1 PETER 4:13 - Cho Bible Common Language 2016

¹³ Nangmi cu Bawi Khrit ah geinvai nak nami ng’pai püi ciah kyasei, nami yeikyai vai nei, cun ung vah Bawipa bämang nak awn a kyum law ba hnüüp ung, nangmi cu yeikyai nak awn nami kümbe khai.

1 PETER 4:13 Referans Kwoze

ROMAN 8:17

Mikmi cu Khanpughi ah hta gui ah mi kyak ci kyasei, ak chang gui ah hmawk ah Khanpughi naw am hnüt ah hrilham cu mi khäm khai. Bawi Khrit ah hmawk ah Khanpughi naw am hnüt ah bäkhäk nak cun phi mi khäm tuk khai. Mikmi cu Bawi Khrit awn a täng ah gein vai nak mi gah ah a kyak ung, ani awn a täng ah bämang nak phi mi gah khai.

ROMAN 5:3

Mikmi cu yaica yah ung phi mi yeikyai ci, a i ah kya sei ci ung yaica nak naw hnimgei nak;

PHILIPPIAN 3:10

Kei naw ka ng’yak hlü cu Bawi Khrit hmat vai, sih nak ungka a thawh nak ba ah hlüngtai nak gah vai la ani awn a täng ah yaica nak gah ne, ani ah sih ah mäih ah sih tu vai bäng ah kyak ci.

2 KORIN 1:7

Cun ah kya sei nangmi cu keimi ah aut ah geinvai nak gui nami aut tu ah mäih ah keimi ah gah ah m’htei nak cun phi nami gah tuk ci; cicu khäng sei ka mi yum ci.

1 PETER 5:10

Cun ung phi nangmi cu cun ah geinvai nak a shänghta nami aut kawn ah, M’Gein nak ah Khanpughi, Bawi Khrit ung ning kawng ät sak gui ne, ng’täi ciah abämang nak ning k’pai tu gui khai ah ning khü gui ciah Bawipa naw, nangmi cu ning kümbe sak gui ne, ng’khäntaang nak, k’thamah nak la khüighaat nak ung ning khanhtek sak gui khai nei.

2 KORIN 4:10

Bawi Jesuh cu mikmi ah pumsa ung ang dang vai ah, thuka thei ciah mi pumsa naw Bawi Jesuh ah autah sih nak cu angtäi sei mi aut ci.

2 TIMOTHI 2:12

Mikmi ung khüighaat nak a om ah a kyak ung, Mikmi phi ani ung uknak mi gah tuk khai.

2 KORIN 4:17

Keimi naw a shäng ak yaang ah kami aut ah yaica nak naw cun ah hlüngtai pi ciah angtäi sei bämang nak cu na gah sak gui khai nei.

LAMKTU 5:41

Ang düihpüi gui cu Khanpughi naw Bawipa Jesuh ah hmawk ah hmai m’sheit nak aut khin ci gui ah ak bäi gui ah phäh ah yeikyai u ne kawngsi yungah ka hteit ba ci gui.

THU PHLAAN 1:9

Kei cu a khawpäng ciah chang gui naw ami bui awt ah geinvai nak awt ciah nami paw, Bawipa Jesuh ah chang, nami phäi Johan ah ka kiak ci. Kei cu Bawi Khrit ah düng nak la Khanpughi ah ng’thu ka shäu ah hmawk ah, patmos ng’lei ung ami na üüp ah kyak ci.

1 PETER 5:1

Kei ka mät ah mäih ah khrithabum ung ang vaihta gui cu ka ning m’cäi gui ci nei. Bawi Khrit ah geinvai nak ah mawng saksi ci la dang lawk khai ah abämang nak ng’pai tuk ciah chang ah ka kiak nak awn ka ning m’cäi gui ci nei.

KOLOSE 1:24

Tuhbäi nangmi ah hmawk ah ka yaica ah hmawk ah ka yei ci nei. Bawi Khrit naw apumsa ah kyak ciah Khrithabum ah hmawk ah ayaica ah mäih ah a gawk güt ung ka pumsa yaica nak awn ka ning m’htei gui khai nei.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

MATTHE 5:12

Zeikiai ne lünlawi vä, khankho ah nangmi ah gah vai ah m’cümhnah nak cu däm aih ci nei. Caü profet gui phi acun ah mäih ah shedam nak gah pyi ci gui nei.

