1 PETER 4:15 - Cho Bible Common Language 2016

¹⁵ Nangmi ungka chang tumat phi ngawn sih nak, m’guuk nak, kiawi m’sau nak, pigaw k’bou pahta m’chaa nak ah hmawk ah geinvai nak kä gah en sä.

1 PETER 4:15 Referans Kwoze

2 THESSALONIAN 3:11

Nangmi ungka bi kä bi hlük ne dam ne om netah, chang hei ah bilawh mawngma düt, lawilik ng’kühyah tuk ciah chang om ci, cicu kami ng’yak ci nei.

1 THESSALONIAN 4:11

Ayan ä ka mi ning m’cäi gui ah mäih ah dimdeeih sei nami ghin om thei vai, chang kä khuihphaa ne nami mät ah bi ung nami khän htek vai, nami mät ah hnun nami mät naw nami m’ghin hning vai ah nami tha nak vai nei.

1 TIMOTHI 5:13

Cun kawn ah ngami cu a im tung päng ung hteit shüi shüi ne akhin maih sak ci gui, cun bäng ah kä kyak ciah kä pyein vai pyein u neh, chang ah mawng pyein sah hlük ci gui.

1 PETER 3:17

Khanpughi naw ang yak hlü a om ung, akni bi netah gein vai nak cu, akshe bi netah geinvai nak ah mä bä tu ba ci.

2 TIMOTHI 2:9

Kei cu Thu Ni ka pyein ah phäh ah ka geinvai ci, m’si gui awn phi ami na khih nak ah kyak ci. Cun ung phi Khanpughi ah Thu läi cu khih pawn nak kä om ci.

MATTHE 5:11

“Kei ah hmawk ah chang gui naw ning shedam na gui ne, käng düng ci awn a hlü hlü ah a ning m’kat law gui ung, nangmi cu yeikyai nak om sä, nangmi cu kei na läk ciah nami kyak ci nei.

PHYAWN NAK 22:2

Ani naw am guuk cu am thung vai. A i kä ah taak ah a kyak ung, am guuk thung nak vai ah ani cu changshäm ah kyak khai ah yoih vai. Am guuk ah sei, ng’se, me cu a kut ung ak ghing ah a om ah a kyak ung, tumat cu hnih awn m’thung khai. “Khaw mü ung m’guk-ei naw im k’auh sei, hmu ne pha ne ngawn ah a kyak ung, cun ngawn ciah chang cu chang ngawn ciah kä kyak ci. Cun ung phi khaw hnüüp ah a kyak läi ung chang ngawn ciah kyak ci.

1 PETER 3:14

Cun ung phi akni nami bi ah hmawk ah ning shedam nah gui ci a om ung, yeikyai vä, kä kyikyawk en vä, kä ng’ä ng’ai en vä.