZEKIEL 9:6

Aghipa, chang nong, hnumi nong, nunu gui, hta hmaw gui, ngawn gui vä. Cun ung phi am calai ung m’hnüt nak om cicu kä name tawn en vai. Shin ah kei ah Taigüim pei ung name tün vai.” Cun ah kyasei ngami haw Taigüim pei ah ng’düi ciah ang vai gui ung tün ci gui.

1 PETER 2:8

A hei cacim ung, “Cun ah lung cu chang gui ah m’thuihshawng nak vai la, Chang gui ah ng’vawn ng’täät nak vai ah kyak ci”, ciah om ci. Ngami cu thucim kä yum ci gui ah kya ne, ‘Thuihshawng ci gui, cun cu ngami ah hmawk ah Khanpughi naw am’hnüt ah kyak ci.

ROMAN 2:9

Shetkat nak bik ci gui ah Jew chang gui ung tün ne, khui hei chang gui van ah khan ah yaica nak la nat nak cu om khai.

LUKA 23:31

Chiing ne lim ciah a ghing hngaw shin hlawk ah ka yaica ung a ghing chawng ci a i hlawk ah yaica khai ang” cine kyak na gui ci.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

AMOS 3:2

“M’dek khan pakhui avan ungka nang tumat bäng cu kei naw ka ning hmat, ka ning m’htei ah kyak ci. Cun cu nam katnak kyih aih vai ah kyak sak ci la ngami ah hmawk ah kei naw ka ning m’kyuk gui vai ah mawng ah kyak ci.”

ISAIAH 10:12

Cun ung phi Bawipa naw a pyen cu, “Kei naw Zion M’htung la Jerusalem ah khan ah ka bi cu ang pyi ah a kyak ung, kei naw Assiria ghangpughang cu a khähghah nak avan la chang ah ang shei nak avan ah phäh ah ka m’kyuk khai nei” cik ci.

HEBRU 5:9

Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.

HEBRU 2:4

Acun ah khin ung Khanpughi a mät naw cäi aih vai gui, cäicat vai gui am dang nak awn la a mät ah ng’yak hlü ah Mumcha Theing am shum phyuk nak awn saksi cu dang sak ci.

HEBRU 2:2

Mi pupa gui am khankho chang gui awn a yuk peit law ah ng’thu cu akcang ah kyasei, cun ah thu kä läk ne kä ngai ciah chang cu m’kat nak gah khai ah a kyak ung,

KALATIAN 5:7

Ayan nangmi ah bi cu bä ci te! Düng nak kä läk vai ah a u naw ang a ning maa nak gui? A i chaa ang a ning k’tü k’phlawh gui?

HEBRU 11:8

Abraham naw Khanpughi ah khü äi ne ang htukhä nak ah kho ah, düi ne a hteh cu a yum nak awn ah kyak ci. Ani cu a hawi a hteh vai kä hmat pang ne phi amät ah kho cu nawng shüt ci.

KALATIAN 3:1

Kalatia chang k’ang gui! A u naw ang a ning pluh gui ve? Kutlam tung ung Bawi Jesuh Khrit asih cu, nami mik awn nami hmuh awn täng khai ah, ka ning m’dang gui pyi ci nei!

JEREMIAH 49:12

“M’kyuk vai ah kä kyak ciah chang gui hman naw m’kyuk nak ah khap ami awk ah a kyak ung, nangmi cu kä m’kyuk ah nami hteit khai ah nami ngai ne ma? Ka nei, nangmi cu awn ah khap ung nami awk khai nei!

ROMAN 1:1

Khanpughi naw Thu Ni ng’shäu khai ah ghü ne am’düih, Jesuh Khrit ah chang shäm, kei Paul naw ca ka gu lawk ci.

KALATIAN 6:10

Cun ah kyasei mikmi naw akhin mi gah päng ung, chang ah hmawk ah ak ni cu mi bik khai, yum ci gui ah kyong khui ah hmawk ah ak tung pi ah mi bik khai.

1 TIMOTHI 3:15

Cun ung phi kei cu ka shokshü ei ah a kyak ung, Khanpughi ah kyongkhui ung om ci gui naw, a i ah om ih vai cu nami hmat vai ah, shin ah ca ka guk law ah kyak ci nei. Cun ah kyongkhui cu ghing ciah Khanpughi ah krithabum ah kyak ci, cun ah Krithabum cu thu düng ah a tung ah kyak ci.

HEBRU 3:6

Bawi Khrit läi cu Khanpughi ah im uk ciah A Htapa ah kya ne, bekhüt ne om ci. Mikmi cu küighaat ne, mi ngaih u nak ah khan ah m’lung üp nak a om ah a kyak ung, Khanpughi ah im ah mi kyak ci.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.