1 PETER 4:12 - Cho Bible Common Language 2016

¹² Ka teihpüi gui aw, nami geinvai nak vai ah ng’hlo ng’ei nak ah m’nüm nak nami khan ah a gawk law ah hmawk ah kä nami cäicat vai, cun gui cu nangmi ah phäh ah ak küikyang ah kä kyak ci.

1 PETER 4:12 Referans Kwoze

2 TIMOTHI 3:12

Bawi Khrit Jesuh ung kawng ät ne yum nak ung lünlawi hlük ciah ah chang phung cu dukdeiu nak gah khai nei.

1 PETER 5:9

Nami yum nak khänhtek sak ne khüighaat ne om vä, a i ah kia sei ci ung, na mi hmat pyi ah mäih ah, m’dek ah khan ung khritha gui cu, geinvai nak ung ami yaica ah hmawk ah kiak ci.

DANIEL 11:35

Cüivai ciah ang vaihta gui cu ngawn gui khai gui cun ung phi cun ah ami ngawn ah phäh ah chang gui cu theingthap lawk khai gui. Shin cu Khanpughi ah m’hnüt nak ah khin kä a gawk pha ah chuih a cun ah kya lä khai.

1 KORIN 10:13

Nangmi naw tuhbäi nami buiaut ah tüihtok nak gui cu, chang ung gawk law man ci bängbäng ah kyak ci nei. Khanpughi cu a shaitaak ah mäih ah om ciah kya ne, nangmi naw kä nami m’khüt vai ah tüihtok nak cu kä ning awt sak gui khai. Tüihtok nak nami awt law ung nami m’khütnäng nak vai ah k’thagui ning pe gui ne, nami phiawn nak vai ah lam ning m’hnuh gui khai.

1 KORIN 3:13

Cun ah chang gui ah cawhkyan nak ah a phu phäh phäh cu, Bawi Khrit a kyum law hnüüp ung ng’tän ne dang lawk khai. Cun ah hnüüp ung meidäi naw chang tumat ciah bi cu m’dang khai: cun ah mei naw chang tumat ciah bilawh cu akcang ah m’hnüt m’cah ne m’khoichak khai.

1 PETER 4:4

Tuhbäi nangmi cu ngami awn kä ng’cawng phyoot kä hlimtui ba uk ci sei, ngami cu cäicat u netah, ning päipih, ning sawngkhei gui ci gui.

ISAIAH 28:21

Bawipa naw perazim m’htung la kibeon khonawi ung abi ah mäih ah ng’tuk bik khai nei, ani naw bi vai ah akbäi ah mäih ah bik khai-ani ah hnünthawh cu thuuk ne hnip khai. Ani naw abi, thuuk kä hwat yäi ciah abi cu phleh ne bik khai.

THUSHÄUTU 5:8

Acoyah naw dukhaih ci shedam ah ne, taga nak la ami chaw cu ma na gui sei, nami hmuh ung kä nami cäicat vai. Bawi päng cu amät ah khan ung om ci naw shung vong ci, a cun goi cun phi ani khan ung om ciah bawi naw shungvong ba goi ci.

1 PETER 2:11

Teihpüi gui aw, mikmi cu khomdek khan ung om k’tu ah mi kyak ci kyasei, angtäi sei ng’küükneet ne, nang tuk püi gui ciah pumsa ah ng’yak hlü ah kä m’lung k’si en ne, nami thamah vai ah ka ning m’cäi gui ci nei.