ISAIAH 35:10

Ngami cu yeikyai nak awn Jerusalem ah gawk khai gui, Ng’äi m’cu ne, yei ne m’lau khai gui. Ngami cu angtäi sei yeikyai khai gui, Thüisei omdam nak phiawn nak khai gui.

1 PETER 1:13

Cun ah kyasei nangmi cu ng’düihthawh ge vai ah om vä. Bawi Jesuh a kyum law ba hnüüp anam shum phyuk gui vai cu kümbe sei ngaih u ne lunglaang ne om vä.

LAMKTU 16:25

Khomü cawih ah Paul la Silas cu taigü ni ne, Khanpughi m’hlüngtai ne ng’äi m’cu ni sei, a hei thawng kyum gui cun naw ngai tuk ci gui.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

MATTHE 25:23

A bawi naw ‘Na bä ci nang cu düng ciah changniah na kyak ci. Bi api ung nang düng ci kyasei bi akdäm cu ka ning ap khai, kei ah law ne kei awn a täng ah yeikyai ne na om khai nei,’ cine pyen nak ci.

MATTHE 25:21

A bawi naw, ‘Na bä ci, nang cu düng ciah changniah na kyak ci. Bi api ung nang düng ciah kyasei, bi ak däm cu ka ning ap khai, kei ah law ne kei awn a täng ah yeikyai ne na om khai nei,’ cine pyen nak ci.

ISAIAH 51:11

Nang naw na gun gui ah chang gui cu yeikyai u ne, ng’äi m’cu u ne, yei ne m’lau u ne, Jerasalem ung gawk lawk ci gui nei. Ngami cu angtäi sei yei kiai khai gui nei. Azä nak la thüi sei nak ung angtäi sei luat khai gui nei.

ISAIAH 25:9

Cun ah a kyak law hnüüp ung chang nü naw pyen khai, “Ani cu keimi ah khawpnghi nei! Ani keimi kami ngaih gep ci nei, ani naw na gung gui ci nei. Ani cu Bawipa nei! Ani ung keimi kami ngaih gep ci nei, tuhbäi keimi kami yeikyai lün lawi ci nei, a i ah kyasei ci ung ani naw keimi nah un gui pyi ci nei.

THU PHLAAN 1:7

Teng tu vä, Bawipa cu khawmei ung cun ne kyum lawk ci nei, chang nüng nüng naw hmuk khai gui nei, amät k’htei awn shun te ci gui naw phi hmu tuk khai gui nei. Khomdek ah khan ung chang ah hta avan cu haala yawp khai gui nei. Cun cu akcang ah kya sä!

LUKA 17:30

Chang ah Htapa ang dang law ba hnüüp ung phi acun ah mäih ah kia law ba khai.

MAKUH 8:38

Khanpughi kä shüm ne shetkat nak ah tuhchü akhin ung, kei ah hmawk la kei ah m’theithang ah hmawk ah lü ng’a ciah chang cu, Apa Khanpughi ah bämang nak awn, chang ah Htapa, khanchang theing gui naw’ kiuung u sei a kyum law ba hnüüp ung ani ah hmawk ah lü ng’a nak om khai nei” cine kyak na gui ci.

ROMAN 8:18

Tuk bäi chü mi bui aut ah gein vai nak cu, Khanpughi naw a na peit law gui vai ah bämang nak awn kä tutäng khai ciah kei naw ka yum ci.

2 KORIN 1:5

Mikmi naw Bawi Khrih ah aut ah, da aih ciah geinvai nak cu mi aut tu ah mäih ah Bawi Khrih ung Khanpughi ah na peit gui ah m’htei nak cun phi mi gah ci.

1 PETER 2:21

Acun ah mäih ah nami bi vai ah Khanpughi naw a ning khü gui ah kyak ci. Bawi Khrit amät nangmi ah hmawk ah a geinvai nak awn, nami thei tu vai cu dang sak ci. Cun ah kyasei a kho neh cu nami läk vai kyak ci.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;